3.21 ~ 23 復活節

今年復活節連續有4日假,但護照過咗期,無得出去玩喇,咁就打算返大陸玩吓喇,原本想去貴陽睇花既,但好多團都爆曬,最後就同屋企人去湛江,呢個地點係媽媽揀既,我地話去澳門都唔肯,所以弟弟兩公婆就無去喇。湛江好遠架, 如果全程車一直去既話要成7個鐘,景點又唔特別

以下既就係湛江港既碼頭,好似漁村

 

呢張就係係海上影出去既,有少少太陽,個feel都幾正既

 

下面既沙灘將會建造1個叫水間宮既地方, 裡面就係放"南海一號",不過依家未有睇, 唯有影個沙灘+兩隻馬俾大家睇住先喇

 

總括來講呢3日既行程, 剩係做咗上車,落車,食同瞓,好無聊咁就過咗成個復活節喇

3.16 來賓

今日一然來咗屋企攞衫,順個便來探我,佢差唔多1歲半,次次見佢都好難同佢合照到,佢成日都蝦我,玩一陣後就喊架喇,所以好多次都影唔到相,今日終於同佢影到一張佢唔喊既相喇, 成功

但佢第一次見到我姐姐,走既時候都KISS咗佢一嘢,真係唔公平喇

為咗對阿B公平: 後加既......由於我起哄, 所以一然最後都補咗kiss俾我囉, 真激死, 姐姐咩都無講都有,但我就....

2.29 化妝日

尋日同埋今日放工後都要去銅鑼灣俾朋友化妝,因為朋友仔學緊新娘化妝,佢要pratice吓同埋上堂要自備人版,我地呢D做朋友無計既不惜皮膚變差, 第一晚無影相,因為唔成功,第二晚就影咗喇, 我返到屋企俾姐姐睇吓,佢居然話我似鬼喎,邊有丫,只係胭脂紅咗D,塊面就白咗D,無計喇,鬼叫我有齊一般香港人有既缺點集於一身咩,所以朋友要用盡辦法 幫我咩,所以咪咁囉, 不過唔緊要喇,唔係個個都好似我咁勁咩都有齊既, 更何況我相信假以時日既妳必定可以做得好好架。

2.26 辛苦錢

由今日起,我去姐姐公司做Part Time,都係做一D簡單既工作(filing, 還契,揾吓File)咁,但係佢地公司做呢D簡單嘢,就一D都唔簡單呀,係超難呀,因為佢地太忙,地方太少,D嘢太亂喇,所以都幾辛苦架, 何況我懶慣,嘆慣,依家連夜晚都返工真係幾攰架, 大家都知我平時好早瞓架嗎,但依家要返埋Part Time要成12點幾,1點先有得瞓,所以我好快會變成一隻超級大熊貓,下次見到我既時候唔洗怕丫。