12.27 首爾 D3

行程好快就過咗一半喇,  每日都好開心時間過得特別快

零靜的雪嶽山日出 

雪嶽山坐車出到首爾, 又lunch

韓式BBQ, 就係呢餐, 食到啲好好味既辣椒醬

之後就去咗把鬼既COEX水族館

同海洋公園比差好遠里路

幾少水母

好彩只係停留一陣姐

之後就去咗樂天世界

呢度曾經係最HOT既景點, 因為天國的階梯

等玩GAME時, 影咗張相, 叫做來過吓

是日晚餐

石頭飯 + 又係火鍋

唔記得咗影石頭飯添

出到首爾既兩晚酒店係超豪既"洲際"

雖然間房有啲亂, 張床係KING SIZE既, 同姐姐一齊瞓都唔覺隔離有人

                                                

12.26 首爾 D2 ( Part II)

去完Teddy Bear博物館, 跟住就去雪嶽山Waterpia溫泉, 今晚既酒店就係附近, 因為我地幾條友仔都唔去溫泉玩, 所以就係酒店既超市行咗一陣, 當然又買到嘢返房食喇, 同埋留守係房度影吓相

窗外既景致

呢個係韓國出名既炸醬面

由於我地第一次唔識煮,

所以味道麻麻,

之後經高人指點, 真係超好味~yummy yummy

以下既又係韓國出名既, 左至右介紹吓先

梨汁, 米漿(呢個應該熱飲好味啲), 米酒(最like凍飲)

其實都唔洗放入雪櫃, 大家都見到出面幾雪架喇, 應該凍過雪櫃,

所以我將佢地放咗出露台一陣就已經啱飲喇....

食嘢梗係唔少得, 超甜&好味既士多啤梨

話咁快又食晚飯, 呢餐好豐富, 坐係度影都影唔曬, 仲要未係全部喎....

添加咗魷魚&米酒, 仲有2個路人

火灸(羅仔)

無肉既海膽

原條魚生

不知明既手卷

今餐真係飲飽食醉, 之後我地玩煙花仔

12.26 首爾 D2 ( Part I)

頭2日既行程比較少, 因為車程比較多咗少少, 話咁快就又開餐, 今餐都應該係我最唔like既一餐喇...

香菇火鍋, 好彩係韓國會有好多好味既前菜, 所以點都飽既

食完飯後, 好多團友仔都去咗餐廳既後面留倩影

之後我地就去咗同韓劇"宮"差唔多既Teddy Bear博物館, 呢度好靚架, 都唔夠時間同佢地影曬相

bear bear都會跳舞

仲要求婚添

大家唔好誤會, 呢度唔係bear bear間屋, 只係佢地既廁所

佢地已經結咗婚

究竟係bear bear家係小狗呢?

12.25 向首爾出發

為在呢個旅程安排咗成10個月, 終於出發喇, 好期待呀~

由於夜機關係, 所以前一晚就集合, 可以慢慢係屋企食飽飯先出門口, 所以我今次又安排咗食生果餐, 我對呢個餐從未期待過,不過無諗過會係咁既(1個蘋果, 1個橙 + 1條蕉), 全部都未切, 似剛剛係生果舖買返來咁, 超爆笑...

姐姐唔食牛既關係,所以都特別安排咗海鮮餐

終於到逢首爾機場, 領隊俾少少時間我地食個早餐先, 係揀選食咩時, 係機場影返張相先, 聖誕節既機場係唔同啲既....

魷魚肉片火鍋

白飯(係咪好我意呢....未見過咁既型狀既飯呢, 自制架, 係攝影師教我地玩架)

食完飯後, 係餐廳門外買既士多啤梨(超甜&好味)

坐咗幾個鐘頭車, 去到滑雪場, 之前領隊帶我地去租衫先, 之後返酒店換衫, 準備去一展英姿
係滑雪場玩咗幾粒鐘, 好攰...
滑雪時無帶相機, 所以好多相都係攝影師幫我地影既, 放唔到俾大家睇
聖誕節梗係要開吓party架喇

今日係聖誕節, 大家係香港就準備好禮物交換, 俾大家睇吓...
前面有3小包(粉紅色), 係我為大家準備既每人一小份心意

呢份係我買既, 由WPS抽到, 隻CAT係門si來既

呢份係姐姐織既, 阿珊抽到

呢份係阿珊買既, 姐姐抽到

嘩....好貴呀
呢三份都係wps買既, 我抽到, 之後我地每人揀一款

呢個就係我買俾大家架, 個個唔同樣架, 妳地睇吓佢笑得幾開心...

