激死人

近日大陸公司就來忙我左我, 呢兩日都要成9點幾先收工。仲有俾我發現左一件令我好好好唔開心既事,我一定要諗吓應該點樣做可以令自己開心D。

今日又收到旅行社打電話俾我,話個團唔成行,問我轉唔轉團...等等。

依家仲要考慮究竟轉團定轉旅行社?

生日快樂!

今日終於都去睇左生日快樂,好開心呀!睇之前完全唔知套戲講咩,但我真係好唔明點解小米點解要咁做,雖然可能係佢媽媽既離開影響,但小南又係既,點解唔再主動D呢。

但真係估唔到小南個結局會係咁,那一刻不自覺地流淚,好偉大,希望佢這個大話永遠不會被小米發現,真的不敢相信當小米發現時,會變成一個點既情況。可能我仍未經歷過,所以睇戲亦會令我不由自主地流淚。

近 日同事叫我點算一下屋企究竟有幾多護膚品未用,都過左一個多星期,終於都計算左,嘩...真的令我嘩然,因為真係仲有好多野都未用,連開都未開,有可能要 用上幾年先會用完,Mask都有8盒,都唔知點算好,我打算攞出來,同媽媽及cherry一齊用曬佢。希望可能快D用完。

但最近又加入左一D新成員。

全面的衰人

今日返到香港公司,同同事傾吓計,好快就到下晝,一食完飯,Fonda就同我講佢今朝resign左,我聽到之後好突然,原先諗住佢仲可以上大陸幫吓手,唉...真係唔知點解會咁。

就 係因為咁,令我想起尋日個衰人同老細既對話,個人都未過試用期,明明唔洗俾雙糧,我都已經講左出來,老細都已經再問,都唔知點解佢都仲係要俾,好啦,人地 唔做啦,我都唔明點解出來做事都做左20幾年啦,人又唔識做都不得只,連一D咁基本既既都唔知,真係無得救架啦。好心佢啦如果咁多野都唔識, 就唔好咁係度扮曬野啦。聽日又要再上大陸啦。

仲有兩星期就放假啦,這個是我近日值得開心既事。

如果有人陪我去睇生日快樂或太陽之歌就好啦。

願望

今日返到香港公司,同同事傾吓計,好快就到下晝,一食完飯,Fonda就同我講佢今朝resign左,我聽到之後好突然,原先諗住佢仲可以上大陸幫吓手,唉...真係唔知點解會咁。

就 係因為咁,令我想起尋日個衰人同老細既對話,個人都未過試用期,明明唔洗俾雙糧,我都已經講左出來,老細都已經再問,都唔知點解佢都仲係要俾,好啦,人地 唔做啦,我都唔明點解出來做事都做左20幾年啦,人又唔識做都不得只,連一D咁基本既既都唔知,真係無得救架啦。好心佢啦如果咁多野都唔識, 就唔好咁係度扮曬野啦。聽日又要再上大陸啦。

仲有兩星期就放假啦,這個是我近日值得開心既事。

如果有人陪我去睇生日快樂或太陽之歌就好啦。

麻煩事

轉眼又到星期三啦,終於都返左來香港,但星期五又要再上去, 依家真係好麻煩,因為大陸同事走左兩個人, 攪到大家都好忙,完全唔夠人做野,連最基本既工作都做唔到,而且又就來放新年假,所以來見工既人又唔多,都唔知幾時先請到人。

係大陸三日, 第一晚七點幾先收到,尋晚仲夜,要成八點幾先走,唉...如果當時聽我講叫番以前個同事返來做咪好囉, 起碼唔會攪到依家咁樣先。

香港仲有好多野都未做, 下星期又唔可以唔上去...煩死我啦

我好想好想去睇生日快樂及太陽之歌, 唔知幾時先可以睇到,因為打算同wps&shan一齊去睇,但未夾啱時間。

進修

今日好凍呀!

尋日偷懶上晝無返到學,下晝約左Olivia同Iris去左British Council去考分班試,大家諗住一齊讀吓英文,但點知考完分班試之後,大家要各自各讀,雖然都有星期五,時間都差唔多,但未必可以一齊食飯,但都無辦法。

我終於係報左workplace english,呢個都係我一直想讀既course,因為可以幫到我日常既工作。

但依家我星期五報左英文,咁日文就一定要改時間啦,但都唔知重讀定繼續讀上去???

仲有三個星期就開始放新年假啦...

歡樂聚會

雖然今日公司同事發生咗一件唔係幾開心既事,但我地今晚約左一班(12個人)以前既舊同事去食buffet,大家食得都開心,可能大家無見好耐,所以好好傾。

今日公司既小插曲係有個同事,做人做事真係有D過份, 做野唔係咁樣做既,之前我同佢無接觸,對佢都無咩特別感覺,但我多左係HKoffice接觸多咗,我都唔係幾鍾意佢,大家都係出來做野,但點解要做到咁呢。咪攪到大家都唔開心囉,咁又何必呢。

將心比己。媽媽話, 做野要調返轉頭, 咁樣就大家都舒服。

記憶力衰退

每當我返到HK公司都好似無咩心情做野咁, 得閒又走去傾吓計,食吓野。

今日我係度計同事舊年的出席率及遲到率,仲有少少先做曬,聽日又要繼續,都有少少煩。

可能依家一半時間係大陸, 每次返到HK都好似好多野未做, 但又唔係好想做。

我之前係網上揾到一個行李CHECKLIST,但尋晚想再揾已經揾唔到啦。

尋晚HENRY問我聽晚去食BUFFET有咩人去,我諗到今日仲有1個人諗唔到,今日返到公司,終於

同事提左我係邊個。居然唔記得左, 記性差左呀,因為都係一個星期前既事,咁都唔記得左。

可能年紀大左,記性真係比以前差左啦。有無咩方法可以增強記億力呢???

