3.16 來賓

今日一然來我度攞衫,順個便上來屋企探我,由於我未返到屋企,所以佢地先自己去咗會所,我一入到去就聽到一然把聲,呢D咪叫做人未到,聲先到囉。

今日終於可以同佢影到張唔喊既合照喇,雖然影得唔靚丫

佢來咗一陣就走喇, 走之前佢居然KISS咗我姐姐一嘢,第一次咁隨便喇,真係丫...

3月28日 電腦好返啦!

尋晚上唔到網,咁我就打咗去新意網求救,佢就放咗份設定指南俾入信箱,所以今晚一返到屋企就試吓, 又真係可以上到網,我諗都係之前上大陸個陣,改咗個setting,但我都有少少擔心中咗毒(好似慢咗),所以download咗個免費既scan,希望無事啦。

今日超攰呀,對咗一整日已單, 個衰人一D都無變呀,又唔聽電話,真係好想鬧佢

3月27日 電腦有問題

呢兩日上咗大陸做野,諗住方便就帶部notebook上去,因為我張枱已經俾咗人坐.

唉

可能係公司係用另一種上網,所以返到屋企插返條線,我整極都上唔到網呀,都唔知點算好呀,有無人可以幫我攪攪佢呀,因為我真係一個電腦白痴

3月26日 大件事

今日係最後一次上大陸(如無意外),上星期五Julia話唔做啦,所以今早大家同區生傾呢件事,我都講到好激動,因為 個衰人實在太可惡,Emily已經同老細講到佢做P/L&上大陸開會,但老細都係無講是否會採取任何行動.不過佢上到大陸又同我講,話會計部會好 似以前咁全部移上大陸做, 剩係留一個人係香港,大陸做主位,話個衰人始終會走,但唔知仲要等幾耐囉. 

尋晚 講開加人工,我問佢今年有無得加,佢話因為要將我既津貼加入底薪,可能會有少少沖擊,咁講咪即係唔打算加俾我囉,但我唔理啦,我都叫佢加少少俾我,舊年已 經加得少,唔可以因為呢個理由,唔加俾我架嗎?佢仲話今年整體最多都係得3%,唔係話加3%俾我呀...少少啦...好過無丫嗎

3月25日 真失望!

今日原本去行山,但尋日已經取消咗,因為怕落雨,但今日出其地好天,仲藍天白雲,有少少風,簡直就係最好去行山或者去郊外行吓。

真真真失望

今日無出過街, 成日都係屋企睇碟"花樣少男少女",終於都睇完啦,大結局好似未做完咁囉, 有少少吊引。夜晚食完飯無咩攪,就執吓D鞋,嘩...我覺得好勁,不過可能好多人都勁過我,我影咗相俾大家睇吓...hehe

3月24日 失望

今日唔洗返工, 原來約咗去做facial,但最後都係無去度,係屋企睇碟,下晝同Iris去做GYM,之後wps同亞珊上咗屋企打機.

今晚收到亞Miu call我話聽日會落雨,所以取消聽日去行山,好失望呀, 等咗成個星期終於等到,但最後取消咗,下次又唔知係幾時啦。

3月22日 騙案求證

今日無咩做,因為係唔想做,放工後本來約咗Iris去沙田做運動既,但因為Olivia之前遇到有可能既騙案,佢就一心諗住去睇吓係唔係,所以我地陪去佢上去, 上到去有好多不同種類既人出出入入,係面試過程中我地都唔知佢地係真定係假,不過點都好啦, 小心為上策。

攪完一輪,我同Iris之前都去咗做運動,平時我地會跳1堂舞,之後去做機,但今次就勁啦(我覺得),因為我地連續跳咗2堂(第一次),跳完之後真係幾攰,但感覺好好,而且個導師帶得好好。

3月21日 體會

今日返左大陸公司呀, 成日都無野做, 但又要扮野,剩係開咗個會同一張發票,所以我最後決定唔過夜,早D返香港。夜晚大陸同事話請我食飯,所以會食完飯先走。我地4個人去食, 都唔知點解會叫埋另外一個同事一齊去,在食飯個陣覺得有少少怪怪地,不過唔知點講呢...算啦...小事可以不理。

返到大陸我就將公司既物件PACK箱, 將要既資料,文具及一些私人物品全部PACK好曬,送回香港公司,覺得真係好似要走咁啦,不過宿舍既野就未執,因為我打算下星期一跟老細一齊上大陸,過一晚夜, 所以到時先執囉。

不知不覺已經上咗大陸做野快4年,算係我人生中一個唔錯既經驗,雖然上大陸做野辛苦同會少咗時間同家人朋友相處,但又會學到一D係香港學唔到既野。

3月20日 "愛與淚相隨"

終於都去咗睇我一直想睇既"愛與淚相隨",結局不是我想要既,而且真係有D勉強。

哥哥好偉大, 但實在太辛苦啦,現實裡有無人做到呢?

