Day 87 in Tokyo

２０１０．９．２２（水）

尋晚食完豐富既晚餐後，今朝就要返東京攪埋ｄ手尾

買咗少少野食就上車，又要搭兩個鐘車
今次係品川轉車返川崎
因為我呢三個月既行裝全部放咗係朋友間房
我一早就同姐姐佢講唔好帶咁多嘢過來，以便幫我帶野返香港
除咗個銀色篋有一半係佢地既野之外，其餘全部都係我既
好彩佢地來接我，唔係實要再寄多ｄ返香港都得喇

麻煩曬ｍａｇｇｉｅ幫我睇住佢地幾日

之後係唔舍得既情況下閃人
之後同媽媽佢地去車站附近食返餐又唔算貴又好味既燒肉

食完之後，就拜託佢地將ｄ行李搬曬返之後兩晚既酒店房ｃｈｅｃｋ－ｉｎ
我就先去涉谷攞錢，攞返間屋既按金
再去池袋攞返個袋，之前新買用兩用就爆線個袋
今日有得攞，梗係攞埋喇
之後再ｊｏｉｎ返佢地係池袋行街
行到夜先去食ｄｉｎｎｅｒ
呢間舖剩係得幾種麵買，其實都差唔多
只係個湯少少唔同
原味，黑醬油，辣味

食飽飽就返酒店，準備瞓覺
明天要早起

Day 86 in Tokyo＠大阪，京都

２０１０．９．２１（火）

因為我．．．行程又改喇

我想去大阪間ｋｉｄｄｙｌａｎｄ買ｍｉｆｆｙ

原本我係打算第一日早少少落咗大阪先，姐姐話唔好喎

話一齊去喇，佢又想睇，所以就改唔停留名古屋

改落大阪住一晚，得半日時間都去唔到咩地方

上晝用咗來搭車，一早ｂｏｏｋ好名古屋酒店

媽媽佢地來到日本先改行程，所以咪前日先取消名古屋

改訂大阪囉，好彩我有帶電腦落中部

先改到行程，大阪酒店仲平過名古屋間少少添，仲要係三人房

仲好大，唔似東京ｄ酒店，細到個篋都打唔開

呢間酒店可以同時打開２個篋，仲有玄關位添

 

個ｖｉｅｗ都幾得架，媽媽仲驚我網上訂酒店時睇曬價錢添

 

大阪只有一個目的地：阪急三阪街

無地圖，無書係手

只係隔我年頭來過既少少記憶

當然血拼前要食野先，唔係唔夠力呀

哈哈哈～

 

姐姐不離飯團

 

媽媽貪心呀，食是日精選，飽到佢呢．．．

 

食飽就行街，途中見到呢隻野，即刻諗起朋友仔

 

係ｋｉｄｄｙｌａｎｄ攪咗個幾鐘，咁就無咗千幾蚊

但真係買得好開心，樣樣都靚

時間咁早，梗係去啲景點喇

我地就落咗京都－清水寺

點知個衰姐姐，行到上呢度話攰喎，唔入寺，激死我

佢話到此一遊就算喇喎，話佢應該會再來，到時先入寺喎

 

反而媽媽上咗去行，之後就行落山ｌｕ，遠影吓五層撘先

 

再落埋呢度

 

 

之後就落返大阪食飯ｌｕ，我真係覺得來大阪必須既相

就係呢度喇

 

今晚有人請食飯，ｙｅａｈ

上次請媽媽來咗呢度食，今次食返上次食過既餐再加另一個餐

又係食到好飽

 

燒蟹真係好好味

 

 

呢個粥又係．．．正

 

個雪糕好好味．．．成日都話返香港試吓咁食

就係濃既綠茶＋雲呢拿雪糕

 

呢餐真正．．．仲要係媽媽請添

萬歲

聽日返東京喇．．．好唔舍得呀

Day 85pm in Tokyo@高山

２０１０．９．２0（月）

又上車喇，２個鐘左右先到下一站．．．高山

 

第一次買呢隻桃食，我都係覺得粉紅色個ｄ正啲

 

嘩咁快就去到高山，我地去酒店放低行李先，之後即刻去揾食

高山名物．．．飛陣牛

試咗一串，麻麻地，唔同和牛咁林林地，有啲ｕｎ

姐姐仲試埋五平餅添，我地見到個西人食到津津有味，咪試埋囉

點知．．．ｌａｉ野，

五平餅＝米糕＋燒汁

 

食完名物就去咗高山最有味道既老街

上三之町

我覺得呢條老街最多就係．．．酒舖

我地仲試飲添，又買咗一柸無酒精既米酒，好甜好好味

 

之後就來埋呢條紅橋影相添，因為落雨，又涼，但又無帶衫無帶傘

所以都唔行咁耐喇，去埋高山陣屋門口．．．ｈｅｈｅ

因為唔想俾入場費，剩係去門口睇吓就算喇

 

又凍，又落雨，梗係去飲柸熱飲喇

咖啡又點少得蛋糕呢

 

