12.15 生日飯..Part II

前日先同朋友食飯慶祝生日,今日又再約另一班朋友食飯慶祝生日,呢位朋友原因係月頭生日,但佢嗰日有重要事要做,而前一個星期又要返大陸玩,所以改到今日先出來慶祝。

呢位朋友大大話話都識咗10幾年,好似熟,又好似唔係好熟咁, 可能平時我地少見面又少通電話,佢又好忙,我又好少主動揾佢,不過唔緊要,朋友在心中。

不過今晚佢個肚仔唔係幾舒服,所以都唔係食得好多,聽日佢仲要幫朋友做伴娘,希望佢玩得開心同.....唔講出來, 大家心照喇。