2011.02.06 首爾hea住遊 Day4

２０１１．０２．０６

尋晚同姐姐商討咗，今朝早餐去多次土俗村食人蔘雞
我真係覺得好好味，姐姐話試埋燒雞
食後感，都係剩食人蔘雞好喇

食完早餐就落明洞，搵碩仔既戴過同款既介子
揾咗幾間都揾唔到，又坐低飲返柸咖啡
呢間甜甜圈又係係日本食過覺得好食
上次姐姐去日本前介紹咗俾佢，但佢係日本食唔到
所以係韓國食返

飲完咖啡，係明洞行一陣商場，就去食ｌｕｎｃｈ
我地真係信錯旅遊書，去咗拿度香食部隊麵
好把鬼之餘，我仲覺得俾人昆
就係呢煲麵，收咗我ｗ１５０００

如果係餓住入去，一定食唔飽囉
我見隔離枱阿叔食既，多過我地好多囉

食完都２點幾，要坐車返酒店攞行李出機場
去到東大門，忍唔住係韓國既ａｐｍ行咗一陣
買咗件我覺得好靚既棉褸

離開ａｐｍ後，終於忍唔住點都要影返張相
日日都見到，最後一日先影
２ｐｍ代言既運動用品

我地實在太多行李，同埋唔想係地鐵站行上行落
所以豪啲坐機場巴士，舒服係幾舒服既
不過比起ｗ５０００既地鐵貴３倍
一個鐘後就去到機場，我一直擔心既事
無發生到，好開心

兩個人既行李唔算多丫

都唔夠５０ｋｇ

ｃｈｅｃｋ－ｉｎ後，又去食
辣豆腐湯，呢個真係超辣

上機ｌｕ，無無聊聊，機程途中，又見到台北

隔多一陣，又派唔好食既飛機餐
好彩頭先係機場食飽飽

返到屋企都成一點，但我都係要執埋ｄ行李先瞓覺
仲要影埋張大合照
我地唔係買咗好多護膚品，但都有前面一墊ｓａｍｐｌｅ送

原來都買咗唔少野喎
ＣＤ，薯片，書，護膚品，ＭＩＦＦＹ用品
我地連煲都有買到呀

一次過又點影得曬我地今次既戰利品呀
呢度既野應該全部都係超市買既
ＭＩＦＦＹ相薄，即食麵，柚子茶，紫菜，零食
酒，醬料，栗子，梨，士多啤梨，咖啡，茶包
姐姐連鹽都要買來試吓喎

咁就玩完９６小時
同姐姐去旅行真開心，佢又就我，又ＨＥＡ得，又食得，又瞓得
ＧＯＯＤ

期待４月．．．濟洲，首爾之旅

係呀，無錯呀
又係韓國
不過下次唔同，跟團架
同埋好多人一齊去架

2011.03.26 維記

２０１１．０３．２６

好耐無來食喇，心血來潮想去食
約左朋友去唱ｋ，所以早少少自己一條友去食咗先

其實我唔食豬潤既，不過又好ｌｉｋｅ佢呢個湯
所以多數都係叫蛋牛米

2011.03.25 自家制西餐

２０１１．０３．２５

尋晚約咗幾個由日本返港既朋友食飯，其他兩個朋友分別幫我姐姐入手兩樣正野
１．山Ｐ名古屋演唱會ｆｏｌｄｅｒ
２．ａｒａｓｈｉ新單曲ｃｄ
麻煩曬呀！！

平時屋企都會扮吓西人食西餐，不過今次無跟埋個西湯
差少少
不過呢．．．爸爸既手勢真係唔錯

2011.03.26 同學仔唱k

２０１１．０３．２６

今日約咗日文同學他一齊去唱ｋ
因為呢間ｋ多日文歌唱，所以第一次去，仲發現好多韓文歌添
有我呢期最ｌｉｋｅ既２ｐｍ

托朋友鴻福，ｋ房有得玩波子棋，仲可以唱到７點添
其實我麻麻地唱ｋ，通常去ｋ都係食飯同睇電視．．．．哈哈

仲有唔多脆既爆谷

＋唔洗＄４０多個ｓｅｔ　ｌｕｎｃｈ
我今日自己一條友去左維記食飽飽先來

唱完ｋ，大家一齊去朋友屋企開餐，
有咖哩＋ｐｉｚｚａ
呢度５個人食架喇

今日除咗聯誼外，仲為瑪小姐提早慶祝生日

唱完歌，食完ｃａｋｅ，我就閃人
佢地繼續留守朋友屋企進行佢地既”搭羅大會”

