新年假期

每年農曆新年,公司都會放成一個星期既期(仲唔洗扣大假添),以往幾年都會同屋企人去吓旅行,剛啱今年要搬屋,所以無呢個打算,所以成個假期都係拜年同約吓朋友見面咁喇。

年初一 : 例牌都係一家大細係開企食咗飯,然後就浩浩蕩蕩一齊去爸爸既兄弟姐妹度拜年。

年初四 : 約左朋友去佢既新屋度參觀同見吓佢個仔,朋友間新屋好靚架, 每次見到佢個仔都好得意同好開心,但仲未有機會同佢影到一張佢好開心既合照呀

年初五 : 約咗兩個舊同事聚會, 我地3個人上次見面係舊年既新年喇, 今次佢地都帶咗阿女一齊來食tea添, 話咁快又一年。

年初八 : 今日終於要返工喇, 第一件要做既事就係同大家拜個年先,今日係情人節,暫時未有情人既我就約咗朋友去睇戲,本來去睇P.S.I Love You既,但爆曬, 所以我地最後去睇"魔法奇緣",我地大家都覺得幾好睇。

年初九 : 今晚去媽媽公司既春茗, 係因為食翅同燕窩我先去,唔係咁悶既場合又點啱我丫,媽媽好勁呀, 佢總並抽到個電磁爐同$3500利是(分左$1000俾我,$500俾爸爸),好開心。

年初十 : 久違好耐既書,又返來喇, 之前報左名再讀英文,今日終於要返學喇。

年初十四 : 今晚約咗朋友去食飯,我地其中一個剛剛結婚,今年第一年派利是,所以我地大家約埋出來食飯,兼收利是, 我地仲傾咗好耐同好開心, 好彩我地食中菜,唔係真係嘈死隔離呀

元宵節 : 約左其他既朋友食飯,我會順個便出去老尖度行吓添,睇吓有無好嘢買。

大家睇吓我呢個農曆年,都係食食同食, 已經本身圓圓既我,又再發漲咗少少喇, 我既作戰計劃要再開始喇。

2.6 除夕夜

今日係農曆年30, 以往都會約朋友去睇戲同行花市,但今年無咩戲啱呢個氣氛,原本都諗到去睇"魔法奇緣",但點知好多間院都爆曬,所以今日睇唔成,又唔想專登出去行花市,所以今晚咩地方都無去,係屋企好平淡咁過。

今年對於我講唔係好有新年既氣氛,可能係屋企之前要搬屋喇,咩嘢新年前要做既嘢都無做到(辦年貨, 買新衫),團年飯都係出街食添。

之前搬完屋,因為細佬嗰邊未整,所以好多嘢都未執,但今早爸爸媽媽將啲紙箱搬曬過去細佬嗰邊, 間屋終於似啲樣喇, 唔洗全屋都有紙箱。

明天大年初一,祝大家身體健康,心想事成。

2.1 新開始

終於搬完屋喇, 之前既安排實在太多,好多嘢要攪,依家都算過一段落,成個人都好攰,依家仲有好多嘢仲未攪掂,所以屋企仲係好亂,我諗咁既情況仲要維持1個月左右,要等過完新年, 細佬間屋裝修完,先可以回復原本咁既。

今次搬屋比較辛苦,時間太緊迫,好多嘢都係啱啱好,我地幾個人,差唔多成90箱衫同雜物,仲有幾件大件傢俬,好彩最後都收齊屋,唔係都幾大件事,D嘢肯定放唔落,今日再執多一日都好好多架喇。