不得了!

由弟弟結完婚後,就已經無再減肥啦,但近日發現自己肥左好多,真係要再開始再減先得。連續兩個星期都約左亞珊,我第一 個星期就同大家講我肥左,但無人理我,到我第二個星期再見到佢個陣, 佢居然先話真係發覺我肥左, 真係死得,只係一個星期就咁明顯,但近日好似好大食咁, 成日都好想食野。

星期五又去食buffet啦...點算呀.

結果

今日終於都派左成績啦,原本真係唔合格架,不過miss係作文個度俾多左分俾我,等我剛剛合格,我都估到架啦,我今次真係無咩點讀書,可能成日要又上又 落,都無咩時間可以溫書,攪到我都唔知報唔報名讀下一個單元好。又想繼續讀,但之前教左個D,有好多都唔識,都唔知點好!但今日miss又講學校 confirm左之後既三級都會由日本人教,等我再考慮多幾日先。

我真係攪錯咗,因為我以為就算開得成班, 都會有一個星期唔洗返學,所以我約左依家公司同事同舊同事一齊去食buffer,但今日同學仔同我講,原來只係我誤會,唉...點算好呢, 人又約曬,希望開唔成班,可以休息一個星期就好啦。

日文班有個同事話請miss請餐飯,所以我地幾個同事都打算一齊請miss食一餐,辛苦咗佢咁耐教我地。

miss今日俾咗一個同學既作文俾我地睇, 我睇完之後,有少少感慨,雖然佢講既野係事實,但有時又好似無咩必要要咁樣,因為我覺得佢咁,只會令到佢自己唔開心,其他人唔會覺得有損失,咁又何必呢, 有時做人真係要睇開D, 咁樣大家都會舒服。

未來?

剛剛睇到一個相識咗14年既朋友大學畢業相,睇到佢今日畢業當然 好替佢開心,但另一方面又諗酊自己既未來會係點呢?有少少感慨,到今日都唔知想點,究竟自己長處係邊呢?是否需要認真諗吓自己既將來,雖然唔一定要讀大 學,但應該諗吓將來想係邊方面發展。現時為止自己都好似一無事處咁。

今日下畫都有上網睇吓course,但都未決定讀咩好?

大家有無覺得我好似成日都下唔到決心去做每件事咁呢, 去旅行又係咁, 食飯又係咁,將來都一樣。

點解我會係咁既呢?

慘劇

慘劇呀!冬天的來臨令我變成好想食野, 咁樣做實肥死啦,都已經唔係瘦架啦,仲係咁真係死得。

日日都想食朱古力,好彩仲有少少自制能力,唔係就一發不可收拾。

呢兩日上左大陸返工,唔知係唔係因為新系統唔識, 好多野都做唔到,但我又唔想學喎,都唔知點好,遲D先算啦。

仲有一個月就放農曆新年假(2/14~24),公司仲會係新年前一星期,出雙糧及花紅,唔知今年有幾多呢???雖然唔多,但多過舊年就最好啦,起碼都叫有D進步。

仲未諗好去邊度旅行...但都好想去得成。

點姐, 有無人想一齊去呀, 好好玩架.....hehehe

考完試啦!

終於考完試啦,今次真係唔識, 份試卷有好多都唔識, 合格都偷笑,以前真係未試過咁多唔識,之前最差都有79分,今次50分都已經好開心啦,可能今次個COURSE無申請政府津貼,所以唔須要80%出席率, 又唔洗合格,之前因為要KEEP住80%出席率,所以好多時都有返學,今次又咁啱有好多節日。

仲有一個月就 新年啦,仲未諗到去邊度旅行,今日同媽媽去左旅行社攞資料,攞左埃及,東歐及西葡既資料,都幾貴架,最平埃及都要$12000(團費加雜費),最貴個個要 成$15000,如果2個人去剩係俾旅行社都已經成3萬,如果3個人去仲貴,但我又想一齊去。但都未諗掂,因為爸爸話唔去,因為佢已經去過,但如果得我同 媽媽去,又會剩低佢一個人,但我今年唔想去大陸...唉!都唔知點算好。

好耐都未去過遠行啦,好想去遠D呀。

有無人想一齊去呀!去啦, 會好好玩架.....

無錢啦!

嘩!!!死啦,近日用左好多錢買左好多野,買左手錶,化妝品,護膚品,就來就要交稅,不過好好彩,今年交好少好少,因為扣左係大陸交左個D,所以感覺好似少左,但諗諗吓,其實仲多,只不過大陸個D係每個月俾左,但大陸稅率好高。

明天真係要考試啦,死梗,仲未讀過,剩係作左文,但又未交俾MISS.改,生字又未寫。A/C的工課仲未做。

我 公司有個人,好衰架, 正煩人,成日扮到好忙,死咁早返到公司,但又唔係做野,係度瞓覺肿到夠鐘,又成日加班,影響埋其他人,好多電話揾佢,但佢又唔聽電話(公司大家同事一齊 接),我叫親佢聽電話,唔該都無聲,今日真係有D想出聲話佢...唉!算啦,但真係未見過D人係咁架。佢既衰野真係一大把。

農曆新年想去旅行呀.....