2011.03.23 漢城美食

２０１１．０３．２３

呢期實在太ｌｉｋｅ韓國野
無論食，睇，玩都受韓風影響
今晚要返學，所以又來到尖沙咀食飯，行過幾次都想入去食
網上食評好好，但我始終忍唔住叫人蔘雞
（好多人都係叫炸醬麵）
呢個湯呢．．．只能講佢唔係我ｌｉｋｅ既味道

不過呢間會再來食，下次應該會試吓炸醬麵

2011.03.17 皇后餐廳

2011.03.17

呢排好似出街食飯食得好密咁
又約左鐵腳去飯局
好耐無食排,所以來咗呢度
WALK IN唔洗等位. 心知不妙
但上次來食,真係好香
今次整理唔得
除咗個湯

應該唔會再來

2011.03.12 韓雅林

2011.03.12

今日去到銅鑼灣咁遠食飯
首先係大戶屋食個LUNCH先, 好普通
不過有海澡飯食...令我好懷念舊年係北海道民宿

食完LUNCH之後,我同梨友人去行咗一陣
各自有地方要去

我去CHECK皮膚(貪小便宜)
王仔及C友人去理髮
梨友人去理面

攪掂再約返去飯晚
今晚又吹韓風,所以來咗呢度試
整體OK好味, 可能我地叫得太多嘢,
所以覺得佢貴過新羅寶
員工亦不是網上所講既無禮貌

2011.02.05 首爾hea住遊 Day3

２０１１．０２．０５

嘩咁快就到第三日，先鷺梁津海鮮市場去食個超豐富既早餐先
再去坡州英語村（尋找花樣男子）＆　新村

去鷺梁津站，得一個出口，轉上去天橋，就朝著６３大廈行
我估係相中既金色大廈，行到橋尾就落樓梯就係
好易揾，天橋又指示，同埋會有好強烈既魚鯹味

呢張相我見好多人都有影，又影埋一份

我地來呢個魚市場既目標好清晰
必食鮑魚，皇帝蟹，再睇吓加啲咩先
最衰我地得２個人，蟹唔可以食太大隻
怕食唔到其他野，最後揾到隻１ＫＧ左右，啱曬

超大粒帶子，我怕ｕｎ，無買到

最後買咗皇帝蟹，鮑魚，左口魚魚生，海”鑼”
去到餐廳，加多支米酒
雖然呢餐貴咗啲，但超滿足

食到飽飽去追星
”坡州英語村”
呢度都易去既，不過附近無咩景點，仲有個ＨＥＹＲＩ藝術中心
我自己知自己事，無咩藝術細胞，不去也罷

去合井站，２號出口搭２２００／２００號巴士
上車前問吓司機到唔到，好多人都話２００到，但我問２００既司機
佢話唔到，叫我搭２２００，我回程時都見到有２００號既車坐
不過應該停多好多站，不過就算２２００站少ｄ
都搭咗成個鐘先到

英語村門外，人影都唔多隻

外貌
呢度好似英國既小市鎮

呢度幾好既，無咩人，影相方便
呢度真係俾人學英文架，只係又可以俾人參觀咁ｊｅｒ

玩左個幾鐘就閃人，因為我地來剩係為咗影相
又要坐一個鐘巴士出返去
去到新村，又第一時間去ｔｅａ一ｔｅａ
以前我唔ｌｉｋｅ甜甜圈架
去完日本後，都幾鍾意食

不過呢度最好味既係．．．熱朱古力
又香又滑

食完ｔｅａ，係新村慢慢利到梨大
就搭車返酒店附近

今晚去試另一間燒肉店，呢間就無尋晚個間正喇
價錢差唔多，但係俾既野差好遠
所以我都係ｌｉｋｅ尋晚個間多啲

玩埋聽日就返香港喇

2011.03.08 霞飛點心

2011.03.08(婦女節)