食完野，成個人暖咗，不過仲落緊毛毛雨，所以行埋手信舖就

返酒店等食飯喇．．．我同姐姐梗係上下網喇

媽媽．．．又溫泉中

我訂房個陣就打算食埋佢呢個飛彈牛晚餐

呢個餐好好味既，不過媽媽之前行過間賣牛肉既舖頭，係都要買啲

所以我地就買咗２００ｇ燒肉返來一齊燒

嘩．．．超好味呀，仲食到好飽添

 

媽媽好開心呀，３晚既酒店都有溫泉

Day 85am in Tokyo@金澤

２０１０．９．２０（月）

一早ｓｅｔ咗朝早離開金澤，但換飛個陣，姐姐就話咗晏晝先走

真好彩，因為一早換咗中午既飛落高山，所以可以玩埋尋日未去既

又係必去既兼六園，食個靚早餐先，酒店唔包架

我地另外俾錢係酒店食，都抵架喇，金澤真係好．．．鄉郊

我怕無咩食，都係酒店食安全啲

雖然早餐￥１３００／位，但有齊日式同陽式

 

終於來到喇，之前去過六義園，依家呢埋兼六園

唔知有咩分別呢？入場費都係要俾

 

一樣有個湖，但呢度多好好好多人

 

如果佢已經變成紅葉應該仲靚

呢支石燈就係重要景點，要排隊影相架．．．

 

其餘既同一般日式庭園差唔多喇

 

 

呢棵松樹大到呢．．．．自己企唔穩

 

 

當然景點後面，唔少得既商店街

 

嘩咁快又行咗個幾鐘，我地趕住搭１２點班車，所以１１點前必須走人

媽媽又話想去返近江町市場買少少野上車食喎

所以又去，我地買咗少少壽司，生果咁

又要搭２個鐘車落下一站．．．高山

Day 84 in Tokyo@金澤

  ２０１０．９．１９（日）

當決定去中部玩幾個縣既時間，就一定要買全國既ＪＲ　ＰＡＳＳ

成￥２７３００，可以任用７日，對於我呢個成日搭車既行程

真係咩都抵返曬，足足搭咗佢１２程

 

不過去中部除咗自駕行外，搭車真係幾曬時間

好好彩之前上網ＣＨＥＣＫ定曬時間

又去邊呢？

 

今日既行程改咗少少，原本ＳＥＴ去白川鄉，因為唔記得咗訂巴士飛

所以無位由金澤直接搭巴士去

又唔想轉來轉去，改日期，唯有改地點，唔去白川鄉

來咗高岡．．．．．．．再轉車去　五箇山

 

一出車站見到呢架電車，第一次係日本見到呢類車，好得意

 

係高岡再搭個幾鐘頭車就到五箇山．．．同白川鄉一樣睇合掌屋

一落車過去面，行條短斜路就到，有曬指示，唔怕行錯路呀

呢度都幾多ＬＯＣＡＬ　ＴＯＵＲＳ來，見到有幾架旅巴

但全部都係日本人，唔知係咪因為假期呢，好多人去玩

 

我地揀咗呢條村睇，好正，好舒服，遊人唔算多，又方便

呢個就係全景，裡面有幾間民宿

 

風景好靚，天氣又好

 

藍天白雲，日本既天氣真係好好

 

行近Ｄ睇吓Ｄ屋頂，真係好型（好得意）

 

行咗個幾鐘就行曬，又影曬相，天氣好，即係好曬，好熱

見未夠鐘搭車走，咪坐低食柸冰

日本Ｄ冰，唔會覺得一粒粒咁，好滑架

 

同去程一樣，坐巴士，電車咁出返金澤

媽媽知道有個漁市場，梗係要去行吓，食吓喇

呢個漁市場間間都要等，呢間都等咗起碼半個鐘先有位

我地有位入去坐個陣都已經２點幾，呢間壽司店Ｄ野幾新鮮

仲有電子ＭＯＮ．自行落單添，有埋相架．．．

 

好好味呀．．．同上次去小樽個碟有得”暉”

 

我地３個人，梗係唔夠喇，仲叫多碗２色飯添

又係我既至愛

 

食飽飽就去金澤城，原本想去埋兼六園既，但唔夠時間

唯有留返聽早去，晏Ｄ先離開金澤喇

去金澤城前，見到有間唔記得邊個既屋，係以前Ｄ皇室住

有得參觀，仲有Ｄ走廊添，

第一時間令我諗起，剛睇完既螢之光２

小螢同部長既走廊

 

入到城天色已經黑，城前有個大草地，同東京皇居差唔多

剩係係草地都影咗好多無聊相

 

行到關城，就行返出金澤食飯（原本想買週遊卷－￥５００任坐）

但金澤我剩係打算去金澤城．兼六園．近江町市場，所以最後無買到

因為由車站行去兼六園都係半個鐘，反正又順路既，慳返

原本想食好少少，去酒店食，但真係太貴，成萬ＹＥＮ／位

最後去咗車站附近既商場打邊爐

同牛陣差唔多，豬牛任食外，仲有好多菜，前菜，甜品，飲品

我地叫咗弄乳，正到脾

 

限時９０分鐘，食飽飽後就行埋個商場就返酒店

媽媽再去溫泉