2.6 除夕夜

今日係農曆年30, 以往都會約朋友去睇戲同行花市,但今年無咩戲啱呢個氣氛,原本都諗到去睇"魔法奇緣",但點知好多間院都爆曬,所以今日睇唔成,又唔想專登出去行花市,所以今晚咩地方都無去,係屋企好平淡咁過。

今年對於我講唔係好有新年既氣氛,可能係屋企之前要搬屋喇,咩嘢新年前要做既嘢都無做到(辦年貨, 買新衫),團年飯都係出街食添。

之前搬完屋,因為細佬嗰邊未整,所以好多嘢都未執,但今早爸爸媽媽將啲紙箱搬曬過去細佬嗰邊, 間屋終於似啲樣喇, 唔洗全屋都有紙箱。

明天大年初一,祝大家身體健康,心想事成。