11.23 野玫瑰後之電影分享

今日約咗幾個朋友去睇野玫瑰音樂劇後之電影分享, 早於個多月前都已經睇過一次, 不過今次係睇音樂劇後再睇, 好奇怪喎, 睇呢兩次電影感覺都唔一樣, 朋友都覺得音樂劇比電影出色

上次分享會有發問, 今次亦問咗兩個問題

 

1. 導演會否於re-run加入一些新元素,令一些已經睇咗1st run或未入過場既觀眾入場睇呢?

導演話觀眾好鍾意依家呢個版本, 不過會加入一啲之前無唱既歌

不過咁, 我都會繼續買飛入場睇既

2. 之前導演提及好欣賞Angus, 會唔會構思一個foucs係Angus身上既劇俾佢主演呢?

導演話呢啲機會係可遇不可求既, 要睇各方面既, 而且陳生個期又難度

我真係好想睇吓, re-run會唔會有新元素吸引我再次入場呢?

第2個就真係"叮"一聲諗到既,希望導演或者Angus唔好介意我咁講喇....

仲有呀, 今日都好開心, 因為我攞返曬之前既場刊俾佢簽, 咁麻煩佢真係有少少唔係幾好意思添...

仲同佢影咗相呀

姐姐話咁多張相, 呢張就最清喇.................咪就係佢影相叻囉,唔手震

另外仲同得意既導演影咗一張, 但導演個post, 攪到我好似好矮咁

當然仲有焦媛既到來喇,又點會放過同佢影一張相呢...

11.22 觸‧一瞬

近期個schedule填到滿滿的, 又要去睇音樂劇,又要返學,仲有朋友生日,聚會...等等

今晚又要去睇劇, 呢個劇都算係Angus主演架, 仲要係唱好多歌添, 我真係幾鍾意聽佢唱歌,套劇係講兩個後生仔既初戀及愛情路上既經歷, 雖然不至於感動到喊,但聽到佢兩個既歌聲, 真係好開心

值得一提既, 係其中一位瘦瘦既女演員, 真係要即喊, 要俾3個叻叻叻俾佢

11.21 生日快樂

今日係朋友仔既生日, 要同佢在此講一聲

*** 生日快樂 ***

尋日同佢&阿Wing去食韓式燒烤, 我地咁快樂咁傾吓計,食吓嘢咁就過咗一個愉快既晚上

正等待當晚美麗的照片哦...

11.15 野玫瑰之戀

係一個月之前去睇咗野玫瑰之戀電影版,大概知道個故事內容,所以一直都好期待音樂劇, 今日終於去睇, 入到劇院, 心裡真係"嘩"

一聲, 個場好Grand,好靚

第一幕由主角焦媛唱著卡門跳著舞, 從此大家進入咗呢個世界, 快速既音樂加強勁既舞蹈,心裡好愉快但一下就到其中一幕重要既場口, 就係兩位女士打架

真係好利害,我諗全場都好震撼

成套劇我最鍾意既場口就係小劉站在台邊, 面向觀眾, 心裡做出偷望女主角,從而生出愛恨的一刻

最後要贊既係...焦媛唱功一流, 當然Angus都好, 不過今次實在太少喇, 希望re-run大家都有更好既表現喇

11.12 結婚週年......父母既

今日係父母36週年結婚紀念日, 由於細佬兩公婆要返工, 所以就委派我同姐姐同佢地去慶祝,好多朋友都話我地左住佢地二人世界, 我真係要係度同大家, 爸爸媽媽不知幾鐘意我地一家人慶祝呀
...

所以我就請佢地去食buffet, 因為爸爸好鍾意食西餐, 阿媽就好like日本嘢, 咁去食自助餐就最好不過喇

同大家分享, 當晚豐富既晚餐喇

生豪...好甜, 阿爸阿媽及&我都好鍾意食既

呢幾樣甜品實在太吸引,所以忍不住,要先食(好彩先食, 唔係轉過頭就再無士多啤梨 lu)

之後就食咗少少熱盤, 呢個燒牛肉睇落生咗少少, 不過食落又好味囉...

