2011.04.23 台中,清境蒙蒙遊

２０１１．４．２３

尋晚好早就瞓,所以今朝都無話唔想起身
點知!今日落雨

先係民宿食個超豐富既早餐先

望住出面落雨, 真係心情都低低地,希望食完早餐唔好落就好喇

食完早餐真係停左雨, 不過好大霧囉

唔理得咁多喇, 照去青青草原睇羊咩咩

人地就影到環山草原既清境....我呢!我就影到霧大大,大到行遠少少都睇唔到

原本都係草原

呢個就係剪羊毛show喇....睇唔睇到呢?

羊咩咩出動喇....好彩睇到少少

天氣令我係清境好失望, 唯有寄望下次再去喇.....藉口多多
睇完羊咩咩show,行左一陣就返民宿check out去埔里

埔里酒廠, 指定影相地方....hahaa

係酒店行左一陣, 買埋手信就去附近出名既食返個lunch

姐姐話好食,所以買左一斤埔里米粉返香港, 點知! 漏左係返台中市中心既巴士度唔記得拎
佢話左我好耐,因為係我叫佢放上面行李位, 點知到站又好緊張,快快落車,唔記得左
到好夜先醒起,我地都有行去巴士總站問,不過司機話無執到包米粉

今晚既晚餐去左食火鍋, 類似香港牛陣個類,得豬,牛及雜菜
食到好飽....

2011.04.22 台中,清境蒙蒙遊

２０１１．０４．２２

剛剛月頭先去完濟洲加首爾，原本大家ＥＡＳＴＥＲ唔去旅行
點知都係逃唔出．．．台灣
我地已經連續３年復活節去台灣
好彩今次唔係台北，但我另外２位朋友依然都係去台北
但我同姐姐就改一改．．．．去台中

去台灣得香港航空＆華信
我地無得揀既情況吓，揀左佢





一個鐘多少少就到台中機場，機場好細
落左機，我估行３０秒都唔洗就到入境大堂
真係不能叫”大堂”，又係一眼睇曬既地方

我地今次個ＰＫＧ係包一晚清境民宿
清境亦係我地來台中既主要原因
點知！！！聽日會知點解架喇！

我又唔想包車上清境，又唔想坐幾個鐘巴士
所以係網上揾到共乘車上清境
每人台幣５００，就可以坐車直上清境
雖然等呢架共乘車，遲左少少
但都好彩，個幾鐘就上到民宿
同我地共乘車既，係一對情侶，同我地同機既香港人
總要住埋同一間民宿添，我估都係同一間旅行社買既ＰＫＧ
因為我地坐個班機，成機都係呢間旅行社

好快到民宿，民宿影出去既風景

呢間就係我地住既民宿


我地去到民宿，都未入得房，咪坐吓，影吓相，好快就入得房喇


間房都幾好架，床單好靚

係民宿影完相就去食ＬＵＮＣＨ，我地去左間紙餐廳
成間野既布置都係用紙造架


窗簾都係


連食物都係


今日就係附近行吓算喇，一來都晏，食完野都４點
去唔到青青草原，留返聽日先去，點知！
係附近影吓相又等食晚餐


寄Ｄ明信片俾朋友同屋企先


呢間舖係薰衣草園開既香薰店

入面有個香草園


都幾靚架．．．


行到６點幾就去旅行書話Ｄ牛排好食既國民賓館

真係好反悔無係民宿食ＤＩＮＮＥＲ


又唔平，又唔多好食
食完就返民宿睇吓電視，煲吓劇就瞓覺ＬＵ

2011.04.05 首爾濟洲團團遊 Day 5

２０１１．４．５

去玩既時間過得超快，嘩咁快就已經去到第五日
玩埋今日就返香港，又要面對無趣既工作

離開酒店去食早餐前影吓酒店附近間賓館先
我地好衰咁叫佢做　”風車賓館”
我估係民宿，外表都幾靚既

今日又食餃子湯早餐，朋友唔多食早餐，所以我食左１．５人份量
唔知點解韓國既餃子皮好滑ｄｏｄｏ架喎，好好食

食飽飽後就去”噢！雪綠茶博物館”
原來呢間野就係明洞好出名間ｃａｋｅ　ｓｈｏｐ

環境好靚，仲有好多櫻花添，左邊玻璃屋係廁所

我地梗係試吓佢既ｃａｋｅ＆雪糕
掛住食，無影到個雪糕
食完都唔知係明洞個間，返到香港朋友請先知

影完相，行完野，買埋茶葉（我地無買呀）
食個早飯先（依家先１１點幾）

食完飯去埋神奇之路，張相唔係，只係神奇之路既相有朋友入鏡
所以唔放得出來，其實只係一條好普通既馬路
呢度係神奇之路旁邊既牧場
又令我想起最強昌珉．．．哈哈哈

之後就攞齊行李搭內陸機返首爾

好似成隻機得我地團人加少少本地人

返到首爾就去旅行社所謂既手信店
爸媽想買洗衣球，＄５ＸＸ／２個
話每個可以用１０００次喎，返香港試左幾個月
發覺Ｄ白色衫開始變灰（無用洗衣粉），慢慢覺得Ｄ衫唔夠乾淨
依家已經加返少少洗衣液一齊洗囉

上機返香港喇，又食個唔多好食既ＯＺ飛機餐

咁就玩完５日，呢幾日買左無上次２月自由行時多野
可能好多野都未用曬喇
用品類，仲有件衫唔記得影

超市既戰利品

呢幾日玩得好ＨＡＰＰＹ，影到好多相，不過係油菜花田度趺一趺就幾痛喇

2011.04.04 首爾濟洲團團遊 Day 4

２０１１．４．４

今日去濟洲主要既景點

先來個鮑魚粥做早餐先

天地淵

天地淵呢度好多櫻花，都幾靚架

行完天地淵，我仲去睇左韓國綜藝節目”我們結婚了”
ＮＩＣＨＫＨＵＮ佢地去既情人橋添．．．好遺憾
唔夠時間，只能遠望

行完第一個行程，就去食濟沖名產之一
黑豬肉
呢餐真係好好味

食飽飽就去呢個行程皇頭戲
油菜花田＋城山日出峰
（後面矮矮地，圓圓地就係喇）

睇完，影完好靚既油菜花
我地就要去”攻頂”
呢度只係行左一半路，要休息吓
遠望黃黃地色既就係頭先睇既花田

都行左唔少時間，先上到頂，朋友一家幾口一早就到左
等我地幾丁到頂後影吓相，其實呢個係火山口
無咩睇，來到叫上來睇吓咁囉

之後行返落來，差唔到山腳時，就行第２邊
呢邊好大風，睇吓Ｄ浪．．．

之後去ＡＬＬ－ＩＮ拍攝場地
（不過我無睇呢套劇）
不過個教堂幾靚架

教堂附近仲有馬仔騎添
令我想起．．．天堂牧場

下一站就係藥泉寺
行完都已經日落，又去食ＤＩＮＮＥＲ

今晚團餐都係食海鮮鍋，不過我地頭先經過酒店ＢＵＦＦＥＴ位
見到好吸引，所以我地幾個放棄左個海鮮鍋，改去食ＢＵＦＦＥＴ
梗係又要食返幾隻濟洲特產，鮑魚

酒店８點有Ｄ嘖火ＳＨＯＷ，我地可以邊食ＢＵＦＦＥＴ邊睇ＳＨＯＷ
之後就ＪＯＩＮ返媽媽再去酒店庭園影相