Day 3
札幌 > 富良野 > 中富良野 - 富田農場, 薰衣草營町 > 上富良野 - 日の出公園 >民宿 > 溫泉
基本上呢個行程同2010年時既差唔多, 但9月份入富良野既車同區間車都會少啲
係車站買左幾個好味圈圈上車食, 一陣就消滅曬
媽媽原本話聽日出返札幌時買多幾個(50%OFF),不過FINAL唔記得左
話咁快2個鐘後就到富良野, 要去另一個月台等區間車
我地轉車去中富良野,開始一日既景點, 9月份既區間車唔會經富田,一早諗住去到搭的士過去
原來要CALL車先有, 好似站長出來講我知, 唔係就豬仔咁死等
等車時候有位太太問我地係咪都係去富田, 話不如一齊搭喇
我諗住都好呀, 多個人SHARE吓的士錢, 點知落車時佢死都唔肯收錢
話佢原本都打算一個人搭, 車埋我地咁話喎
佢太客氣喇....之後我地好有緣咁車站又撞返佢
其實只係由入口行到上去, 媽媽就話不如去食飯
其實仲好早....只係佢太貪食喇
食完LUNCH之後就一直行呀行呀, 去食飯後甜品,
成$25/舊, 幾貴....無2年前咁好味, 不過都好甜
之後沿途行返去車站, 途中第2個景點
原本仲有多個景點, 但媽媽話唔去喇喎, 早少少返民宿咁話
去到車站, 仲有成個鐘先有車來, 我地去附近超市行吓
同買下午茶, 就係係我食緊TEA之際
頭先一齊搭的士位太太多出現
大家吹吓水咁, 吹吓吹吓, 咁就等到架火車來接我地喇
去上富良野, 見天未黑咪又搭的士去日之出公園
但確係太太太大風, 行左一圈, 行返民宿LU
之前已經住過, 覺得呢間民宿唔錯....由其係食事
去到民宿先5點幾, 主人叫我地坐低飲柸咖啡食下零食吹吓水休息吓
我地2個人居然俾返日式房我地, 不過床就要自己舖...即係我喇
又係好豐富既晚餐, 今次真係食唔曬
入住時民宿主人問我地去唔去溫泉,佢會車我地去, 每人收800yen包埋入場
途中仲見到妯狐狸, 浸完仲車左我地去睇星星. 不過天氣麻麻,睇得唔太清