出鏡率最高既, 當然就係好好味既甜品喇, 由其係個提拉美蘇

呢個杧果拿破崙都好正, 加埋朱古力梳乎里

其實都呢個時候已經好飽,所以呢碟唔係我既, 係姐姐, 我只係攞來影張相, 左上角件cake有一半係我既...仲有碗雪梨水都係我既

通常last都應該食少少水果既,不過真係太飽, 所以呢碟係爸爸既, 都係借來影吓

我其實係食咗好多生豪&甜品, 都真係超級滿足

11.9 新嘢

今日終於買咗喇....

我部新相機,不過太多function,未識用, 要慢慢睇吓成厘米咁厚既meun先得

 

*-*-*-*-*-*-*-*-*-*-*-*-*-*-*-*-*-*-*-*-*-*-*-*

晏晝約咗心記同學仔去人地屋企玩,原本多兩個添架,不過佢地又突然唔來得,不過姐姐為咗某種原因所以加入咗

今次上去到, 依...............有新棋玩喎,大家都好似好緊張咁喎

 

呢套棋我之前都有係網上睇過介紹,睇落又麻麻地,但玩又幾好玩喎

 

由於其中一個無來既朋友仔,佢話唔想食咁多肉,所以今次好多菜,好豐富架,

辛苦曬.....

Daisy兩日來既預備功夫

大家係好愉快心情咁食飽飽, 不過呢日最好笑既係,我地幾個都認同其中一位人氏好似"我的低能之道"既主角............馬仔

但避免大家不安,我將佢個樣打咗格仔,不過我諗識佢既人都知係邊個???

無錯

就係佢喇

如果睇唔出既,可以問我既,我好樂意同各位解答

11.4 最後的....

今晚同姐姐去咗德福睇"High School Musical 3",呢場戲真係得來不易呀...

話說兩個月前入左會,送咗三張飛, 咁之前用咗其中兩張去睇"武俠梁祝"後, 用剩既一張就一直都無機會用喇, 但11月5日到期,係咁既情況下唯有去睇呢套指到第三集既歌舞片...

原本打算星期一晚去睇既, 但去到戲院時就心知不妙喇..........過百人排隊買飛丫....真係人都癩, 我足足排咗40分鐘先到我,仲要第二晚先睇,仲要坐第三行,平時我地一定唔會睇...但為咗用埋張飛, 照睇喇

不過入到戲院,感覺又唔同喎, 雖然坐第三行,但又唔係話真係好前既, 套戲都唔錯,對於我唔算爛,都好幾睇添...總算好彩喇....

但我又真係唔明...點解每年聖誕節前既檔期,啲戲都係咁難揀既???

11.1 公司旅行

今日公司旅行, 目的地係....

昂平360,大佛+寶蓮寺

                        

每年諗去邊都已經好傷腦筋架喇,去過既又可以咁快重覆, 又唔可以搭船, 香港景點又唔多, "腦"呢樣嘢我都已經無咩架喇, 最後俾咗3個選擇大家揀(扮曬民主)....除咗昂平360外, 就係粉嶺香薰園及深圳華僑城
我自己就想去華僑城,話曬都新丫...爸爸又唔搭得昂平360...
原本都打算同媽媽兩個參加,但有同事面皮夠厚, 帶埋老公,阿仔之外,仲要帶埋阿爸阿媽...佢一個人就已經用咗公司俾既budget既25%,所以我最後決定將爸爸既quota俾姐姐去...睬佢都傻
今年去旅行我自己有帶相機, 仲用咗之前未用過既方法影相添, 同大家分享吓喇
呢幾年好鍾意影風景相,不過我唔識影架...

 

*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*--*-*-*-*

心經簡林

(一直都好想去既), 大家有無留意到呀, 相中人既衫,個個都好sharp但又唔撞色架)

          

懷舊既涼茶壺,呢幾樣嘢放埋一齊,又幾夾咁喎

          

鐵絲網外的水鄉

     

黑白的大澳

"相" 真係可以令一樣嘢變靚

 

10.31 飯局

 

 一年一次既舊同事聚會又來喇, 今年一改以住既buffet改去食中菜, 今年kennis都有參加,佢講出多年前既笑話,令到大家係一片歡笑聲中度過,除咗佢之外,今年仲有一啲好耐無見既舊同事, 但整體都好開心...

不知不覺係呢個公司差唔多做咗九年喇, 其中好多既經歷之前都未試過, 由其怪人怪事特別多...所以對於我地一班普通人增添不少樂趣

希望呢個約會會繼續下去...