09.12.25 聖誕hea爆之旅

話咁快就放完聖誕假, 趁住有三日假期同姐姐去台北hea咗三日, 之前都講過除咗決定去烏來之外, 其餘既咩都無定, 原來隨意行都幾舒服架, 不過唔係個個朋友都得既, 好彩姐姐同我一樣都係無聊人

今次係晨早7點機, 最遲5點半就要到機場, 去到機場又唔算太多人, 攞咗機票check-in後就入閘等上機, 講好咗去到台灣先食早餐, 我地一出機場即刻就有巴士出台北, 係酒店放低行李後就去食早餐

鴨肉扁

食飽就去今次行程既重點．．．．．烏來
出發前睇咗好多blog友既介紹, 最後決定都係係台北總站上車(包有位坐), 我地坐咗一個鐘多少少就到, 一落車空氣真係超好, 條溪既水既顏色好得意, 唔通真係溫泉水來既？？

行左烏來老街一陣, 見到呢成個西瓜波咁大既芋頭, 太大喇...我地無買來食, 影低佢

又到食lunch, 揀左姐姐想食既泰雅婆婆, 其他都一般喇, 最好味係嗰碟蝦仔魚仔

食完飯就行去瀑布, 沿途我地都試"免費溫泉", 都好多人係度玩架, 都幾得意既~~

玩咗一陣就繼續行去瀑布, 行咗個幾鐘終於都到咗喇, 風景好一般, 不過真係好舒, 服, 係附近影吓相就開始落雨喇, 姐姐又無帶"姐"喎, 唯有call 小黃離開, 咁就完成咗呢個烏來行程

之後去左書局街行吓, 幫細佬揾漫畫書, 途中又食咗胡椒餅, 買咗幾本書後, 就返西門町又準備食晚餐, 今晚諗住去blog友話"平, 靚,正"既熊一食燒肉, 去到真係估都估唔到, 要等到11點先有位, 姐姐都話等, 咁就唯有返酒店hea吓先,咁夜先食飯喎, 梗要食d野頂一頂喇. 人地話台灣既面線好味過香港, 點都要試吓既, 咪買一碗share食囉, 又真係好味過香港喎~

去台灣必食既芋圓, 呢個時間又食埋, 心都舒服曬~

等食飯之際, 姐姐就進入咗停頓....瞓覺, 我當然睇電視喇, 終於等到夠鐘出發去食飯, 好彩都幾正, 種類真係好多, 豬, 牛, 雞, 羊, 海鮮, 汽水, 啤酒, 雪糕, 生果, 沙律.....總知就好多喇, "最好味都係"牛, 海鮮", 食咗唔知幾多轉

仲有邊爐添~我地揀左韓式鍋, 呢個就味道麻麻, 不過當食吓菜...

都唔洗兩個鐘就食到好飽, 呢餐唔貴架,只係TWD1230, 之後就返酒店lu~~

2009.12.09 原來是美男啊

近期最鍾意既韓劇"原來是美男啊"

劇情講當紅既樂團,突然加入一位迫於代哥哥加入既女角,

從而發生多段又單純愛情

有感人, 緊張, 激動

不容有失

呢套劇追睇既情度係從未有過

睇後感 : 睇完後, 好有失落感, 一時間都唔知再睇咩好

著迷中~

身邊無論電話鈴聲, Playlist

Blog既歌, Hi-Fi內全部都係美男既歌

台北準備中

今年聖誕決定去揾小馬哥, 除咗confirm曬酒店&機票外(同tranvel agent買), 其餘既都未定, 依家唯一決定既就係去"烏來"

今次本想坐港龍, 但真係超爆(又話經濟唔好既), 得返中華+上次住過既"萬事達", 出發當日要晨早5點出到機場, 依家都未諗究竟應該點算, 計埋搭車, 我應該要3點半就要起身, 前一晚仲要去朋友屋企開party添....咁應唔應該瞓呢

仲話咁早過到台灣, 不如安排第一日去烏來喎~~

同我熟既朋友就知道, 唔瞓覺邊度得架 =.="

2009.12.05 G5 開始

今日係G5既開始, 比平時早左少少返學校, 因為要攞書&NOTE, 咁啱又係上次個課室, 不過坐開個位俾新同學坐咗LU, 唯有坐附近,上完呢堂先知揀錯位, 全程要側身望白板, 上完堂條頸都見攰, 真係希望下堂有機會換到位就好喇. 唔係就又要等3個月~~

講返之前既考試成績, 原本一直都擔心既終於出來, 好好彩咁既分數都可以計入TOP GROUP, 收到SMS都幾開心架, 終於放下一口氣, 點知攞成績單時, 真係有少少失望, 比我想像中低分, 而且對於老師既評語就更加~~

整體都好一般, 真係要加倍努力至得喇~~

旅程計劃中~

旅行真係令人快樂, 雖然之後會元氣大傷, 銀行存款新低~

今年特別多外遊機會, 差唔多大部份由自己安排行程及順利完成, 呢樣就係自由行其中的樂趣

本星期又再次出動, 今次目的地係想去好耐既......."澳門"

再下一站......."台北"

