4月29日 睇樓團

原因約咗上星期,但因為種種原因,所以改咗今日, 約咗Irene佢地係粉嶺飲茶(多謝曬....Irene...佢請架),點知我唔知醒,所以遲到,去到茶樓佢地都係開始咗一陣,亞B真係好得意, 一D都唔似佢父母坐低無耐,鄺生就話佢抽到居屋,叫大家俾D意見,仲打算晏D一齊去幫吓眼去睇樓,咁我地飲完茶就去咗亞B屋企睇佢表現轉身,都等咗好耐,佢先肯表現(依家D亞B好高架,唔係隨便表現架),之前我地就浩浩蕩蕩一群(4個人)去咗睇樓啦,攪到成8點先返到屋企,不過無計啦, 鄺生第一次買樓, 做朋友既, 當然要幫吓手既,不過咁,如果佢真係計得掂條數,我都會見議佢買既,因為真係平囉....加油呀

手紙

近日我睇報紙發現又有一套新戲上晝啦,之前我未聽過關於呢套戲既報導,吸引我既係套戲名"手紙"即係"信",咁我就睇吓套戲講咩(下面有詳細),我就諗啦,我之前都有同D朋友講過,好想寫番信,因為時間耐咗,有時都會攞番出來睇(我會架),真係會好開心架,點知我個朋友話叫我唔好寫俾佢喎,佢唔會回信, 佢又話依家e-mail實在太方便,雖然e-mail方便,但真係少咗一點兒...那個

有無朋友同我有同一個想法呢?如果有,不如寫封信俾我丫,我會回架... 

仲有呀,有無人陪我去睇呢套戲呀 " 

故事簡介

武島直貴（山田孝之飾演），20歲，本應享受生活，可惜卻與四周格格不入的青年，他總是迴避眾人目光。 他的哥哥剛志（玉山鐵二飾演），為了要幫直貴湊大學學費而闖入民宅偷竊，結果誤殺了人。 在哥哥被判刑入獄後，兩兄弟開始用書信的方式互相聯絡，但直貴也從此背上了「殺人犯的弟弟」的身份。 「有哥哥的存在，我就沒有人生。」就這樣，直貴活在社會的歧視之中而開始自暴自棄，直到由美子（澤尻英龍華飾演）的出現，才使得他在絕望之中得到解救。 但是，當他僅保有的唯一的幸福受到威脅的時候，直貴下定決心，要從這樣的束縛之中解脫。解開這個不祥的「書信」的枷鎖......

落湯雞

今日我約咗個同事同佢一齊去銀行辦手續,所以10點幾就由公司出發, 我見仲有成個鐘咪慢慢行囉,點知架車去到尖沙咀...好大雨呀.我都已經行地底,應該無咁濕,點知都途唔過,我只係過一條馬路....無錯...只係一條馬路,我條褲就已經濕咗一大半

咁同個同事攪完D手續,咪諗住各走各啦, 我原本約咗Olivia一齊lunch,但太大雨, 佢無出來,我自己去咗新港個Food Count食, 點知!係我等緊個陣(已經俾咗錢),我老細call我叫我即刻坐的士去火車站接個同事,因為佢買唔到車票,但我又已經買曬野食, 我唯有快快食完先啦。我要先去紅磡火車站再去中港城, 又要幫佢買船票,話俾佢知邊度入, 點過關, 幾點要入, 帶佢去lunch, 幫佢買埋, 帶佢坐低,仲要教埋佢之後點行上去, 好彩...佢都明,咁就算啦。原先佢想請我一齊食lunch,但我見同佢唔孰.都係唔好啦, 我怕佢太多野講。不過佢都係好人一個。

釣魚翁之行

今日約咗Ibie, Manda,Shan, Miu&Jason去行山, 原來係去東平洲,不過Jason太遲confirm,所以full咗,最後我地先改去行山既, 不過都好彩天氣算唔錯啦,不過就唔係好多風,熱過2星期前去行龍脊。

不過呢度既風景都真係唔錯, 行咗無耐就已經上到第一個山頭, 大家睇吓D風景幾正呀

 

沿途都見到D幾靚植物,好似下面張相既花就見到好多次, 白色個D都唔知係葉定係花,我就覺得係葉啦

再另一個山頭....
 