 

我以前睇戲,好容易就會喊,但尋日又唔係喎,只係係婆婆講野個陣有幾滴,同埋妹妹唔想相信哥哥既離開時有幾滴,唔通係我大個咗丫,定係我冷漠咗呢。但套戲真係幾感人架。
如果睇戲都唔係幾喊,咁點樣有機會將平時唔開心發洩出來呀。

3月19日 星期一

我個電話由星期六開始就傻左, 成日都會轉咗去影相個畫面,但我明明無開,而且已經keylock咗,煩死我

咁我咪打算今日放咗之後快快去旺角整啦,去到旺角Nokia維修中心, 都已經按咗飛仔, 仲等咗20分鐘,後來先發現我部機又無保養張貼紙,咁我又無帶去,最後係無整到, 白白浪費咗我專登坐車去整...

不過都好彩, 我揾到當日買電話張單,所以可以再去整, 不過就唔知幾時??

都唔知買過部新電話定係攡去維份好,各方好友俾少少意見,但我又好鍾意呢部電話既功能喎。

3月18日 踏單車

今日去咗踏單車呀, 我近日成日都會去郊外或者去健康既活動,仲發現原來香港可以有好多好靚既地方同風景。下面既係我今日既作品。D花真係好靚,睇到都好舒服。

今日就係同下面幾條友仔一齊去啦,仲有Daisy男朋友陳生添(已經唔記得佢個名啦,成日都係叫人做陳生,係佢女朋友咁介紹架吓,唔關我地事既

 由於上次既意外,令到大家都唔係幾夠,所以再約今日再去踏過,今次就好OK啦,因為由大圍去到大埔,我諗大家都夠啦,踏去大埔既途中再次見到好靚既 風景,又影咗一D相,每次都俾我覺得春天來臨啦,開始下雨,花已開得好靚,但香港天氣實在太差啦,成日都有好大既煙霧,藍天既日子已經好少啦。

係度寫緊既時候,一邊聽緊收音機,主持問咗一個問題,令到我又係度諗咁我呢?我既答案係真係唔知,明天開始我會留意一下架啦,咁大家都可以試吓。

問題係在剛過去個星期有幾多日係開心既呢?
仲有呀, 我尋晚開始學Daisy做咗一樣野,如果各位姐妹諗唔到係咩,而且又想學或者知就問我啦。我諗大家都應該有用既。今日踏單車途中都有提過架啦。

3月17日 大出血

好眼瞓呀!尋晚同姐姐,弟弟,家莉及Ada上咗大陸揼骨,仲過埋夜添呀,可能唔習慣啦,瞓得唔係幾好,今早又晨早起身,所以好眼瞓。返到香港後見無咩做,就去咗做Facial, 又洗咗錢呀,依家先月中已經洗咗咁多,都唔知點算好。

好開心明天又去踏單車。今個星期仲有一件事好開心既,就係已經firm咗由下個月起,如無必要唔洗再上大陸啦。可以安排去玩,學習都方便好多啦。

3月12日 驚喜

原本心情都幾好, 因為剛剛去完玩, 點知一早又俾個衰人吹脹。

朝早係到安排星期四既聚會,好開心呀, 因為知道亞Wing將於年底會同佢Honey Eric結婚

睇住佢地認識,拍拖,到依家結婚,真係好替佢地開心。

就因為亞Wing要結婚, 所以又要開始努力減肥(要幫手做姐妹)。

唔知幾時到我呢......

3月11日 澳門兩天遊

終於回來啦, 真係好攰同好飽呀, 呢兩日同上面個3個傻瓜去咗澳門玩(實俾人打死呀),其實係Iris公司同事去玩,我地一齊join埋去玩,原先都對呢個trip無咩希望,都係吃喝玩樂團,但...唔知呢

...不過唔緊要啦,下次會更好就得啦(希望在明天)。

今次去澳門天氣又唔好,太陽伯伯成日都偷懶無出過來,攪到影D相都唔係好靚,佢仲派咗雨神出來添。

聽到佢地話我D頭髮好金同好黑,又真係好兩截色,真係要諗諗佢先得。

仲有呀....有少少唔開心呀, 因為去賭場玩輸咗我$220...

