2015.05.23 家族旅行之日本南北遊 Day 8.2

尋晚又偷懶無去散步, 所以有機會睇到無記套<陪著同走>, 確係幾好...但我唔係好信現實會有甘言重(呢個名好攪笑....)

2015.05.23  湯布院

我地離開くじゅう花公園後就去湯布院食lunch, 因為細佬之前睇旅遊節目見到介紹一間食牛煲仔飯想去食先安排去湯布院, 係九州渣車真係幾爽, 剛剛呢程就全程都無咩車, 但會諗起卡通片主題曲(又越個高山又越個谷......), 細佬話經過4個山喎。晏晝點幾就去到湯布院, 揾到個近車站停車場, yen100/30分鐘左右, 泊好就去揾間食....呢度係溫泉勝地

係車站對面有間幾大既手信舖, 又入去行一陣, 再向前行幾個舖位, 見到有間餐廳幾多人咁, 同埋幾似細佬想食既野, 咪上去睇吓, 坐滿客.....等咗幾個字先到我地, 有位啦....睇一睇個餐牌, 得幾款野揀, 主食煲仔飯...就分豐後牛, 地鍋雞同鰻魚, 再有少少小食咁, 我地一人叫一煲飯, 呢個前菜就枱枱都有, 樣樣都好好食,我地6個人有2碟

呢碟咸菜用來一陣配煲仔飯食

個煲仔飯有啲似名古屋食鰻魚飯咁, 有三食....一食就咁食, 二食就加上面碟咸菜/枱上調味料(我最鐘意個山椒), 三食就加茶漬, 三個唔同味道, 但三個都好食, 本身個飯好香.... 

佢地既和豐後牛


我同爸爸既地鍋雞

食完lunch好滿足, 見仲有時間咪去金鱗湖行下, 可以今日天氣唔多好, 唔覺個湖有幾靚, 個湖就係得咁大, 入面可能仲有.....但佢地話把鬼喎, 唔想再行入去, 影幾張相就走人

行完金鱗湖後回程去返JR車時, 可以慢慢睇吓啲舖, 有姐姐最LIKE既肥貓

都係姐姐有先見之明, 我經過B-SPEAK時就同佢地講話呢個ROLL CAKE好出名, 姐姐就話不如買咗先, 再問吓佢轉頭攞得唔得, 我咪去問吓個店員, 點知只係留個名,講埋買邊款同埋幾點前來攞就可以, 錢都可以唔洗俾住........到我地4點左右返轉頭攞時, 真係已經賣曬...幾好彩....都係姐姐叻

我明明有影個ROLL CAKE真身架,但依家揾唔到張相添


今日真開心, lunch飯堂有豬腸粉食。台北機票已到手, 可以check-in, 但行李今晚先執...去3日好簡單jer....真開心....
個blog返來先再update啦....

報時：距離台北54小時尋食尋兔之旅仲有---1日

報時：距離西歐鴨仔團之旅仲有---24日

報時 : 距離釜九櫻花6人行之旅仲有--204日