6.20 第3個喇

今晚約咗老ken同阿wing食飯同慶祝, 呢幾日都已經食咗好多嘢喇, 打擊咗我既計劃

有見及此,就建議去食簡單D既嘢,以前多數去食buffet, 因為老ken係素食者等佢可以多D嘢食,但最後都係過咗海去食light buffet(海鮮,魚生, 餐湯, 沙律,生果&甜品), 嘢食方面款式係少D,但味道都OK架,咁又唔洗咁貴, 好似食咗都無咁大罪惡感

 自制沙律+煙三文+木瓜1粒(原本有兩粒架, 但有小偷)

 外表唔錯既甜品, 每樣都一小碟,好似無咁肥. . . . 老ken有相機, 我地當然會留倩影喇......,
有人在無化妝既情況下,好似用咗啡色眼影咁wor  咁樣簡簡單單咁食吓傾吓就過咗輕鬆既一晚喇, 今次阿wing勁呀,好早就到喇

多謝曬.....老朋友

6.19 舊曆生日

今日係舊曆生日, 每年呢日都唔會約朋友, 要同屋企人慶祝

原本打算去太子打邊爐,但要就吓爸爸,所以最後都係元朗食就算喇,我地去咗"小fat牛",佢未搬之前去過,味道唔錯價錢就貴少少, 但今次真係令我地太失望喇湯底無味,D餸好早就賣曬,又唔係好新鮮,牛牛又唔係咁好食, 我地已經決定咗,唔會再去架喇。雖然係咁但我地都食到好飽(得大食既弟弟唔飽)。

媽媽係佢既favour小東度買咗個俾我, 佢一相情願咁話係我鍾意既可能佢成日見我食藍莓,不過味道都ok架,況且仲係媽媽買既添

6.18 第2個生日會

今晚繼續約咗朋友慶祝,有少少期待呀,因為唔知佢地最後送咩俾我呢

俾咗太多choice佢地揀喇, 所以星期日行街咩都唔買得 ,問佢地買咗咩又唔講喎 終於等到喇, 好心急, 一見到瘦猛猛見到佢攞住個大紙袋就估到應該係袋喇, 但個紙袋又係之前講嗰間shop既, 疑團又出返來喇
咁入到間餐廳,佢終於送咗俾我喇,但唔俾我拆喎,要等齊人, 真可惡

又要等多陣添, 到可以拆得禮物時, D嘢食又到, 我唯有一手拆禮物,一手揸筷子喇。

嘩.....好開心呀, 因為係佢地揀既,所以一直都唔知會收到咩, 所以拆既時候,真係有收禮物嗰種喜悅

仲有4份咁多添呀, 瘦猛猛, 老尖同Hello Kitty就送咗個袋同錶俾我, 阿櫻送咗隻Miffy, 18A就送咗個相架俾我, 樣樣都好靚架, 都好鍾意

因為就個朋友近D,所以最後去咗九龍灣和民, D嘢食都OK, 因為太餓喇相都無影就係咁食, 食曬先記得要影.....

6.17 生日會後傳

呢間餐廳D員工好攪笑架, 咁佢送蛋糕來既時間會播生日歌, 我為免樣衰衰

所以之前就同佢地講左以下既對話. . .

主角 : 係咪會播歌架, 但一陣唔洗架喇,剩係攞個蛋糕來就得架喇

經理 : 哦...妳鍾意低調呀

主角 : 係呀,係呀, 鍾意低調

咁我以為無問題喇, 咁就邊食邊等喇, 係我地食曬主菜時, 經理行埋來,放低個蛋糕

經理 : 笑住口講, 妳地鍾意低調, 即係自己唱

咁阿經理就開始唱喇, 真係俾佢激死

咁咪仲高調真係俾佢笑死

之前咪話收到朋友送咗份好鍾意既生日禮物, 俾大家睇吓喇

6.17 第1個生日會

一年一度既生日週又到喇, 今年係踏入另一個階段,令我想反思,但唔知最後會反成點呢, 不過有衰朋友問我,呢個係咪"口號"來喎。

今晚約咗朋友去老尖食飯,展開生日週既序幕, 為咗不被睇死,所以今年點都要變吓架喇,唔去食buffet, 所以就上左open rice search吓,睇吓有咩好嘢介紹, 我一直都想食法國菜但實在太貴,到依家都未食到,所以咪諗改食海鮮, 咁揾到一間係老尖既,價錢都ok, 好多食評都話唔錯, 仲幾有氣氛添(好多人去呢間餐廳慶祝生日架喎),不過今次都係有少少失望,整體來講除咗甜品,餐廳送既雪山蛋糕同埋一張幫我地影咗張相整咗張年曆咭外,其 餘既食物都唔係我預期內既. . . .

