7.5 最後一堂

今日係最後一堂,本來係上星期既,不過之前黑雨 + 手冊出錯,學校係唔想退錢情況下就補返一堂俾我地,咁final就點都要返既(攞成績),返到去得1個同學仔&阿Sir,咁我地就傾吓閒計先,等 到有4個人阿Sir開始同我地玩吓過3關,雖然都係用O&X,不過要講啱格仔內既字,唉.....我同O仔好多都唔係好識,但又幾好玩既,到依家 都仲記得部份架, 人多少少就再玩另1個game,時間過得好快,呢堂完咗,亦即係咁就學咗半年英文喇,算係讀完一個Level。 派成績表, Cert.加上少少Comment,又一次證明有幾唔掂....唉

媽媽又買咗D好貴既嘢今晚食, 加上爸爸既廚藝,呢餐一分滿足

6.21 遊閒地

今日無特別安排,如常地返學,放學,返屋企,亦無特別食好D,只想遊閒舒服地渡過,踏入另一個里程,心情無咩特別, 原本懶勁咁話要反思吓過去同展望將來既,不過食飽飯後咩都唔想做,就坐係屋企睇吓電視,同屋企人傾吓計,咁就過咗一晚,不過呢個感覺好正。