今晚又約咗幾個飯友出來食飯, 目的不是慶祝婦女節
我約咗占友人去攞姐妹裙
(過多兩個星期要幫手做姐妹)
咁有3個人就話不如約埋一齊食飯喇
飯就晚晚都要食架喇．．．
不過我同占友人為咗攞衫，好晏先去到
詩友人佢地已經先點咗小食填咗少少位
今晚叫咗好多個點心
全部都好好味
呢間唔錯，上次同媽媽食過，今次再食
一樣好味，價錢合理

食咗一餐咁豐富好味既晚餐外
返到屋企仲係姐姐手中收到由詩友人送俾我既大禮
好開心，又好靚

多謝，多謝。

2011.02.04 首爾hea住遊 Day2

２０１１．０２．０４

原本今日係ｐｌａｎ左去南怡島同小法國
但我地太晏先起身，所以唔夠時間去２度
”小法國”唯有又留返下次囉
睇啲ｂｌｏｇ話由舊年１０月起去南怡島既火車無咗
改咗得返電車或士區有一班巴士直達（要預約）
我地覺得電車都好方便，又唔限時
電車都係一個鐘車程，好合理

首先去到清涼里轉京春線去清平轉的士去南怡島
我地為咗等有位坐既車，等多一班車
無無聊聊係咁月台影吓相
尋晚應該落雪，唔係邊得來咁白及軟綿綿

坐咗個幾鐘車，等半個鐘的士，再轉獨市船入島
不過都值得既，入到島好舒服
周圍都有火爐，有人吹色士風，遊客唔算好多
有雪景，感覺好休閒

呢個係冬季戀歌既重要場景之一
不過我無呢套戲，見人影我又影咁炸

條河結曬冰，不過唔係想像中咁凍
可能我地做足準備

我地係島上玩咗幾個鐘，原本想坐４點車直接出市區
但又唔知係邊度搭車，咪係停車場度等吓
等到４點幾都唔見，唯有搭返的士出車站落返電車
出市區時無位坐又人多，好迫好攰

終於都到市區，我地打算去入貨先

就係去首爾站既樂天超市

原本想係島上面食出面既飯盒，但揾唔到
剩係食咗啲小食，無正式食飯
所以一來到超市就揾咗ｆｏｏｄ　ｃｏｕｒｔ坐低食野先
呢個海鮮麵都唔錯，好鮮甜，不過有ｄ辣

呢個超市有幾層樓咁高，咩都有得賣，經濟三星店見到碩仔
忍唔住都要影返張相先，雖然係舊咗少少

入到超市食品部，見到好大個泡菜ｃｏｕｎｔｅｒ，好多款呀

行咗都２－３個鐘，買左一大車野，又食咗年糕
韓國超市同香港一樣無袋，不過會俾紙箱妳自己ｐｋ野
我地ｐｋ左２箱，仲要都幾重添
所以我地就決定返咗酒店放低ｄ野再出去食飯

原本想去網友推介既燒肉店食，點知又係新年關係，無開
唯有係附近揀間有開，個樣睇落又ｏｋ既食喇
好彩都揀到間好食既
前菜又好食，最鐘意個盤包生菜，食到好滿足

食飽飽後，姐姐係都要試吓韓國既炸雞
所以買咗一人份返酒店食，韓劇ｄ人好ｌｉｋｅ架
咁其實都好食既，但唔平囉，雞＋前菜就已經ｗ９０００
生果汽水另外加

食到咁飽，無即刻沖涼同瞓覺
一來今朝瞓到好晏，二來睇吓韓國啲綜藝節目先
雖然聽唔明

2011.02.03 首爾hea住遊 Day1

２０１１．０２．０３

公司既新年假有成十日, 通知都好想去吓旅行,咁樣時間過得快啲
今年就同姐姐去我地都好鐘意既韓國（呢期哈韓）
當ｐｋｇ入手就每日都會睇吓個匯率
最後係公司換咗少少＋中環找換店
我地２個換咗百幾萬（ｗｏｎ）
匯率約＄７＝Ｗ１０００