下面就係我既作品啦,唔清楚...不是我手震震呀,係天氣問題。

3月8日 婦女節

今日係3月8日婦女節,公司同事話因為咁樣,所以今日下晏我地叫咗下午茶食。剛剛好,在我仍然諗緊應該食咩既時候,就人提議食tea,咁就唔洗咁煩啦。

因 為今晚我約咗Iris去沙田join physical,終於都參加咗啦, 我希望今次可以有D恆心,尋晚我地一參加咗就已經開始去玩, 唔知點解呢,都做咗成個鐘運動,都唔係真係好辛苦,原本我都已經帶咗野去沖涼架啦,但Iris唔打算沖,所以我都無做, 咪一齊走啦, 之後佢陪我去咗A1買麵包(黑麥+合桃+提子乾),都幾好食架。

要努力呀..

3月6日 太好啦!

今日終於攪掂咗payment個$3啦,明天開始埋數,埋完數就可以輕輕鬆鬆咁過埋今個星期啦。實在太好啦!

但lunch上咗去canteen食, 真係丫, D餸已經唔係幾好食架啦,仲要同個衰人同枱,掘到都無咩胃口。

3月5日 等待

今日都仍然好攰,可能在上星期六日做得多運動,所以隻腳都仲有少少 痛。仲有少少單就終於都入曬2月份既單,但今日Emily又問Payment既單,又發現咗原來上次揾到個$3唔啱,唉...聽日又要再對過數,都唔知點 解唔啱,明明全部已經再對過,Outstanding又對過,都無咩特別,都唔知點好...煩死人啦

...等待中

3月4日 行山日

今 日約咗Miu, Shan, Jason & Sam去咗大嶼山行山,原本係打算去東坪洲加吉澳,但點知唔成團,所以我地唯有自己去行山, 呢條路線都唔算好辛苦(比上次跟Kennis),風景都唔錯,但係比我想像中有少少出入,因為上網睇吓係超靚,我個朋友話張相個個地方有少少似日本(有同 感嗎),不過我都覺得呢到都幾靚, 樓梯上去就係神學院,呢度係我地行程既中間,都已經行咗個幾鐘,因為有太多太多既樓梯,開始個陣都辛苦,但上到山頂後都OK,辛苦個段已過,所以後尾都無 咩野。

度路好易行,但有我最怕既狗呀之後我地一齊去咗元朗BBQ,食到差唔多6點半先走。

今日都幾好玩又不太辛苦,大家可能熟咗,多咗野傾無上次咁悶。

但今日總結都係攰,因為尋日又去咗跳健康舞。

3月3日 健康舞

今日同Iris終於去咗Physical試玩啦,我地跳咗一堂健康舞,Miss跳得好快架,都唔係幾跟到,不過都跳到成身汗,之後佢個Friend就介紹我地D機點玩點玩,之後大家一齊去食Lunch,仲傾到4點咁上下。

都幾好玩,不過仲未join,因為我想睇吓屋企樓吓個D先再決定。

今日又洗咗幾百蚊呀,因為買咗兩條防水褲。

3月1日 失預算

今日做咗一日既工作好辛苦, 前幾日都OT到好夜,所以決定今日唔再OT,所以約咗WPS去咗佢話有好多野買既葵涌廣場, 以前都有行過,但唔覺都有野睇,但今日又買咗好多野...又洗咗錢呀

今日收穫 : 一支用來JEI頭又可以護髮既Cream, 一對唔洗穿耳都可以帶既耳環, 兩條窄腳老牛, 一件好Grand既衫...

但 今日仲有一件好樣衰既事發生咗, 就係食野無錢俾呀. 我呢幾日都無去襟錢, 俾埋食lunch既錢之後,個銀包就無曬錢(紙幣),去葵涌既途中都已經發現無錢, 因為小巴要入錢, 我已經攞咗$12去坐小巴, 咁我去到目的地時WPS仲未到, 我開頭都諗住行住等, 但最後坐低咗諗住食小小野(碗仔翅+魚肉=$14),點知食咗一陣發現自己已經無錢, 咁即刻數吓仲有幾多coins. Oh...死啦...得$13即刻call人求救,好彩都係等咗一陣就有人出現,唔洗咁樣衰,食野無錢俾, 到時真係唔知點算好啦。