我.的.吃.喝.玩.樂: 9月 2015

2015-09-25

2015.05.25 家族旅行之日本南北遊 Day 10.2

好開心呀....星期五啦, 來緊三連休 , 今日公司飯堂加餸, 仲有生果添, 食左幾樣野, 仲可以帶盒青提返家食

2015.05.25 福岡

係酒店hea完一陣就出去食Dinner, 爸爸又話唔出去食喎, 又煲粥俾佢食, 我同姐姐去食豚肉火鍋, 佢地就去Lunch食唔到個間燒肉店, 兩間店相隔3分鐘路程

我地點咗呢個set同另一個單款豚肉set, 係九州其中6個縣既豚肉裡面揀3個縣

2015-09-22

2015.05.25 家族旅行之日本南北遊 Day 10.1

由於過去幾日都好忙唔得閒寫, 本來上星期六約左朋友去試新邊爐, 最後係連電話都打唔通, 我地個約會就取消咗, 只好在家自打啦, 個間新邊爐店確係誇張, 電話長期唔通, 佢係fb有專業咪上去睇吓, 有人話打左100通電話都話唔通, 我心諗個位人兄確係好想去打...唔通真係咁好味....

星期一去咗食私房菜, 要單獨開一編寫佢, 今日晏晝去咗見工, 見完成個人都好攰, 全程個幾鐘, 考曬英文國語同日文(又寫又講), 提問都好多....太耐無見工啦, 依家咁高要求....好驚呀

2015.05.25 福岡市區

今日全日都係市中心行下街同買手信,我同兩老最早起身, 所以我地3個先去天神站附近揾食

去左商店街入面間上島食, 最愛佢個黑糖咖啡, 真係好好味....

我揀咗個煙蛋厚多餐, 媽媽要厚多加水煮蛋

2015-09-19

2015.05.24 家族旅行之日本南北遊 Day 9.2

每個星期最開心就係星期六, 又可以瞓晏啲, 聽日又放假...今晚約左朋友去試新邊爐, 食評遲啲講....

2015.05.24 別府 >福岡
本身安排咗去睇紫藤花, 但網上睇到好多人都話無咩花啦...(花期過咗>.<......), 咁咪早啲出返福岡行街

2015-09-18

2015.05.24 家族旅行之日本南北遊 Day 9.1

今次台灣買咗幾樣野都係得幾日限期要食曬, , 前晚約左朋去理工食飯順便派手信, 尋晚個人仲好攰, 食完飯8點幾就瞓左, 瞓到10點幾俾人叫起身(因為瞓咗人地張床.....), 起身沖個涼食幾粒感冒藥(個頭有啲痛同喉嚨痛)再瞓過...

2015.05.24 別府

晨早6點幾就醒咗, 咁咪去浸個溫泉先再去食早餐, 呢個鐘數個露天溫泉人影都無隻, 偷偷地影張相先

2015-09-15

2015.05.23 家族旅行之日本南北遊 Day 8.3

去完台北3日返來成個人都散咗咁....明明無咩行程架......

下晝去左揾工agent度登記, 唔夠5點就返到屋企, 食件洪瑞珍之後去瞓一陣先, 要補眠.....

2015.05.23 湯布院 > 別府

4點幾係湯布院出發, 唔洗一個鐘就到別府, 係別府 I.C.一出就見到兩隻鬼迎接我地, 轉個灣就到今晚酒店, 架車停係門口落行李, 酒店職員會幫我地泊好架車, 入去CHECK-IN時剛好有個台灣留學生返工, 可以全程講國語真爽....係大堂辦好手續就帶我地上房, 仲要沖埋茶俾我地, 幾唔好意思呀....

又唔記得影相, 唯有係官網download返呢3張相, 酒店大堂都幾大架

2015-09-11

2015.05.23 家族旅行之日本南北遊 Day 8.2

尋晚又偷懶無去散步, 所以有機會睇到無記套<陪著同走>, 確係幾好...但我唔係好信現實會有甘言重(呢個名好攪笑....)

2015.05.23 湯布院

我地離開くじゅう花公園後就去湯布院食lunch, 因為細佬之前睇旅遊節目見到介紹一間食牛煲仔飯想去食先安排去湯布院, 係九州渣車真係幾爽, 剛剛呢程就全程都無咩車, 但會諗起卡通片主題曲(又越個高山又越個谷......), 細佬話經過4個山喎。晏晝點幾就去到湯布院, 揾到個近車站停車場, yen100/30分鐘左右, 泊好就去揾間食....呢度係溫泉勝地

2015-09-10

2015.05.23 家族旅行之日本南北遊 Day 8.1

尋晚去試咗新商場間上海野, 好麻麻...無得訂位,唯有早少少去walk-in, 但我7點去到都無咩人
食完飯諗住行路返屋企當散步, 點知途中俾間甜品屋吸咗入去

2015.05.23 黑川溫泉 > くじゅう花公園
經過尋晚晚餐都唔預個早餐好食得去邊, 都叫豐富, 只係味道...

2015-09-09

2015.05.22 家族旅行之日本南北遊 Day 7.2

近日揾緊張平機票俾阿媽同埋我地一齊去台北, 尋日揾到張$1100, 佢尋晚最後決定唔去喎, 都好佢可以留返啲錢請我係巴黎食飯。尋日係中國24節氣中之白露, 過埋就話叫做入秋, 秋涼感即刻有........我好似誇張咗少少

2015.05.22 黑川溫泉

有人係outlets買野買到唔想走(唔係我呀...), 係鳥栖去黑川要成100公里, 差唔多2個鐘先到, 本身訂酒店時寫咗4點到, 我地梗係晏咗啦, 5點幾旅館仲打咗電話俾我問我地係邊, 收咗線後15分鐘就到啦, 我地去到時真係好多人都剛到, 係個條單行斜路上有成排車, 好彩係細佬渣, 我就未必敢啦...去到路口已經有旅館職員出來指示我地泊邊同埋幫我地落行李, 其實黑川溫泉一條街好短但已經有成10幾間旅館

いこい旅館
旅館正門(我無影到...都唔知掛住做咩), 呢兩張相都係係jalan download落來