暫定的~

 2010.2.13

原本打算先去試三個月短期, 睇吓自己是否習慣, 最初計畫4-6月, 但同事要我我延至7-9月先放假, 佢呢段時間可以幫一幫我頂一頂

7號去聽左漢科既講座, 之後查問3個短期課程, 點知8月會放3個星期暑假, 返來再上網查一查, 好多學校都會放2-3星期假, 點算呀？

不過爸爸近日同我講, 唔贊成我辭左依家份工咁去讀, 話去讀3個月就算, 之後再繼續係香港讀, 依家都真係十五十六~~

我係度諗, 如果真係只去三個月, 揀既學校同去試下既心態就完全唔一樣

如果只係去三個月既話, 可能我會利用埋放暑假呢段時間玩盡日本, 當然會留啲時間溫書既

究竟揀三個月短期或者揀遊學？

又改~~

 2010年2月5日上午12:20

之前提及放3個月假 & 停薪留職

3個月假先決條件要同事答應接收我既工作

停薪留職 : 唔洗諗, 太耐既事,無人會知~~

尋晚終於問同事既諗法, 佢一開口就已經話4月一定唔得, 問我可否延遲3個月? 但亦都無話到時係咪一定得. 我都明既 無人肯無條件咁幫妳既, 佢亦都有佢既苦處, 要俾少少時間佢諗吓

如果佢肯既話, 我成個計劃又要再延遲, 首先7-9月試3個月, 返來後如果無問題既話, 就申請2011年4月, 如果唔習慣既話, 就唔洗再諗, 安心留係呢度養老~~

真係日日新鮮

2010.2.3.

經過多日來既上網, 電話既查問, 真係每日都有變......

由最原本既揀既三峰(與我原意最近), 過多一排又想揀草苑(師資.宿舍啱心水), 再過一排又想揀SNG(時間配合到), 到今日為止又改為ARC, 之前都有諗過呢間, 但一直無聽過講座關於呢間學校既, 要等到3月20日先有

最原先計劃係10月去讀一年, 但後來發現好多10月開課既都要讀一年半, 對於我來講實在有點長....

呢一刻既計劃係

同時報4月出發ARC既3個月短期課程及7月入學既長期一年課程, 因為工作關係, 我希望先試吓短期, 睇吓自己是否適應留學生活, 如果唔啱既話就返香港繼續返工, 如果啱既話就讀完個短期COURSE再返一返香港同公司交帶吓, 再返去讀埋呢一年既COURSE, 當然我要5月底前,交嗰一年學費前要決定, 我估到時應該知道自己想點喇掛

原本想揀大阪既學校既, 但今日上PASONA聽講解, 發現並不是我想像的平....

可以最後都會揀返涉谷或新宿校, 宿舍暫定學生會館(溝の口)

不過有朋友知道有D再平D既宿舍, 佢會幫我問吓,希望可以再揾到D平架喇....

**********************************

今日我好貪心咁問老細, 可唔可以俾我停薪留層一年

當然佢話咁耐之後既事,無人會知

如果我到時想返來做既話

又仲有空缺, 佢都想請返我

仲要我同同事商量下我放假時既安排

如我有任何更好既建議

可向佢提出

只要我諗到點安排呢段時期

**********************************

講真, 老細肯咁樣對我（可能有Ｄ都係客氣說話）

但我已經覺得佢，真係對我

好 ．好．好．

攪掂．．．放心曬

 2010.2.2.

尋日終於同老細講左我既計劃, 都話"無問題"

佢走之前隨口問吓大家有無嘢, 我係呢個時候舉手示意"有呀"

我原本好緊張, 點知一同佢講, 佢就贊成, 叫我去報名, 又話呢個時候未成事, 都係低調處理任何人都唔講, 又話叫我最到最後先, 知道幾時走就通知佢, 佢先辦事, 後來佢問我去讀咩, 我就照直同佢講(佢係過來人-18歲就去左日本讀書,仲讀埋大學先返), 佢話以前同依家去讀書既人唔同曬, 仲話擔心我唔慣, 叫我不如請一,兩個月大假去試吓先, 如果啱先辭職, 唔啱就返來繼續做

講真, 我聽到佢咁講, 我真係覺得佢對我好好呀....

我一聽到佢講, 我應該會去試吓短期先, 睇吓自己慣唔慣再決定

後話 : 因為呢度,真係人工高, 福行好, 又無咩嘢做

如果我真係去讀長期, 如果讀完返來, 佢又請返我就太perfect喇.....