我已經返咗香港喇!
三個月既學生生涯,真係嘩咁快就過完
好唔捨得呀!!
去到日本頭兩個星期,可以未同D朋友,同學仔熟絡
所以會有少少悶,但之後就真係過得好快
三個月係唔會學識外語架...
不過都有啲得著, 基礎好咗
又識到唔少朋友
又去咗唔少旅行時唔會去既地方
係屋企休息咗兩日,又要返工
回到之前苦悶既日子
***
返香港前去咗幾個地方玩,之後會補返既
等吓...
2010-09-17
Day 82 in Tokyo@卒業式
２０１０．９．１７（金）
今日係學校卒業式，１年２次，３月＆１０月都會有一次
無論讀幾耐，係呢個時期畢業既都可以參加
不過下晝１點先開始，所以可以係屋企慢慢食個早餐先
我讀嗰班雖然有４個人今期讀完，會離開呢間學校
但就得我同另一個台灣同學會去，有點點冷清
地點係上次學校活動時既一樣，只係台上ｄ字唔同咗．．．ｈｅｈｅ
首先校長致詞，之後就由１組既老師，都唔會太悶既
呢個卒業式，有野食，有野飲，仲有表演添
幾好玩架．．．
每樣攞一包
１組既學生＆老師一齊唱首歌，仲有曬動作架
指導老師係後面，不停一齊做，學生可以跟住做
睇吓佢幾興奮
之後就按國籍影相，仲等緊同學俾返ｄ相我
嘩．．．好多垃圾
呢埋係３個人食架，放曬係呢度
個卒業式２個鐘就玩完，都好快，幾開心
之後去學校附近個ｏｕｔｌｅｔ睇少少野
再一次影吓間學校，最衰得我自己一個，無得一齊影添
之後沿途都有影吓ｄ無聊相，留吓念
成日行既商場
好靚喎，今日天氣好好
去咗頭先個商場買壽司，同ＭＡＧＧＩＥ今晚一齊食
いろいろお世話になったおりました
來日差唔多３個月，經歷咗一點，最難要將所有行李帶返曬返ＨＫ
原先以為唔多．．．點知
2010-09-15
Day 81 in Tokyo@下北澤．．茶之體驗
２０１０．９．１６（木）
Ｐａｒｔ ＩＩ
同ｄ同學仔係學校附近食完ｌｕｎｃｈ
就一齊向今日既目的地出發：下北澤
原本想係附近行一陣，但落車都２點半，我地又要３點開始體驗
所以都係慢慢行，揾埋舖頭算喇
今日帶埋佢一齊去玩
見到呢間舖頭，點解個名會咁譯既呢？
我地行錯少少路，不過都揾到
抹茶，我有學人去整，整完隻手都幾攰架．．．
仲要講一推野先飲得，飲完仲有野做
飲柸茶都咁多學問
除咗試咗抹茶外，仲試咗有４－５種茶，好好玩
又好得意，呢Ｄ體驗，來日本旅行既話，應該無
每人揀一款，飲茶時既お菓子
我揀咗似”乳豬片”甜點
甜既凍 淡抹茶
茶名 ： 山吹（我諗起ＩＱ博士）
茶名 ： 櫻之茶
呢款茶日本人係喜興節日先會飲（新年，結婚，有恭喜既意思）
我食咗一朵櫻花，有Ｄ似酸梅
抹茶ＪＥＬＬＹ
我地係呢度玩咗３個鐘．．．唔知係咪最後一日，大家都玩到癲咗
係咁講低能野，笑到爆～
有同學仲影埋ＶＩＥＤＯ，從而發現自己好醜樣．．．
今晚去食雞料理．．．又幾好味喎
等食中（係呢個時候，我見到有個怪人）
鹽都有咁多種既．．．食串燒用架
先來一部份，食住等
來埋其餘個Ｄ喇．．．
雖然都食緊，但都想影張全部既相
