5.20 吃喝玩樂

好耐無去街喇, 所以今日約齊朋友一齊去睇呢套戲, 未上映都已經想睇, 睇預告時幾好笑,終於可以係佢未落晝前去睇,唔係又睇唔到喇, 咁睇完又真係幾好笑喎,又無咩悶場,唔錯既。
之後我地去咗意粉屋食嘢, 唔知點解呢, D嘢食退步咗,好似都係PIZZA HUT好食D, 食完之後我地幾個去咗飲嘢, 傾到1點幾, 我地傾咗好多, 好開心呀, 因為太耐無試過咁喇, 開心要付出代假既, 就係要3點先瞓,所以好眼瞓。

做咩無嘢架, 要開心呀....雖然我都係學習中, 加油

5.17 BBQ

媽媽今早唔洗返工, 原本打算可以同佢出去食個lunch之後去返學既, 不過佢好晏先攪掂,所以最後都係屋企食,佢買咗豬肝同牛肉返來煮麵食, 都幾好味存架

今晚再約咗朋友返屋企燒嘢食, 原本係上個星期燒既,不過燒咗一陣之後就落雨所以就keep住個場既quota留返今次囉, 不過今次就無得用曬兩個爐喇, 但今次D嘢食依家食唔曬, 之後仲要慢慢食添. . . .

上星期屋企買咗件新嘢, 好正架, 晚晚大家都要一齊玩吓,好開心

5.1 勞動節

今日勞動節假期, 真係去咗勞動一番, 首先約咗朋友去沙田食個lunch先, 我地去咗(無老鼠既)元氣食, 唔知點解依家好似無以前咁好食, 食咗好少就飽喇, 埋單$1xx,之後同朋友係沙田行咗一陣,就去咗麥仔飲柸好味既汽水添

。

另外約咗尖尖同楹楹去P仔,呢幾個星期日都有去玩,因為仲有1個禮拜我個會藉就完喇,所以玩多少少,唔好蝕咁多, 原本打算跳4點既BS,但上到去就FULL曬喇

無計,唯有轉戰5:15既spining,第一次玩真係超攰呀, 原本要踏45分鐘既,但我踏咗半個鐘就出咗來喇, 之後仲要跳多個BS, 成個人軟曬, 返到屋企已經玩咗個腳仔按摩,但依然腳軟呀

演唱會 + Talk Show

4.24 

今晚去聽從來無諗過自己會去睇既"關淑怡演唱會", 由於細佬有得攞平飛,所以就一大班人一齊去聽喇(無嘢睇架), 雖然真係平,但真係唔掂, 仲好後悔添, 成晚爆, 攪到我成晚同朋友係度玩SMS解悶, 真係要同大家講句"便宜莫貪"

4.26 

經過之前既慘痛經歷,今晚都唔敢抱太大既期望,我地幾個約係九龍灣食飯先, 之後就坐接駁BUS去九展,都幾多人去睇既, 我地好準時8:15到, 入到去就揾返自己個位坐係度等, 一直都有D嘢睇吓, 都係森美俾大家打發吓時間睇既IQ題呀, 攪吓笑既嘢咁囉,都OK架,唔好等到好悶, 森美準時8:30開場, 總括來講都OK架, 有D位真係笑死,因為佢講既topic真係自己平時會遇過既,只係無留意,但由佢講出來,又真係幾好笑。Good. . . . 

但兩個Show真係好大既對比喇

4.19 考試

不經不覺都返咗兩個月學,今日已經考第二次試,上次考listening都ok,成績中中地,可以接受架喇, 但今日考speaking就, 唔知點解我做prepare既時候做錯曬, 攪到我考既時候先知錯咗,我諗今次都凶多吉少架喇, 其實考既都係D好簡單既內容, 但就係考唔好,呢D咪就係個底唔好囉, 唔係點會咁丫