呢間酒店既房好大架, 每間都係2房一廳, 所以我地今晚一齊瞓同一間房

呢隻bear bear係酒店大堂等咗我地好耐, 所以點都要同佢影返張相先

12.23 另一個聚會

聖誕節前夕既前夕, 我地幾個又去參加咗另一個聚會, 原本阿呢有份去既,不過佢個肚唔爭氣丫, 唯有由O姐頂上

首先同枱友+Gary哥哥影張相先

枱上既setting都幾靚既, 幾有聖誕氣氛

今次幾叻, 可以同小狗影相, 好彩佢都唔係好郁

 

Gary哥哥預備咗咗禮物抽獎, 不過只係抽到張Poster, 抽唔到金牛添

 

最後就全部人影張大合照

唔知大家有無發覺, 其實來來去去都有同一班人呢? 我諗都係"渴彩"既關係掛 !!!

12.20 X'Mas Party

今日約咗Kennis去參加佢地佛堂攪既Party, 今年係第二年參加, 玩得好開心, 可能我跟佢去咗幾次Camp, 上年又有參加, 所以好多人都見過, 咁有啲都識既, 雖然未到好熟,但始終都叫做見過吓, 大家又玩得埋, 所以好開心架, 來張大合照喇

分組玩遊戲既時候, 大家都好盡力, 我地呢組當然係最出力喇, 唔係又點會勝出呢....

yeah....第一名

第二名都有獎喎(好似話買多咗), 唔緊要, 最緊要大家開心

姐姐幾叻, 佢地team攞第二喎

O姐最勁喇, 同我一組, 又勝出, 仲要俾佢抽埋利是, 名副其實又食又拎

($50入場費(剛好同利是一樣), 即係免費喇, 仲要攞埋條手巾仔走

12.19 公司Annual Dinner

每年公司既Annual Dinner都係聖誕節前食既, 攪手又係我, 由我返咗香港office後,呢樣好似列入我既工作範圍內, 以前都係全公司同事輪流攪, 可能依家人又少, 而且都無人會主動做攪手, 第一年都仲有個同事幫吓手, 之後兩年啲同事問都唔會問lu...

今年終於可以唔洗食中菜喇, 去食buffet, 又唔要貴, 又要好食, 都幾難架...

不過都好既, 唔洗局住成晚坐係度, 可以行來行去唔係仲悶, 況且食buffet要預備既嘢少好多, 依家公司既同事都唔多想同啲高層傾計, 所以都幾麻煩, 又唔想靜到死, 點都要揾啲game俾大家玩吓, 所以諗咗3個game俾大家玩吓, 除咗佢地玩緊既IQ題外, 其餘既我都可以玩吓, 佢地都好投入去玩, 因為勝利者有部DC做禮物,

呢張係同事間既交換禮物, 好似好多正嘢呢? 其實只係得個袋, 未必內外一樣架, 我原本抽到份新同事買既, 不過係食物(唔準買嘢食), 人地都講到好清楚架喇, 都有人錯既, 好彩佢最後都同我交換返

終於玩曬啲Game, 我一份都無中獎, 到大家等咗好耐既大抽獎, 舊年抽到第三名($2300), 今年就俾老細抽到我, 得第7名($1600), 差好遠呀.....

今年現金獎有4個, 1個$1000, 3個$500, 好彩之後都抽到$500, 幫補吓...真開心

最後仲有同事仔車我地返屋企添....正

12.16 愛‧和平音樂會

今晚約咗姐姐同阿呢 去睇

開場前影吓個台先, 其實咩都無架, 剩係得呢個

"張敬軒x MR. 既愛‧和平音樂會"

今晚係買咗新相機後第一次帶埋腳架去影, 想睇吓可唔可以影到自己想要既嘢, 係呢度同大家分享吓, 當晚主角 -- 軒仔唔係唱咗好多首歌

唱咗一輪後, MR. 出場喇, 現場反應麻麻, 始終佢地都係新人, 有人識唱佢地既歌都已經好好, 講真喎我都係前幾日先係收音機聽過佢地既歌, 開頭仲以為係EASON, 後來DJ介紹先知係MR.既歌, 咁佢地又唱得幾好既..

主音 : ALAN

MR. + 朱薰E

當晚仲有另一個嘉賓既,不過就唔係好受歡迎喇

以前聽佢唱都OK架, 現場就麻麻, 而且仲......