2015.05.25 家族旅行之日本南北遊 Day 10.1

由於過去幾日都好忙唔得閒寫, 本來上星期六約左朋友去試新邊爐, 最後係連電話都打唔通, 我地個約會就取消咗, 只好在家自打啦, 個間新邊爐店確係誇張, 電話長期唔通, 佢係fb有專業咪上去睇吓, 有人話打左100通電話都話唔通, 我心諗個位人兄確係好想去打...唔通真係咁好味....

星期一去咗食私房菜, 要單獨開一編寫佢, 今日晏晝去咗見工, 見完成個人都好攰, 全程個幾鐘, 考曬英文國語同日文(又寫又講), 提問都好多....太耐無見工啦, 依家咁高要求....好驚呀

2015.05.25 福岡市區

今日全日都係市中心行下街同買手信,我同兩老最早起身, 所以我地3個先去天神站附近揾食

去左商店街入面間上島食, 最愛佢個黑糖咖啡, 真係好好味....

我揀咗個煙蛋厚多餐, 媽媽要厚多加水煮蛋

老爸就揀咗個腿蛋治

 我地食緊早餐時, 我將兩張相send俾瞓緊個3隻野, 有人即刻話起身啦, 等埋我地出來呀....但佢地來到都成11點, 已經無咗我地頭先叫個啲set, 佢地轉場去食拉麵

呢度條商店街有幾行, 媽媽行得好開心, 係度買咗成10套衫, 仲要平到爆....

商店街仲有生果菜店, 買少少返酒店食先, 我地仲買咗蘋果返香港添, 食完生果就係酒店hea一陣, 煲劇既煲劇....

 hea到點幾就出去食lunch, 我地又分批食, 原本佢地幾個就去食燒肉, 我同老爸就去食拉麵, 但最後佢地去到間燒肉店時已休息, 佢地來返麵舖揾我地, 所以又一齊食.....

九州要試下佢個一風堂....比香港好食多

食完麵細佬佢地去揾喬巴, 我地幾個就去買蛋糕, 行下超市...

係超市見呢2盒野, 買咗即係商場K.O.埋佢先....好味到震

 

 超市買完野, 姐姐同老爸就返酒店休息, 我同媽媽就去手芸店八下同幫朋友去無印買幾支筆....香港成日都買唔到喎, 行完八完返到酒店都6點幾....坐一陣就出去食DINNER

 

報時：距離西歐鴨仔團之旅仲有---13日

報時 : 距離釜九櫻花6人行之旅仲有--193日