呢餐又係好好味，原本同學仔佢係車站等停雨
早知就問吓佢食唔食飯喇，咁咪唔洗一個人囉！
聽日畢業禮，代表我來日本讀書呢件事，劃上一個句號。
Day 81 in Tokyo @攞成績
２０１０．９．１６（木）
Ｐａｒｔ Ｉ
今日係個人面談，即係攞成績
每日都會搭呢架巴士返學，日本既巴士，唔多準時
ｈｅｈｅ～～又係呢個早餐
真係好好味．．．個咖啡
今日提早咗返學校等，同埋同ｄ同學傾吓計
讀解：９６分
詞彙：８９分
聽解 ：９２分
文法：８１％
會話：Ｂ＋
都算ＯＫ，不過應該可以再好Ｄ囉．．．
我唯一既問題，發音
係香港讀個陣，已經知道呢個問題，仲未改到
終於係呢間學校讀完３個月短期課程
時間真係過得好快，真係有少少唔捨得
之後同咗Ｄ同學去食豬排飯
．．．續
2010-09-14
Day 80 in Tokyo @ 電髮
２０１０．９．１５（水）
今日放假，原本想去熱海玩，但天氣唔太好
不過都要食早餐先，自制煙蛋治＋咖啡
食飽之後就玩一陣電腦，終於諗到今日去邊喇
就係去理髮．．．哈．哈．哈．
之前一直諗唔會係日本整頭，但最後就攞咗原本打算
去熱海玩既錢去整，整咗我幾個鐘
不過服務係幾好，只係貴咗少少
其實佢同香港差唔多．．．
之後又去車站附近商場ｄｉｎｎｅｒ
原本想食好ｄ，但一個人，唔知食咩好
最後又去咗食韓國野
等食中．．．
來喇．．．同大家講吓，呢柸唔係一般既清水
佢係韓國．．．真露（白酒）
帶點點醉意返屋企，來咗日本飲酒既機會多咗
返香港後，會唔會又勁咗呢？
聽日派成績喇．．．希望好喇
Day 79 in Tokyo @ Test Day 2
２０１０．９．１４（火）
今日唔想煮早餐，同埋唔想遲到
所以出咗去學校附近食，同平時食既野差唔多
煙蛋治 ＋ 黑糖咖啡（超好味～）
今日考文法 ＆ 讀解
文法 ： 動詞活用，最唔鍾意既助詞，文法運用
讀解 ： 閱讀理解
有人好勤力仲睇緊書，我同ｄ台灣同學就係度影吓相，吹吓水
呢度就係９月剛起好既教務大樓
就係因為要起新校舍，所以學校話嘈住我地，所以每班有一萬ｙｅｎ
一早講好咗，考完試成班同學＆先生一齊去食餐飯
原本食放題，但又無得訂位，又ｆｕｌｌ曬
最後去咗食好普通既意大利
之後同學仔話仲早，不如去唱Ｋ，咁又走去唱Ｋ，
仲要有個韓國同學話佢飲多一柸啤酒，要出多Ｄ錢
埋單７千ＹＥＮ左右，佢都俾左５千ＹＥＮ
所以我地每人俾少少就玩咗２個鐘
之後就散ＢＡＮＧ，各自返屋企
今日有人主催係屋企打邊爐，所以有部份人去咗平價超市買餱
我就幫去格吓價，順便再去攞錢
我係去超市攞錢，之前成日去超市買野，
每買１００ＹＥＮ就儲到１分，我來咗３個月唔夠
就有８００ＹＥＮ
攞完錢行咗一陣就走
嘩．．．落狗Ｃ呀，行咗唔夠幾分鐘
就成對鞋濕曬，返到屋企時，當然連條褲都濕埋喇
終於都有得食喇，打邊爐
（雖然有少少諗唔通，不過算喇，都係食餐飯ＪＥＲ）
每人唔洗３００ＹＥＮ，幾豐富
有魚，有肉，有菜
訂閱：
意見 (Atom)