餐廳有6款甜品, 我地點咗5個唔同款既, 呢張既Tiramisu就最好食喇, 後面係青蘋果雪芭

左上角既就係我點既,唔知咩茫果+雪糕, 右上角既所謂藍莓芝士蛋糕, 完全唔掂,原本我係想叫呢個既, 好彩最後改咗,姐姐就慘少少喇,

呢份係我今年既禮物, 係我精挑細選既晚霜同埋餐廳送俾我地既年曆咭, 真係要多謝曬咁多位

, 張年曆咭大家都覺得好值得留念

呢個都算係今年第一個蛋糕, 仲有許願添呀, 姐姐今次, 幫我影得唔錯,好靚呀

6.15 爸爸節

今日係爸爸節,但大家都瞓到好晏,所以無出到去飲茶,原本媽媽話去 食咖哩(爸爸鍾意),但後來又改咗去酒樓食晚飯, 由於我地無計劃無訂位,所以我同姐姐行咗3-4間酒樓,不過全部都無位呀,全部都要等呀, 後來我地揀咗一間等喇, 我地由6:30一直等到8:10先有枱,不過唔緊要喇, 爸爸節每年一次,點都要慶祝吓既, 爸爸平時對我地實在太好喇, 照顧周到, 我仲認為其他既爸爸唔會咁添呀, 佢真係無人代替 。

幾時都話架喇,父母對子女永遠都係最好既。

6.9 家庭樂

今日係3日假期既最後一天, 之前黑雨無出街,尋日又成日都係屋佐hea,今日唔得喇,點都要去吓街先得, 由於細佬知我想睇"豬法奇緣" 所以俾咗兩張coupon俾我,之前一直都安排唔到,我怕佢就快落晝喇,所以今朝同姐姐去睇10點場, 我就覺得係童話式既戲,不過我就幾鍾意喇. . . hahaha

一早約咗爸爸媽媽係我地完場既時間出到旺角飲茶同行街, 我諗住係旺角飲茶,服務會好少少, 點知嗰間酒樓既waiter居然講大話, 我點左個豆腐(成$38),佢居然俾個$22既俾我,仲話咪一樣, 我就梗係唔信喇, 我叫之前問左人,有咩分別, 成間酒樓D人都唔知佢地間酒樓同一時間有3種不同既豆腐賣, 真過份. . .

媽媽又話要買衫俾爸爸喎,同我熟既朋友都知呀, 阿爸最後係買唔到衫既,因為D衫太細件,無佢既碼. . . .不過最後都買咗D嘢俾爸爸呀,阿媽果然勁,洗錢真係有一手, 不過我都唔弱呀

之後就連續四晚PT, 每日得番4個鐘左右瞓炸, 好鬼眼瞓. .

6.14 洗錢日

今日依然要返學呀, 一返到去大家討論緊黑雨嗰堂點安排,阿Sir都覺得今次安排失當,尋日學校終於決定咗會補返一堂俾我地, oh. . .無得退錢lu.

放學後約咗阿珊同姐姐去睇想睇好耐既戲"Sex in the City",呢套嘢我有睇開電視劇,今次既電影當然唔可以錯過喇,雖然套戲有D長,所以我地揀間好坐既戲院, 整體都唔錯,有笑,有感動,又多靚衫, 最後都係Happy Ending,所以幾開心架。

佢上映時間有少少怪,所以我地揀咗食飽飽先去睇, book位既重大責任交咗俾阿珊,咁我地當然夠鐘先後喇,點知去到餐廳既人話無我地既booking,咁無計喇我又想食呢間,咁唯有排隊等位, 咁我地都係等咗半個鐘左右都有位喇, 入到去大家都雀躍,因為好多嘢都好好味咁, 未坐低前大家都諗咗食咩cake,最後因為太飽喇無食到, 我同姐姐叫咗肉眼,珊珊叫咗駝鳥排,再加咗龍蝦沙律, 我就覺得全部都好好食喇, 我仲打算帶爸爸媽媽來試吓添。

仲有呀, 珊珊送咗一份禮物俾我呀, 呢份應該係我呢兩年最鍾意既一份, 好開心呀,多謝妳呀. . .

6.14 洗錢日

今日依然要返學呀, 一返到去大家討論緊黑雨嗰堂點安排,阿Sir都覺得今次安排失當,尋日學校終於決定咗會補返一堂俾我地, oh. . .無得退錢lu.

放學後約咗阿珊同姐姐去睇想睇好耐既戲"Sex in the City",呢套嘢我有睇開電視劇,今次既電影當然唔可以錯過喇,雖然套戲有D長,所以我地揀間好坐既戲院, 整體都唔錯,有笑,有感動,又多靚衫, 最後都係Happy Ending,所以幾開心架。

佢上映時間有少少怪,所以我地揀咗食飽飽先去睇, book位既重大責任交咗俾阿珊,咁我地當然夠鐘先後喇,點知去到餐廳既人話無我地既booking,咁無計喇我又想食呢間,咁唯有排隊等位, 咁我地都係等咗半個鐘左右都有位喇, 入到去大家都雀躍,因為好多嘢都好好味咁, 未坐低前大家都諗咗食咩cake,最後因為太飽喇無食到, 我同姐姐叫咗肉眼,珊珊叫咗駝鳥排,再加咗龍蝦沙律, 我就覺得全部都好好食喇, 我仲打算帶爸爸媽媽來試吓添。

仲有呀, 珊珊送咗一份禮物俾我呀, 呢份應該係我呢兩年最鍾意既一份, 好開心呀,多謝妳呀. . .