原來香港有好多好靚既地方都未去過, 企係呢度真係好舒服架, 一望無際既大海...


對面呢個山就係西貢釣魚翁,不過係要大家想像吓...


呢個係有錢人既遊樂場(打Golf),睇吓幾靚,所以咪要咁貴入會費囉


中間仲有其他好靚既相,但唔放太多係度啦,呢度係布袋澳(有海鮮食架),行到呢度之前已經經過好多次上山落山,遠處有小巴等緊我哋

整體來講都幾好, 雖然今次比上次辛苦,但風景好正,而且都幾開心。

遲來的利是

4月20日

終於都等到星期五啦,返埋今日可以放2日假,好開心

由於今個月好窮想快D出糧,不過今日大陸有個日本人落來香港寫字樓,佢要去銀行攪D野,所以上咗來一陣, 點知就係咁樣上一上來, 我地就收到一封利是($100), 佢一上到來就行咗去同事身邊, 問同事我地一共有幾多人, 咁佢原本就攞咗$500出來,後來又再攞多$500出來俾個同事, 同事好快手咁全部封好,佢仲講話唔好意思,新年到依家都無機會落來,所以咁遲先俾我地,好開心呀,依家都農曆三月,仲有利是收,大部份人過咗都唔會俾架 啦。

依家我逢星期五晚返學(英文),都唔知點解個Miss好攪野架,都已經返咗8堂,雖然我都有偷懶,但其 他同事都有, 唔係得我一個, 佢就剩係唔記得我個名(全班20人),佢上次自己都話咗唔知點解記唔到,但會盡力記,但今次又唔記得,佢係咁講唔好意思,我個名其實都好易記丫,點解呢唔通外國人唔用呢個名既?

腰骨痛

近日腰骨痛, 好唔舒服,又唔知睇咩醫生先啱,去醫院睇急診又要等好耐,有時坐車, 個坐轉得勁都尺尺痛, 好似依家坐係電腦前面都痛。"痛"又唔係好勁個種,好難形容,總知就係唔舒服咁囉。今晚貼咗幾片風濕膠布,睇吓聽日會唔會好D。

我今晚去買咗D生果(士多啤梨,車厘茄,青瓜仔同魔芋),打算聽日當LUNCH食加多2片麵包,應該都夠飽。

煩死!

我今日去幫個同事去買直通車票,行咗2次都買唔到, 真係煩死人,第一次就係想買既時間full曬, 攪到我要問來問去, 第二次居然係佢個電話system壞咗,最後叫咗媽媽幫我去買, 終於都買到啦,真係好啦。

原本打算星期日約朋友去東平洲, 點知個團太full報唔到,所以依家改咗去行山,唔知嗰日天氣好唔好呢, 最好就好好啦,即係適合行山既天氣

我今日聽到少少野, 就係老細今日返左香港公司同大家傾吓工作既野, 我聽到佢問同事工作範圍個陣, 個同事同佢講要keep少少pettycash用來轉提單/藥/公司同事用既少少物件,我老細居然同佢講俾我keep, 原則上應該俾我keep, 唉又要做多樣野,不過算啦,我預咗。

我的願望

今日唔係好想做野, 不過都已經入曬手頭上既A/R單。

今日係公司成日都上網睇D人既留言,都係講旅行既野,我都心思思想去旅行, 我想去一次同以前唔同形式既旅行,自由自在咁行,每日唔同地方瞓,去好多既城市,但一個人又怕怕地,始終都係一個女仔,但好想

例如可以用30日去歐洲或者去日本又或者去大陸都可以, 以用最少既錢,唔Shopping,主力睇吓風景咁就好正啦,唔知有無咁既機會呢...我諗呢個就係我依家既願望

公益金百萬行

今日同Iris&Olivia去咗行"深港西部通道百萬行"係我人生既第一次, 我懷著開心興奮既心情出發,天氣不太好亦不太差,有少少藍天,但煙霞實在太大,所以風景都唔係睇得好清楚。