期待中~~~

回顧多次外遊經歷, 真係想去得更遠, 更長~

日文班

暫停咗三年既日文班又再次返來, 今次轉咗去傳說中會話較好既PASOxx, 為咗等入呢間學校都等左幾個月, 又要考入學試, 呢度分初(8個grade, 中(5個grade),高(好似3個grade), 停咗三年既我又要由初級既grade4開始, 無計喇鬼叫自己唔識咩, 話咁快仲有一堂又完, 呢度一開始就係日本人教, 唔係好識中文, 英文又麻麻, 文法都好靠自己睇多啲書, 好彩有少少底, 都ok既~

希望考試識喇, 唔係就要補考架喇~~

2009年 生日

每年生日都唔會特別攪, 都係約吓朋友食飯, 仲要係梗腳添, 但都好滿足~

今年既生日禮物仲要係超鍾意, 又啱洗, 多謝身邊一班咁好既朋友。

"好"唔係因為有禮物收, 係個個都好知我既心意, 我會記住架喇~

影呢張相時, 有D未收齊~

2009 復活節台灣阿里山之旅

好耐都無update個blog, 之後台灣水災, 台灣好多地方都受影響, 其中4月先出過既阿里山都幾嚴重, 我諗要回復之前既面貌都要2-3年, 阿里山真係一個好舒服又靚既地方~

寫到明"阿里山郵局"

阿里山車站

第一代神木

(共有三代)

天然地形成的景象

以上幾張相都係阿里山旅遊區內的自然景區

天災真係好難預計既事, 星期六又聽到報紙話日本關東地區月底會有8級地震, 如果真係發生, 到時關東地區會變成點, 真係不敢想像

12.29 首爾 D5

玩既時間真係快, 已經到第五日lu

今日又係Shopping Day

新村街頭, 剛功碰上落雪

是日午餐自費, 領隊幫我地成團人安排去食"春村雞"

呢個飯係自己煮既, 其實都只係放曬啲料落去煮熟佢

因為跟司機叔叔加咗辣椒醬, 個飯好味好多~

大家食飯之際, 領隊真係超級好人, 佢知道各團友想買士多啤梨返香港食, 佢係我地血拼及食飯途中, 去幫我地選購, 我地成團人總共買咗18紙盒, 每個紙盒內有2盒, 領隊身形比較瘦猛猛, 個的士司機又唔可以停近啲我地架旅遊巴, 攪到佢要來回根多次先攞得曬咁多盒, 真係要對佢表揚一番, 佢連飯都未食, 就幫我地買嘢, 所以領隊一上到餐廳, 我地全團人拍曬手掌,領隊對我地團友既好, 又不只呢一單既

食飽飽就出機場囉

係機場同攝影師影返張相留念先

佢又係超爆笑, 話影相前一定要入廁所執執個樣先肯影

咪又係一鬼樣~俾佢知道我咁講, 實激死佢

回程時既飛機餐

原本我應該係食生果既

領隊太好人喇, 佢知我想試吓呢個涼拌飯, 同我換咗

戰利品相又出現既?

唔同之前嗰張架, 呢張係最後一日買既

係屋企補影架~

呢盒就係領隊幫我地買既士多啤梨喇

我地買咗6盒呢個SIZE返屋企食...

咁快就玩完一個五天旅程

12.28 首爾 D4

去到第四日, 終於開始血拼, 點知就係去咗所謂既化妝城, 呢度完全唔掂, 我地入咗去一陣就出返來, 自已幾條友係傾吓計, 係呢個時候出現咗個笑話, 話說我地呢幾日, 成日都hehehaha, 今朝可能大家都早咗少少起身, 未warm up, 攝影師就行埋來問我地係咪鬧交, 點解無平時咁嘈(我地係度笑緊, 只係講緊呢間嘢唔掂, 所以細聲咗少少), 但佢堅持我地有問題呀...

化妝城

已經唔記得咗呢度係邊喇

只記得應該都係啲唔啱我地買既嘢既舖頭樓下

等緊其他團友仔血拼中, 咁咪又影吓相囉

終於可以走人, 仲唔跑快啲上車咩

之後去咗學整泡菜, 原本真係想學識自己整, 但原來唔得架, 好多材料都係韓國先有...唯有都整一次喇, 由於賭神唔整, 所以佢幫我地影咗啲相, 睇吓我地幾認真

yeah...大功告成, 味道應該唔錯

是日午餐

鮑魚竹筒飯 + 八爪魚火鍋(個湯好租架~)

食飽飽之後就去"韓屋村", 呢度都拍過韓劇架, 應該係"我愛金三旬"

以前既韓國人就係用我身後既嘢放醬菜/醬汁

呢個景幾靚, 用姐姐照張合照先~

之後我地就去扮"大長金", 唔知大家有無發現呢....

有兩個扮緊古時人,但戴住現代先有既"手錶"

又食飯喇....

今晚食人蔘雞+麵(啲面好滑架~)

今晚間房整齊好多呢...

因為要影到第四晚為止既戰利品

暫時買得最多既護膚品

左邊既贈品, 右邊既係買(中間黑色盒嘢係分界線)

真係超多贈品~