2月28日 攰死人啦!

唉!! 終於都回香港啦, 只係上咗大陸2日半,已經攰死人啦 

日日都要OT,今日下晝返咗香港Office做野,成夜晚8點先走,都唔知點解忙成咁。

今日返到HK,個衰人又點人做野, 已經答應咗別人,好心就自己做啦,不知所謂。

不得了啦,真係要學吓點樣唔俾個衰人影響我既情緒先得。

 

好開心連續3個星期都有街去,可以玩得好開心添。

唔係...啍...都唔知點樣平衡一下心情。

2月25日 拜年

今日又又又去拜年啦,見到朋友個臭B,小朋友真係大得好快,轉吓眼又大咗,今日臭B就勁囉成日都喊,都不能同佢合照添。

聽日終於要返工啦,放咗10幾日假真係唔係幾想返工,但無計啦點都係要返既。

我既人生目標??計劃?

2月24日 踩單車

今日都仲係假期,但我較咗鬧鐘10點鐘起身,因為今日約咗朋友去大圍踩單車,不過有人要返工,所以我地約1:15係 大圍等, 大家一齊食完lunch先出發,都差唔多成2:30先開始踩,但只係踩咗2~3個鐘左右就交車啦,因為下面寫住大傻瓜嗰個人踩到人地架單車條芯斷咗,所以 我地迫住要交車,今次踩既時間太少啦,下次再踩過先得,今晚我地去咗沙田西田方向一間食西餐餐廳食我地既晚餐,但實在太唔得啦, 我點咗一個唔熱T骨,又唔係特別平($100),我唔會再去呢間餐廳食野架。

p.s.我唔敢寫得太大, 佢好惡架,會打人

2月23日 敏感日

今日好早就聽到爸爸吸塵聲,中午嗰陣同屋企人去咗飲茶,都已經有好耐無去啦,飲完茶去元朗市行咗幾個鐘,買咗一件衫,係好長身個D,之前未買過呢類型既 衫,都唔知幾時開始,不停咁留鼻水,我既鼻敏感又再次返來,雖然我不似其他人咁日日都會唔舒服,但我每次鼻敏感都會整日咁不停咁留鼻水,每次都會攪到損 咗,要瞓醒先無事。今日有兩家人來咗我屋企拜年(呢兩家人係因為我兒時幼稚園既同學仔既屋企人),轉吓眼就過咗20幾年,我另外嗰兩個都係男仔,一個舊年 已經結咗婚, 另一個都會係今年年底結婚啦。真係有D壓力(因為姐姐同弟弟都已經攪掂咗啦)

2月22日 拜年

剛剛睇咗兩個朋友既blog,佢地都會在標題上加入日期,這樣是否會清楚幾時發生既事呢?唔理啦,我都加上日期先得,不能俾佢地落後先得, 得咗。

今 日晏晝約咗Senny一齊上Iris屋企拜年,我地約咗2:45pm係禮頓中心等,但我仲要去Sogo買禮物,所以早咗少少出門口,差唔多2:30去到銅 鑼灣,但Senny已經到咗,所以我地一齊去買,最後買咗豆沙餅(個樣好好食咁),我仲叫Iris請我食一個(帶走返屋企),好開心。夜晚就去咗wps屋 企食飯(打邊爐),食到好飽呀(仲話要減肥添)。

期待著3月4日來臨,希望能帶給我意外驚喜

2月20日 黃大仙

今日初三赤口呀,理應唔會約朋友架免得吵架, 但今日就約咗olivia同iris去黃大仙求籤, 都算多人呀, 我差唔多離開黃大仙嗰陣我打俾wps,點知佢剛剛坐車去黃大仙,幾啱呀。

