12.24 又一個Party

今年再次去朋友家姐屋企開Party, 今日要返工,又無得早放,又要返屋企攞埋份禮物,去到家姐屋企都已經8點幾喇, 大家都食到飽飽,不過仲剩咗好多嘢俾我地食, 要多謝家姐咁有心思自己一個人整咁多嘢俾我地食,又諗咗好多Game俾我地玩,仲係有獎遊戲添。

朋友一通知我去家姐屋企玩既時候,我就已經諗到買咩去做交換禮物,我仲同朋友講我買既嘢,佢係會好鍾意食既, 就係............蝦膏, 之前已經聽佢講過, 用蝦膏蒸豬肉可以食3碗飯,原本舊蝦膏係佢細佬女朋友抽到, 但轉折後都係朋友屋企所得,我當晚已經同朋友講咗架喇, 唔好食咁多,唔係一陣肥咗就唔好賴我害佢喇。

姐姐就買咗2舊梅香咸魚,都係朋友屋企抽到......

我地唔係玩嘢架吓, 我諗住大家都鍾意食先買架

12.23 聚會

今日原本約咗一大班人去騎馬同BBQ,但主角病咗,所以取消咗,咁所以最後大家帶埋蛋糕同禮物去咗朋友屋企探佢同埋同佢慶祝生日,希望朋友早日康復同身體健康。

12.21 公司PARTY

公司一年一度既Christmas Part又到喇, 大家同事都好期待,因為每一個人都可以抽到一份禮物,不過之前既安排足足攪咗我成個月,以前公司既活動通常大家一齊輪流做既, 有新同事就做先, 不過依家已經無曬架喇, 公司D人唔會做一D額外嘢,越來越覺得佢地麻煩, 咩又唔做,但又要求多多咁。今年晚飯好靜, 攪事既人少咗,而且仲有一個衰人在場,大家都無咩心情, 司儀又唔識攪氣氛,悶到死, 真差勁。

全晚最開心既事就係我抽到3獎, 有成$2200COUPON。

12.20 第一個X'Mas Party

今晚要去參加朋友佛堂既聖誕大派對,今年係第一次去參加,我仲帶 多兩個朋友仔一齊去添, 佢地之前都有跟過我去camp所以對佢地都有所認識, 呢排公司同屋企都超忙,所以份交換禮物放咗工先去買, 所睇唔啱有咩好,所以最後都買咗大家唔係好鍾意既柸,但對於我自己今年收到柸都幾開心, 屋企都無存貨喇, 可以再收...如果大家唔要都可以送俾我既

咁今晚既大派對,有嘢食,有嘢玩, 仲有好多人同妳傾計,好開心咁快咁又過咗一晚喇, 多謝大家既安排同心思。

如果帶我去既朋友仔睇到, 我想同妳講,唔好為咗一D事唔開心喇, 我嗰晚見妳好似唔係好開心咁, 睇開D喇, 放開懷抱喇。做人要開心架。

12.15 生日飯..Part II

前日先同朋友食飯慶祝生日,今日又再約另一班朋友食飯慶祝生日,呢位朋友原因係月頭生日,但佢嗰日有重要事要做,而前一個星期又要返大陸玩,所以改到今日先出來慶祝。

呢位朋友大大話話都識咗10幾年,好似熟,又好似唔係好熟咁, 可能平時我地少見面又少通電話,佢又好忙,我又好少主動揾佢,不過唔緊要,朋友在心中。

不過今晚佢個肚仔唔係幾舒服,所以都唔係食得好多,聽日佢仲要幫朋友做伴娘,希望佢玩得開心同.....唔講出來, 大家心照喇。

12.13 生日飯

12月係朋友所謂既消費月,又聖誕節,又新年,會洗好多錢,但我今年都無咩點洗錢。

今日係朋友生日,本應係我地大家請佢食飯,但咁啱有朋友1個月後結婚,佢請咗我地一班人幫手做姐妹,所以今晚佢就順便請我地一班人食飯,所以今日唔洗俾錢,不過我地都係之前特別再請佢食多一餐保數。

由於今次約出來既人又多,又遠,算喇,無計仔喇...

不過係嗰度打邊爐都幾好食喎,唔知貴唔貴呢???

12.13 生日飯

12月係朋友所謂既消費月,又聖誕節,又新年,會洗好多錢,但我今年都無咩點洗錢。

今日係朋友生日,本應係我地大家請佢食飯,但咁啱有朋友1個月後結婚,佢請咗我地一班人幫手做姐妹,所以今晚佢就順便請我地一班人食飯,所以今日唔洗俾錢,不過我地都係之前特別再請佢食多一餐保數。

由於今次約出來既人又多,又遠,算喇,無計仔喇...

不過係嗰度打邊爐都幾好食喎,唔知貴唔貴呢???

12.8-9 大陸兩天遊

星期一幫朋友忙完佢既快樂婚禮之後,要再講多一日假係屋企休息吓先掂,今個星期姐姐公司唔洗錢可以去大陸參加兩天遊,咁我地就全家人一齊去玩咗兩日,雖然個行程無咩好玩,主要係食食食同埋大陸所謂既溫泉,仲有就係坐車喇,酒店都幾好既。

況且我地6個人去玩,只係我要俾錢,其餘既都唔洗俾,咁$500幾蚊可以一齊去玩吓都幾好既。

我地仲係大陸買咗10幾條大毛巾返香港添....

12.3 朋友大日子

今日係我一個朋友既大日子, 係大喜日子同佢愛人結婚, 佢叫咗我今日幫手做姐妹,之前都有少少擔心, 驚做得唔好,但整體都好好,值得一讚就係佢地安排得好好, 一切都好順利咁完成,時間都把握得幾好。我請大家睇吓佢地幾天生一對, 仲好靚仔靚女架(無計喇,點都要咁講架喇.......哈哈哈

可能太耐無著咁耐對咁高既鞋,我對腳之後幾日都仲好攰。

12.1 放假

今日星期六,瞓到9點幾就起咗身, 因為今日一定要去做facial, 仲有2日就係亞Wing既大日子, 所以我都想有一個好既狀態去參與佢既大喜日子。

係去做facial前要去睇吓我屋企既菜田, 之前都有提過已經有一次收成, 幾靚...好開心第一次食到自己有份幫手種既菜, 特別好食, 呢張相係11月4號影既

 

 

菜田既最新情況

 

 

好快就有第2次既收成喇,好開心丫...

今晚約咗班朋友去慶祝朋友既生日, 走既時候係尖東站見到好多人, 呢D人都係原登來睇九鐵最後一日,仲有好多媒體係度拍攝添, 我當然都有影低幾張有九鐵LOGO既相喇

 

 

返到元朗仲有得影, 仲要加埋舊制服添

 

 

最後仲買咗一張九鐵飛, 其實都幾無聊架...