Iris既朋友係約咗1點,但我地約早少少,所以約咗12:45係兆康西鐵站等, 我地大家係兆康站坐大會安排既車去起點,我地既乘車時間為下午1:30。

起步前我地影咗一個小合照,因為我地跟隨一齊行既團體,總共有成百人架

我地大概2點起步,這條橋就係通去深圳灣,即係我地今日行既地方"西部通道",日後通車, 一過關就係中國既蛇口啦。

 

起步無耐,就發現到一個奇景啦

大家睇吓遠處, 幾多人,果然係百萬行呀(不過公佈數字為3萬人參與)

 

唔好奇怪呀,大家睇到既係呢條"西部通道"既大橋

不經不覺我地已經行咗一半啦,見到呢個電子版就係要回程,鐵絲網後面就係屬於大陸區域,我地用咗1小時15分就行到來呢到

由於"西部通道"位於后海灣,所以我地沿途都有見到養蠔既棚

 

呢個指示牌係話俾大家知,就來行完啦,已經差唔多到尾聲啦

 

差唔多行到終點既時候,我地見到紅榭林+退潮

 

時間已經係下午既4時15分,已經行完7公里,呢個路牌俾日後既道路使用者知道,前面有"老鼠仔米奇"等緊大家

唔好以為我去咗巴士站,只係我將公益金既粉絲"九巴"影低,所以今日有免費巴士搭,唔洗"Do"八達通架

今日同大家分享百萬行既所見所聞,就算無一齊去既朋友,都可以係度睇吓,不過就有少少攰啦,因為始終尋日已經行咗一日,今日又再行,所以對腳...震震地

仲有呀,因為之前叫爸爸幫我買咗D黑豆,所以今晚整咗黑豆漿,我覺得今次既味道幾好,不過始終都係隔得唔係幾好(豆渣),不過今次有進步架啦,爸爸都話幾好

一人有一個夢想?

尋日在回家途中聽收音機,節目名應該係愛回家,咁啱係度播緊之前佢問聽眾既夢想,主持人話人係要有夢想,但呢晚個個人既夢想又會唔會都係大家既夢想呢?

她 的夢想就係結婚同生仔,佢話係每一個女仔既夢想,只不過係佢代表其他人講出來,佢為咗佢既夢想不斷辭職,揾工, 再辭職,再揾工, 再辭職,再揾工,佢話為咗每次轉新工時,可以結識更多目標,佢又話依家佢已經係"中女"唔係佢既年齡,係佢依家高不成,低不就, 樣樣野呀都係中間位置, 學歷,生活...等等都係中間,所以佢自稱"中女"就因為咁所以佢都有所要求, 就係要求揾到一個中上既男人。我一路聽一路笑,睇到依到,妳有無笑先?

主持人話,有時為咗夢想,就一定要有少少犧牲架啦,好似上面個女仔咁, 就要不停轉工,生活可能無咁安定。

我聽完就係度諗啦, 人係唔係一定要有夢想呢?我既夢想又係咩呢?我又會唔會為咗夢想去犧牲另一樣野?點解做人成日都好似"人生交叉點"咁既,成日都有咁多野要去諗,唔可以隨遇而安既咩,定係人唔滿足,有呢樣又想要另一樣,所以先至會咁???

雖然我都係一個貪心既人,樣樣事都想順住自己去做,其實有時自己真係唔知想要咩?如果大家有咩好見議,不妨講出來大家度度佢啦。

努力尋求中.....夢想及養老金

龍脊遊記

4月9日復活節假期既最後一日, 約咗亞珊同Ibie&Manda去龍脊行山, 這個地方原本係上次去行既,但因為天氣唔穩定,最後取消咗,個日終於都去行啦, 更氣幾好,我地個日約咗上午10點係筲箕灣地鐵站等, 之後我們一行四個人去食咗一個幾豐富既早餐, 就開始我們既旅程。

這張相就係剛剛起步無耐,佢地叫我影既, 原本我只係打算影個牌

途中風景真係唔錯, 行咗一陣就已經有居高臨下個feel

 