我求咗一支中吉:陶淵明賞菊,原本諗住去我去開嗰個人度解既,但實在太多人啦,好咗olivia睇開嗰個,但我覺得唔係幾得囉。

仲去咗睇翻生侏羅館都幾好睇,不知不覺就已經過咗兩個鍾睇完啦。聽日好多人開始要返工啦。

2月19日 又過了

又過了一天啦,放假既時間真係過得特別快,無無聊聊又一日,仲有一個星期就要返工啦,當一想到要返工就要上大陸就真係唔係幾開心啦。

明天約左olivia同iris去黃大仙求籤同去荃灣睇翻生侏羅館,終於可以同朋友去吓街。

我近日好想去行山,因為我想去吓郊外行吓,心情應該好舒服D。

2月18日 踏入豬年

踏入豬年,祝大家新體健康,心想事成。

今年新年在香港渡過,所以年 30晚會同朋友一齊睇戲,然後去行花市,之前已經同屋企人買咗花架啦,但去到花壚見到D花咁靚又再買,尋晚買咗下面插既花(拍攝效果唔係幾好)價 值$90,比起平時平咗,因為我都幾鍾意黃色個隻跳舞蘭。今朝攪到7點先瞓得,瞓到12點左右又要起身,預備去拜年,都幾眼瞓架。

明天可以係屋企休息吓。

今年新年願望心想事成,家宅和順及身體健康。

2月16日 靚桃花

今日上午同弟弟去咗黃大仙睇流年運程, 下晝就同媽媽,姐姐,弟弟同弟婦一齊去咗旺角買花,今年同以往一樣,都有買到百合花(媽媽鍾意),銀柳(弟婦話買)同下面個棵好靚既桃花,今年係我第一年 買桃花,聽人講一買就要連續買三年,大家覺得靚唔靚呢,屋企人個個都話靚,不過又真係幾靚既,但就覺得貴咗少少($280),但有人話都算平。

話買話買都講咗幾年,今年終於都買咗,希望出年行桃花運啦...

2月14日 煩惱

剛剛過完情人節,大家情人節快樂嗎?

原本我都ok,但因為屋企既事,又增添我既煩惱,有時真係係度諗吓,我這個位置應該點做好?真係唔識點處理?我真係有唔啱呀?又無人教我點做先至啱,點做又會錯。點解要咁???我都有問媽媽,但佢又唔答我,咁點好喎。

2月13日 等到啦!

終於開始放假啦,好開心呀。

在過去既一年裡都無咩放過假,今次都算係一個悠長假期,放到初九,而且又唔洗返學。

明天就係情人節,以往我會選擇係屋企渡過, 但今年都改變吓,我約咗3個女仔朋友一齊去睇戲。

情人節唔一定同男朋友或者老公渡過,同朋友或者家人都可以架,不過同情人就當然好啦。

2月11日 散漫星期天

又一星期咁快就完啦, 新的一星期又來臨啦,好彩仲有兩日就開始放假,真係開心到不得了,因為今年真係好忙, 成年都無請過咩假,所以仲有成10大假, 但今個月底我就係依家間公司過咗7年(最長一份工),每年的2月25日我都會記得,因為依家公司俾咗好多唔同既野俾我,有好多朋友,亦學咗好多野,而且我 覺得人工都幾好,所以做咗咁耐都仲係度。

今日又係係元朗行來行去, 咁就過咗一日啦。今日原本想去豐澤買捲髮器,但買唔到。

今句 : 時間真的可以令事情沖淡。

2月10日 滿載而歸

今日同佢地去咗旺角行街,行咗好耐,成11點幾先返到屋企, 今日都買左好多野(咁又洗咗好多錢啦)。買咗一對鞋,2件衫同1條褲。星期一要快D著吓對新鞋先得。

但原本想去花園街買衫同生果架,但今日都無去到,因為唔夠時間啦。突然間好想去踩單車呀。

2月9日 第一次

終於返咗第一次英文堂(西人教).感覺有D攰,因為全程都用英文,要好專心聽MISS講野,但都幾好,唔會太悶及唔明,MISS會遷就我們既程度。希望可以改善我既英文程度.

我已經諗到點同老細講下星期唔上大陸啦,唔知得唔得呢?

明天約左Olivia同Iris去行街, 好耐都無去行街啦,希望買到野啦。

情人節快將來臨啦,各方好友打算同情人去邊度玩呀?無情人既又會如何渡過呀?

