好開心尋晚終於去睇左破風, 本身想睇呢套戲係因為啲主角(韓星), 入到去連啲風景都好正, 單車比賽場景仲好緊張添, 睇完套戲我都係度諗, 究竟我有咩夢想呢? 有夢想其實係一件好幸福的事
大家想食既野唔同, 又分批食, 我同細佬2個去食subway, 好麻麻
食完早餐佢地返酒店拎行李, 我同細佬就去租車公司攞車, 今次租4日車, 剩係租車錢都4萬幾yen, 入左2次油, 不過車種就係想試個款stepwgn, 呢架車真係幾順, 轉個靚彎就到酒店, 接埋佢地就出發, 要渣成2個鐘直奔長崎
福岡上高速都幾多車, 中間停咗一次SA, 好都唔洗2個鐘就到豪斯登堡, 只係係個度揾停車場時兜錯咗路, 仲兜埋去酒店添, 咁咪落左行李先, 但酒店門口無得泊車, 一定要泊係樂園門口, 再坐接駁車入返酒店, 唔明點解要咁安排, 算啦, 終於順利泊好車, 買埋入場門卷, 細佬佢地2個買全票, 我地就買另一隻門票算啦, 反正只係想行下睇吓
主要呢度係睇彷歐洲建築物同花花
花田都幾靚, 天氣又好, 又唔算好熱, 過左個花田我地就坐左休息吓, 食下野同飲下茶, 攪到好似野餐咁
坐完就去左呢度行吓都幾舒服
我地呢段時間做緊玫瑰花節, 有個好大既玫瑰園,行到去又見到張枱, 咪又坐下, 吹下風....
個玫瑰園有好多不同種類玫瑰, 好多都好靚
最鍾意呢度, 影咗好多相
睇完花大概2點就去食野, 樂園無咩吸引, 叫咗個明太子意粉加多個自助沙律, 日式意粉好味
食飽飽就到我個重點行程
晏晝細佬話佢整, 要我放工去車佢返屋企, 最怕落雨渣車, 上次又係咁, 行行下落狗屎, 見人打死火燈, 我咪又跟打燈, 開住20km咁行, 幾驚呀.....我, 希望一陣唔落雨就好啦
報時：距離台北54小時尋食尋兔之旅仲有---10日
報時：距離西歐鴨仔團之旅仲有---34日(唔知成團未??)
報時 : 距離釜九櫻花6人行之旅仲有--213日
沒有留言:
張貼留言