之後再行多一陣,就會見到石澳沙灘, 係唔係好正呢

 

呢個位置都應該係呢個行山路段中最高既山,有成284米架, 呢個位風同風景都係一絕,就係大風同靚

 

為咗大家知道有幾大風, 特意安排有個人,俾大家睇吓D風吹到個頭有幾亂, 呢張相已經係最細風,因為另一張,我有個朋友既頭髮簡直係...八爪魚咁...至於係邊個就唔好講啦....哈哈

 

已經行咗一大半既路程, 下面就係柴灣, 遠遠既對面就係將軍澳,我地就係度休息咗一段時間

 

呢隻蝴蝶跟我地行咗一小段路,所以同佢影咗張沙龍

最後我地行到去好大浪既大浪灣

, 個日都有幾多人係度玩浪,如果無見到政府個幾個垃圾桶,有無以為自己唔係香港呢

整體風景好靚,行得又唔辛苦(需時3個鐘),不過呢...

新形象

今日瞓醒食咗少少野,就上網玩到3點幾,咁咪問吓屋企人出唔出街食野,點知亞爸亞媽已經食飽咗,咁我見唔係好餓就唔食 啦,見無咩做咪去咗做Facial,出門口前就食多半塊五殼包,費時一陣係美容院個度個肚叫,做完Facial已經6點,我就去咗染髮,因為之前染咗好 金,依家出返D黑髮出來,好明顯有兩隻色,所以今次整返深啡色,睇落去自然D,今日就係係髮型屋有後小插曲啦,最後幫我吹頭個小姐,以為我係直髮,佢打算 幫我吹直佢,我見佢係咁用密梳幫我相頭,我都估到D架啦,好彩佢個拍擋問佢係唔係打算幫我吹直,佢真係話係,嘩...真係嚇一嚇, 不過如果佢真係吹個陣我都會出聲既,真好彩。

聽日去行山, 上次去唔成, 聽日同Shan,Ibie&Her's Friend,希望聽日天氣好啦

化妝小姐

今日同父母飲完茶之後去買餸,買咗好多野,攞到隻手痛痛地,一手攞住美心出品3條大既卷蛋+大概3磅麵包+2件西餅,另一隻手就攞住1公升豆漿+2舊豆腐+一個袋仔,3點半飲完茶,但返到屋企已經成6點。

之 前去屈臣買潤唇膏,入到去我都心知不妙,太多化妝小姐,我行咗一陣都無人行埋來,我仲以為無事,點知突然有個女人係後面都幾大聲咁叫靚女,我仲以為見到孰 人,我望吓佢,但又諗唔起係,即係唔識, 佢就開始sales我啦,我話唔洗啦,佢係咁叫我睇吓,又話見我皮膚咁靚,叫我買Mask,我係咁話唔洗,但佢一直都唔放過我,我都已經同佢我係出面做 架,唔會自己做,所以係唔會買架,但佢仲講,又話自己得閒做吓都幾好架,我真係頂佢唔住,我唯有同佢講,我入來只係想買我想買既野,其他我無興趣買既野, 係唔會睇架,更可況我都無用。佢終於行開咗,點解要迫我講到咁先行開。

聽日要好早起身呀(5:30左右),因為要返大陸拜山。

婚姻制度

尋晚睇無記既"向世界出發"內容係梁詠琪去到中國雲南女兒國。

女兒國係一個母系民族, 男人唔洗養妻活兒,生計,家務或大小事情都由女人處理,亦沒有婚姻制度,佢地所謂既"走婚"係每日都可以同唔同既男人,我諗生長於大城市既人未必可以理解,但都有人嘗試去了解,但...始終

