２０１１．１０．２９
拖咗好耐既遊記，今日終於都可以追返喇
最終行程 ： 鷺梁津海鮮市場 --> 梨大 --> 新村SHOPPING --> 下午茶 --> 酒店check-in --> 東大門燒肉
因為姐姐係都要搭零晨機, 所以就要摸黑出機場
今次唔係買pkg, 因為之前咁啱CX做PROMOTION, 機票連稅$2550, 所以就分開訂
酒店依然住返東大門, 今次住三人房, 感覺細左啲, 其實咁樣夾埋都成$4000/位, 認真唔算好平
今次仲要係姐姐既生日之旅, 即係我要請佢, 仲要出多半份媽媽既旅行, 即係我一個人要出2.5人既錢
仲要包埋媽媽既洗用, 認真唔少野呀, 流到成地都係血呀.....不過算喇,最緊要佢地玩得開心
呢次TRIP真係好期待, 由BOOK左機票開始, 等成2個月
今次真係有個好開始, CHECK-IN時, 地勤人員問有一個位可以UPGRADE我上商務客位
問我要唔要, 咁我地三個人出發, 得一個位, 都要喇...我對姐姐確係好呀
我一聽到就話俾佢去坐, 我要陪媽媽(我怕媽媽溝通唔到, 所以無諗過俾媽媽坐)
呢個係姐姐既飛機餐...好味幾多, 佢仲有好多野食架
基本上坐CX我都LIKE叫呢個餐, 反正上機前都食飽咗
坐4個鐘就到首爾喇, 去到5點幾, 我地依然坐最平既地鐵出東大門, 返酒店放低行李先
今日天氣唔太好, 有少少落雨, 第一個景點就去擦餐勁既
我實在太MISS呢度既魚生, 上次同一大班朋友來時無食到
今次得我地幾個, 一定要食返左口魚刺身, 媽媽都好鍾意
不得不叫既皇帝蟹,超甜超好味
食飽飽就去梨大睇紅葉, 行上梨大既小斜路
我覺得呢個校園真係好靚
係梨大逗留左個幾鐘, 左影右影之後,去左食TEA
原來計劃去係春村雞, 但個海鮮餐確係仲未消化完,所以就揾間CAFE坐吓
食完TEA, 其實個人都攰攰地, 係飛機唔多瞓到, 所以好似成晚無瞓咁
返酒店攞房, 休息吓先得
三人房, 一入門口, 右邊係廁所, 前少少已經係廚房
再前少少就已經係床喇
如果雙人房就會床同廁所中間會多一個空間係有張枱, 三人房就無喇
係酒店瞓到7點就係附近食晚餐, 今晚食燒肉
係香港咁樣食法, 起碼每人要$250, 呢度只係$300, 抵呀
食飽飽, 今晚早少少休息, 聽朝去行山
