4.13 運動日

今日好早就俾人嘈醒咗喇, 我會報仇架...

約咗朋友12點去P記做運動,我都算準時到架喇,只係個班FULL曬,好耐無做喇, 所以今晚返到屋企對腳仲有少少軟, 做完運動就去食lunch(因為有個friend未食早餐就去做,所以暈暈地), 大家就陪佢去食喇,之後我同iris,olivia&佢妹妹去行街, iris就想去睇吓手袋,佢想買個見得吓人既袋喎,不過佢真係三心兩意,揀咗好耐都決定唔到,不過最終都買到喇, 我地幾個仲有買少少野添, 又洗曬銀包裡面D錢喇...

4.12 修眉

呢幾個月既星期六下晝都去旺角返學,所以上次經過我一直想去修眉既SHOP,就BOOK咗,點知咁啱今晚又約咗心記同學,一齊為DAISY慶祝生日, 所以我地幾個就去商場行吓同埋買埋DAISY既禮物,因為佢就來搬去我樓上住,所以今年既禮物都以實用為主。

我約咗六點去修眉,識我既朋友都知,其實呢個項目對於我來講,我細個既時候手實在太多喇, 攪到依家都無咩,一直都係自己晝既,不過自己細個時手細唔好,所以攪到唔夠平衡,所以一直想整返好,之前出去做facial以為會修好,但到依家都係咁,所以希望今次可以整返好。

我準時去到,幫我修既sales姐姐態度好好,唔似之前來book既時候,佢問我想點整,咁佢諗咗一陣就同我講吓佢想 點修,我就梗係話好喇,始終我都係無咩,所以佢好快就幫我整完喇, 佢仲話咗俾我知,我條眉既缺點,同埋第時點晝添。我就覺得佢整得幾好喇...hehehe

4.6 期待的日子 最終話

上次同大家講期待咗好耐既就係"愛國者音樂網酷愛張敬軒演唱會",由我攞到飛後,真係幾開心,因為今次係坐第二行,本來都有D擔心,前面怕會有加位,但到最後好開心,係無既,所以今次可能影吓相,雖然影得唔係幾好, 但都想同大家分享吓

剛剛進場就係著呢件紅爆既衫出場喇, 超正

 

 

Pt.2 突然從空中降下呢支燈同咪,好靚,加上軒仔把聲

 

 

是晚第一個高潮來喇, 王苑之出場,全場掌聲雷響,我諗大家都好接受佢地,而且佢地跳得好好睇

 

 

緊隨就係握手既環節喇, 我起初都諗好唔好同D小妹妹爭位,但真係沒法擋,所以都出左去,所以可以影得好近

 

 

好緊張丫, 就來行到過來我到喇, 我又忙影相,又忙張隻手放出去等同軒仔握手,由於我之前遲咗少少出去,所以前面有兩個女仔,軒仔行到埋來握手既時候,已經MISS咗我架喇,佢再握返轉 頭,我先可以成功握到,真係好開心丫,軒仔隻手好舒服架,好軟好滑架,佢真係好好呀,大家有無覺得呢張好近好靘呢...

 

 

呢張相既構圖好靚

 

 

今晚既另一個嘉賓...鄧健泓,佢唱歌都唔錯既,但同軒仔比...就....

 

 

呢位嘉賓一出,全場觀眾都好HIGH....E神來喇,佢地既對話超爆笑

 

 

今次演唱會軒仔作出咗新嘗試,就係跳舞喇,都OK架

 

 

到呢Part,軒仔話要同高山既朋友近D,所以個台升高咗三層,我真係唔識點形容,都真係好靚

 

 

終於到咗ENCORE部份喇,即係代表個演唱會既尾聲,不過軒仔真係好好架, 又再次同現場既觀眾握手,我今次都有出去,不過佢就無再行過來喇,不過都好,可以影多張相

 

 

總括來講,今晚演唱會真係好值得睇,同好好睇,好開心, 就算買$480都抵呀,超值...

4.6 期待的日子 Pt.1

好期待今日既來臨,唔係因為今日要返鄉下,而係今晚要去睇期待咗好 耐既"酷愛張敬軒演唱會", 係好耐之前聽到話會同王苑之聯手開演唱會既時候, 大家都話好想去睇,到今日終於開喇,雖然唔係同王苑之一齊開, 但都一定要去睇,今次叫細佬既朋友買既,原本都係諗住買中價飛既,但細佬朋友話無曬,所以今次要括出去,買最貴既飛去睇(已經好耐無買過咁貴既飛喇), 錢...好早就要俾喇, 但飛就唔知幾時有得攞,又唔知睇邊場,坐咩位, 一直都心急,成日都問住細佬"幾時有飛攞呀"

登登登登.......終於有消息喇, 開頭話睇頭場,坐第二行,聽到不知幾咁開心,貴都有價值喇, 點知到開SHOW前幾日,又話第二場第二行先真, 心知不妙喇,因為要同屋企人返大陸拜山,死喇,都唔知趕唔趕得切,剩車程都要成6個鐘,開頭都諗過唔返既,又爸爸又俾說話我地聽,咁唯有同佢講要趕返來, 下晝2點幾就要走人(去年差唔多時間走),最後都好彩, 大家都好合作呀,我地可以趕得切係張敬軒出來前入到會場,實在太好喇。

4.1 大計

由今日起,又有新既儲錢大計,之前都有提過依家放工後去返part time,咁即係每個月會多咗錢,咁我就學尖尖咁開個不動產既薄仔戶口,將辛辛苦苦賺返來既錢存入去,即至夠錢買我想買既嘢先攞出來,又或者唔攞喇...

希望咁樣可以儲D錢,留來第時養老用喇

之前有個衰人朋友都話咁做,不過到依家佢仲未去開戶口,我睇怕佢有排架喇, 可能最後都係得個講字