諗計仔

今日11點幾就已經做完盤數,真係太好,明天要同同事去銀行取消戶口。

唉!我要諗吓計仔下星期唔上大陸, 因為仲有兩日就會放假,但老細就會留到星期四,我怕佢要我留到星期四, 咁就閉啦。

大家有無咩好計仔,幫吓手咁呀。星期六想去BBQ?

滋潤糖水

近日天氣實在太乾燥,令到我整個人都好乾(身心並重),所以今晚特登煲咗雪耳木瓜鮮奶糖水潤吓,不過今次就甜得滯,下次會落少D。

今日對完單諗住開始埋數時, 居然先發現日本上個月個balance confirmation未覆,要等佢地覆咗先可以做payment,唯有等聽日先埋啦,今日已經出咗e-mail催架啦,希望聽日會收到啦。

唔知仲要等幾耐呢?

海洋公園一日遊

幾日都無寫到啦,今日可以再寫。

星期日同一班朋友去咗海洋公園玩咗一日, 識咗幾個新朋友,仲影咗好多相,因為其中兩個新朋友好鍾意影相,帶咗D好勁既相機去。今次好勁呀, 玩咗好多機動遊戲,連跳樓機都有玩,第一下真係好驚,不過第二下就無咁驚啦,海盜船都有玩。

嗰晚仲一班人去咗銅鑼灣食晚飯,原本諗住係食團年飯,但因為姐姐都來,所以都唔算係。

下面張相係我同亞珊等緊佢地買禮物既時候影既(用手提電話),都影得唔錯架

希望今次可以達成目標

星期六去行山好唔好呀?真係好想去呀

週末

又到週末,每逢星期六上午都會好無聊,因為屋企人個個都要返工,瞓醒都已經11點,白白咁就過咗,原本今日都唔係好想出街,但最後都同爸爸媽媽去左上環買海味,我地飲完下午茶就去買野。

經 過一間舊式餅店,買左各半磅油角及笑口祖,都幾好食,我仲叫左爸爸今年自己炸,我又一齊整,因為我想學吓點整,之後行咗一陣,發覺今年既海味貴過上年好 多,所以最後去咗前表嫂做個間度買,入咗去一陣就無咗一張日本機票既錢啦。不過唔緊要啦,最緊要屋企人食得開心。況且今年去唔成旅行, 剩返D錢。

新年可能去澳門玩吓...不過聽日先去海洋公園先...

心傷

近日太多事令到我心傷,有時真係好唔明,事情點解會發展成咁既樣,真的不敢相信發生在身邊,之前從來無諗過,原來好遠既事,突然好近,一下子未能接受,亦不是我能力範圍內解決到。

今年去唔成旅行,因為唔成團,亦唔打算去第度,放咁長假都唔知做D咩好。

超強忍耐力

我對於個個衰人,真係不想再見到佢,已經完全當佢透明。但佢真係 好得, 因為公司有個外國人要取消工作簽證同時要向稅局登記,咁我地已經攞曬申請表及指引,叫佢填, 咁因為公司報稅係佢,出糧又係佢, 咁係唔係應該都係佢申報先, 都唔知係唔係我地諗錯, 佢話叫我地填,我地唔知既人工,可以俾我地,叫我地自己計,都唔知有無攪錯,我咪廢鬼事同佢講咁多, 俾番老細,最尾又咪俾佢做。真係不知所謂。

第一忍:今日我將計加班既工作俾番老細再安排, 佢又唔接,最後又俾左另一個同事。

第二忍:問佢收費單上既breakdown 更新左未,佢又講左一大堆廢話,之後話等緊你地俾資料佢喎。

第三忍:好啦,諗住打個電話上去問,但點知又唔知電話號碼。

以上三忍都係我老細對佢既容忍,所以我覺得老細已有超強忍耐力

真係要睇吓佢幾時忍唔到, 我就已經宣佈忍唔到,放棄咗。我希望慢慢可以開心番。

今個星期六想去行山, 因為可以呼吸新鮮空氣,讓自己可以身心愉快。

有無人想去呀...