我地無跟團，所以一直最怕就係超重
去到一磅．．．２４．４ＫＧ（２個人既行李）
我地今次”懶”係有策略，帶一大一細篋，
個人用品夜曬係細篋，大既留來放Ｄ收穫

去首爾我地揀咗零晨機，貪佢可以夠時間玩盡佢
（通常都事與願違）

韓亞既飛餐認真唔多掂，我都係ＬＩＫＥ大韓多啲囉

唔知點解今次機程好似好短咁，去程飛３個半鐘炸喎，仲要食飛機餐
根本無時間俾人瞓一陣，嘩咁快就到仁川
我地又為咗慳錢，出市區時搭ＭＥＴＲＯ
所以又係無得瞓下
首爾既ＭＥＴＲＯ同東京既差唔多密
不過唔難搭，同埋我ＤＬ左個ＡＰＰＳ
所以來緊幾日搭車都會變得好方便
最衰一樣野，就係Ｄ站太大喇，
又唔係度度有電梯，所以轉車都幾攰

搭咗一個鐘電車就去到酒店所在地”東大門運動場站”
我地住ＣＯ－ＯＰ呢間酒店，叫做ＯＫ
影呢張既時間係朝早７點幾
點解可以咁早就ＣＨＥＣＫ－ＩＮ？

因為我地２個都好眼瞓，所以加咗＄３５０／室
決定瞓一陣先，就咁我地就瞓到１１點幾先出動
我地第一站去土俗村食人蔘雞
途中見到一個好熱情既香港女仔，傾咗幾句，
之後食飯個陣仲坐隔離，第２日去南怡島都見到佢呀
坐電車到景福宮，２號出口，上咗地面向前行
途中經過佢做代言既雪糕店，忍唔住要影返張相先

我諗由地鐵站行來都無２００Ｍ，直行到見到ＧＳ２５（便利店）
轉左就會見到大大個招牌，我地真好彩，完成唔洗排隊
之前睇好多ＢＬＯＧ，都話要排隊

入到去二話不說就一人一個人蔘雞
泡菜（白菜＆蘿白）都係任食
呢個係我暫時認為最好食既人蔘雞
呢個ＦＲＥＥ既蘿白都好好食，又甜又爽

食完人蔘雞,就行過去景福宮
咁啱睇到換班,影咗幾多張就走LU, 都無咩點行入面

離開景福宮就順住個光化門廣場,見一見世宗大王
行去書局, 姐姐要買書,仲要幫朋友買多本

買曬想買既書後, 咁啱經過ＣＯＦＦＥＥ　ＳＨＯＰ
入去休息吓先，好靜，好舒服

之後行去忠武路站３號出口
坐南山循環巴士２號線，　上南山塔
呢個係姐姐指明必到景點，見今日有時間就上塔咗先
不過今日天氣麻麻，好大霧，所以最後都無上到觀景台
係附近影吓相就算喇，連ＢＥＡＲＢＥＡＲ博物館都無入

好多連心鎖呀！我同姐姐唔洗整喇，呢啲係情侶來先整既ｊｅｒ
我有試過揾吓見唔見明星寫個啲，失敗而回
睇怕我都唔係追星既材料

係南山塔玩到黑曬，就搭好貴既覽車落山，
好貴囉，又睇唔到風景，激死
坐完覽車＋電梯（為左方便遊客由覽車站落明洞建設既）
好快就由南山塔落到明洞

去到明洞，係條街度行咗一陣就去左ＣＤ舖，
食吓街邊野，再行多一陣
就去食ＤＩＮＮＥＲ
今晚去咗全洲中央會館食
可能係新年關係（韓國同中國一樣，對於新年好重視）
所以今晚無咩野可以揀
我地叫左海鮮煎餅，人蔘雞，石頭飯
剩係得個飯好食，其餘既都唔得
Ｄ阿豬媽又惡，問多句都唔得咁

食飽飽，之後就去東大門既２４小時超市
點知，因為年初一既關係，提早收工
無計，行到好攰，尋晚又唔多夠瞓
我地選擇咗搭的士返酒店，不過我地又衰既，唔記得攞酒店咭片
見本旅遊書有韓國文址，咪叫司機叔叔睇囉
佢好得意架喎，死都唔睇，係都要我打去酒店俾
唔知係咪無人聽，轉左去錄音
佢聽咗一陣就收線，完全無講過野
但佢又送到我地返酒店

返到酒店就睇吓唔識聽既電視，都係做緊啲新年特輯
咁又完咗第一日既行程