尋 晚個集係訪問一個廣州長大既女人之前認識咗女兒國既男人並且愛上佢,但由於女兒國係沒有婚姻制度,對於一個係大城市長大既人未必可以了解個度既習慣,但過 咗一段時間,廣州既女人終於忍唔住,放低廣州既生意同家人再去到女兒國尋找佢愛的人,最後佢地都結咗婚, 佢地度婚姻得不到其他人既祝福, 依家佢地已經結咗婚八年, 仲生咗一個仔,但男家既人並不接受呢個媳婦,而且個老公每晚都會回到自己母親家過夜,同無結婚無咩分別,女人係個度開咗一間酒吧,由於客人唔多,好難維持 生計,所以係麗江(大城市)開多咗一間酒吧,所以個女人同個仔多數係麗江過夜, 唔記得係每月/每週先會見到老公一次,這樣既婚姻可以維持到幾耐呢?最後電視台分別訪問呢對夫婦。

老公 : 結婚真係不是那麼好, 像現在久不久見一次還好。

老婆 : 勸女孩子選老公,要選一個對自己貼心,體貼的才會開心。

之後梁詠琪講咗一D佢父母分開時既感受。

訪問內容好似多咗少少,唔知大家會諗到D咩??

"愛" ...2個人一齊生活要有愛,但又不單單有愛就夠, 仲有好多其他既野配合, 先可以"細水長流"。但就算配合到,又唔等如可以,因為人會隨時間或者身邊既人或事有所變化,好多事都無定案。

我 都算生長係一個幾幸福既家庭,雖然屋企無咩錢,但有得食,有得住,父母,兄弟姐妹一齊成長,父母又算建康,家人都算融洽,已經算係比上不足比下有餘架啦, 到我出來做事,都算幾好,好多份工都遇到好老細,到依家都幾滿意呢份工,所以一做就做咗7年幾。弟弟舊年又結咗婚, 弟弟老婆依家為止都幾好架,對我地都夾,姐姐...就唉!好難講,每次講到佢就真係有D心痛,不過都算好好彩,因為我地幾姐弟感情好,所以樣樣事都會接受 同包容。

不過我諗依家父母最唔放心既可能係我啦,因為我到依家都無有著落,媽媽有時都會問吓我既,但我覺得始終有就有,無就無,諗得太多都無用,舊年真係好想快D,但到依家已經唔同咗,呢D野好多時都係整定,唔係諗就會有架嗎?未有既朋友都唔好諗咁多啦,我依家要諗既係點樣可以儲多D錢,增值吓自己,做好自己。

忙死人!

都有一小段時間無寫啦,因為實在太忙,忙到夜晚返到屋企都唔想開電腦, 都唔知點解, 由上星期開始,每日返到公司都忙到連同同事打吓牙較(傾計)都好少, 由早做到晚, 星期一個日直情做到暈暈地,不過我都唔理咁多, 最多6:30就放工。幾攪笑呀, 大概6點左右,有個同事行埋來,問我得唔得閒,我回應好忙喎,因為我仲對緊單, 未開始埋數,而且又放假,都無咩時間做野,不過我都有問佢咩事, 佢話claim保險既野,佢講到好遠,之後又話老細叫佢揾我一齊幫手做, 老細都死架,咪都叫我做, 咁我唔洗做自己野架啦, 真係以為我無野做呀,不過我都話ok, 但我要20號打後先得, 我埋完數仲要做report, 又要開始對訂單,幫人都要自己既野做曬先得架,但佢好似係想我即刻幫佢一齊做, 樣樣都話唔識, 我話吓...唔得喎,佢又解釋又要做單做A/C埋數,佢又唔諗吓,我都要埋數,雖然我盤數簡單,但得1個人點做呀,大陸既野依家都仲有野要我做架嗎,但同 事勁呀, 佢好似想叫我一齊加班做(因為D野都趕住做俾日本),我咪話囉,我最多加到6:30就走架啦,我堅持Office Hours至5:30,唔知係唔係我自己諗得太多呢, 個同事成日講佢做呢D野唔孰,又話好忙, 又話我做呢D應該會孰D,都唔知係唔係想我同佢做,但我真係好忙(我覺得),呢個星期成個星期都無玩MSN.做足8個鐘,我依家除左要做A/C,又要做出 貨,又要對單,時間都係剛剛好,如果真係做埋佢D野,我仲洗放工既。

仲諗緊星期五(假期)好唔好OT