6.7 黑色暴雨

今早6:40分香港發出今年首個黑色暴雨警告(好似....hehe),媽咪好早就過來攪醒我喇, 之後都瞓唔返喇, 真激死. . . .不過我照灘係張床度, 我已經諗咁今日洗唔洗返學呢???好多個問號呀!!!我唯有睇吓返學既時間表,丫. . . 居然無寫,我唯有打俾O仔喇,問吓佢洗唔洗返學先得,佢就答我原來10點仲有黑雨就唔洗返學架喇, 仲要無得補堂,雖然我有時都無逃學,但咁樣蝕咗一堂唔抵丫嗎。晏少少無咁大雨,睇曬新聞我地一家人就出咗去飲茶同買餸, hea呀hea呀,咁又過咗一日假期喇。

6.5 心情放鬆

呢幾日心情都有少少低落,由其事攞到係手既一刻,但經過咗今晚之後,成個人都放鬆咗,之前公司安排身體檢查,出來既 報告令我有少少意外, 咁以往既記錄膽固醇高係意料之內既事,但今年居然仲有輕微既脂肪肝同埋有個唔知咩鬼酵素低過應有既範圍添, 真係有D擔心架。今晚去睇咗醫生問,俾份報告佢幫我睇吓, 即刻令我無之前咁擔心喇。

所以阿珊都話得我啱架, 唔好得閒無事做就係度諗咁多嘢, 問清楚先丫嗎,自己攞來嚇餐飽喇。

所以要加油同努力呀. . . .

6.1 5月份回顧

今日係我總結既日子, 月初已再次記低每日用錢情況, 亦計算過5月已經係入不敷支,我已經好多晚返咗OT,但洗既錢依然咁多...

月初請朋友來屋企BBQ同飲茶都已經用左$1000

買咗少少護膚品用咗$656

爸爸生日食飯用咗$1000

買咗對涼鞋$380

尖尖生日食飯+2件T-SHIRT $330

加加埋平時搭車,買嘢食, 買雜誌....洗咗好多呀....

點算,仲話要儲錢養老添...

5.31 爸爸生日

今日係爸爸生日, 其實上星期已經一家人去左屯門食海鮮,又話咗正日唔食,原本媽媽話爸爸正日生日,細佬要返工唔想咁夜食,但最後就緊係再食多餐喇, 今次領教過上次出街食既教訓,所以今日由細佬係相熟既海鮮店買嘢返屋企煮,況且今次係爸爸親自下廚又點會失手丫,今次好好食, 大家仲食到好滿足添

屋企真係一個又開心,又舒服既地方. . . . . .

5.30 補祝生日

今晚約左心記同學仔為尖尖慶祝生日,我地幾個就約左7點沙田等, 有位大忙人就約遲D 7:30, 咁我地打算去UCC食,無得BOOK位,咁我地去攞位先,之前仲可以去一田行一陣,大減價下有人好快就買咗件衫喇, 咁我地約位既途中上左另一間有8折既shop度睇嘢,佢地個個都有收穫添, 咁等吓等吓已經8點幾, 仲未有位,但大忙人仲未到,到叫我地既no.時,我地又唔想坐呢張枱,咁我地又再等吓反正人未齊, 差唔多到9點我地終於有位喇,我地幾個已經等到好肚餓喇, 急不及代去沙律吧攞嘢食喇, 我地4人叫咗海鮮意粉, 牛肉汁蛋飯+海鮮pizza,咁每樣嘢加$28就會有湯,沙律及tea喇,成晚最最最好食係個海鮮意粉, 最後大忙人係無來到既。

今年尖尖既禮物全部都幾實用架, 一個佢想買既皮袋+頸鍊

5.30 補祝生日

今晚約左心記同學仔為尖尖慶祝生日,我地幾個就約左7點沙田等, 有位大忙人就約遲D 7:30, 咁我地打算去UCC食,無得BOOK位,咁我地去攞位先,之前仲可以去一田行一陣,大減價下有人好快就買咗件衫喇, 咁我地約位既途中上左另一間有8折既shop度睇嘢,佢地個個都有收穫添, 咁等吓等吓已經8點幾, 仲未有位,但大忙人仲未到,到叫我地既no.時,我地又唔想坐呢張枱,咁我地又再等吓反正人未齊, 差唔多到9點我地終於有位喇,我地幾個已經等到好肚餓喇, 急不及代去沙律吧攞嘢食喇, 我地4人叫咗海鮮意粉, 牛肉汁蛋飯+海鮮pizza,咁每樣嘢加$28就會有湯,沙律及tea喇,成晚最最最好食係個海鮮意粉, 最後大忙人係無來到既。

今年尖尖既禮物全部都幾實用架, 一個佢想買既皮袋+頸鍊