5.27 大出血

尋晚放咗學收到Olivia來電,話IT Pre-Sales問我今日去唔去睇吓,咁我就一定要陪吓朋友去架啦

今朝首先去咗跳2堂aerobics,約咗佢11:30係沙田等,我地先去i.t.(買咗1條裙及1件衫)再去 b+ab(1條裙褲及3件衫), 咁就用咗我1千幾啦...好窮呀,原本仲想買鞋,但睇唔啱,係i.t.睇到對人字涼鞋,但試咗之後唔好睇,所以都係無買到,行到差唔多2點,媽媽來咗沙田 同我地一齊lunch

 

咁我地就再行多一陣就去咗旅行社,因為諗住同屋企人去廣東玩2日,順便睇吓有咩好地方可以去玩,之前打算7月同Olivia及佢姐姐一齊去沖繩,但可能我 地會改去其他地方,不過一切都未定,可能去沙巴,雲南或者最後都係去沖繩, 如果去沙巴同雲南就會早少少出發,但讀英文個度又要考試,所以都未定幾時。

有無人一齊去呀???

Iris好想同我地一齊去, 但佢係大忙人,所以無得去,唔緊要啦,我地幫妳去都一樣既

愛情?

愛情?是人生的全部嗎?

最 近成日聽到一個朋友講佢同男朋友既感情事, 佢地經過3年幾時間去儲存感情,但原因一直男方都認為女方俾到好大壓力佢, 令到大家都好辛苦。作為旁觀者的我, 我會諗點解呢?原因3年幾儲既唔單只有感情,仲有壓力,但男方一直都沒有說出口, 但最後都忍唔住,所以同女方講自己俾唔到幸福俾佢, 以妳既條件可以得到更好既, 外人的我覺得有少少荒謬, 雖然我勸朋友唔好講一些會令男方覺得有壓力既說話, 俾多點空間大家。今晚再次接到佢既來電, 聽佢喊到咁,我差點兒跟她一齊喊,呢個朋友之前佢永遠都係好開心架。但我真係無咩拍拖經驗,但我都會用理性既角度幫我呢個好朋友。希望佢地會有美好既將 來。

另外一個...唔想多講, 因為每次講到佢既事,眼淚自然地掉下來,點都好,佢有咩決定,我都會支持佢既。

有時真係唔鍾意自己,點解想要既嘢有咁多?又眼淺,成日都向壞處想。點解唔可以樣樣都睇開D呢。

5.22 大陸之行

終於都回來喇

上星期上咗3日,今個星期又上多2日,好忙呀...日日都好夜先收到,呢幾日既OT足足多過我成個日係香港

今日走之前同老細講,如果無咩我就走架喇,佢話OK喎,唔該曬咁樣,過多一陣又問我下星期仲上唔上來,我話吓,下星期好忙,唔喇,都攪掂啦,唔洗啦,有事先再叫我上來啦。

香港鬼死咁多嘢都未做, 不過我都知仲有排忙...

失落既感覺仍維持...

5.19 全部一齊來

原本打算上晝去做運動,但最後都無去到,因為唔知醒。下晝同媽媽 去咗之前朋友介紹嗰間麵店試吓,又真係幾好食,夜晚約左Iris佢地去食意大利餐,是為了同Iris補慶生日,我地叫咗好多嘢食,仲叫咗氣水Olivia 同Kit就勁呀,足足飲咗3柸(Free refill)。

之後約咗另一班朋友佢地去"K",個呢個活動中我聽到2個消息,1個好1個壞,真係好壞參半。好既係有朋友要結婚,真係好替佢開心.恭喜恭喜

另一個係壞消息...真係唔想多講,雖然沒有講出來,但我都會係咁認為囉,我既心情真係有D似佢,點解又係我呢?無問題既,過一排又會唔記得架喇,反正我既記性咁差。

真的這樣了?

原來又這樣!真是有甚麼問題呢?

往往都失望而回,沒有一次能達到終點,是否註定不能看到終點呢?是那裡出現問題,有無機會可以知道或者改變,但改變又未必一定達到目標,可能放棄是一個最好既辦法。但真的要這樣? 又唔想喎。

雖然沒有講出口,但事實的確如此,只不想去面對。

5.14 食食食 PART III

上星期老細send mail同call我,叫我呢個星期上大陸幫吓手,因為大陸有同事唔做, 同埋有D野亂咗,之前返來個陣,已經將全部宿舍既野帶得就帶,掉得就掉曬,所以今日返工個陣攞咗個好大既袋,我要帶既野就等如人地去trip(3日2 夜),樣樣都要帶先有得用,所以都幾重。

今日係julia last day,佢算今日食我地幾個去食lunch,但因為老細話中午就走,所以無機會同佢地

一齊食喇,大老細又一齊上大陸,但佢之前要去Bank所以我地同個衰 人一齊去咗TST先,咁我地就係Bank附近食飯啦,我地去咗間叫"大阪"食日本野, 味道一般啦, 價錢唔貴,而且仲有老細請添。

我地攪攪吓,上到大陸都已經成5點喇, 原因要同老細開會,但佢又有第二D野要攪,所以推到星期三先傾。

因 為我太耐無上大陸,所以就請同事去食飯,原因打算食韓國料理,但去咗2個地方都已經無咗喇,唯有改去食日本野...又食,原因我剩係打算請2個女仔去, 點知到...有個人又話唔想返到宿舍見到個黑衣人所以就同我地一齊去食...嘩...我地叫咗:牛肉火鍋(2人份), 玉子燒2份, 沙律, 煎餃, 20串左右串燒,炒烏東...應該差唔多喇, 仲叫咗兩柸啤酒添,所以都食到好飽...真係肥死人

5.13 食食食 PART II

5月13日 又係一件一度既媽媽節,我地為咗唔同其他人迫,所以已經提前一個星期去食飯,試咗間新酒樓,但最後我地都一家人係正日又再次出街食飯,因為媽媽想去食PIZZAHUT,試吓個新PIZZA。

媽 媽節個日我地晏晝先去咗間新酒樓飲茶(點心無咩選擇), 之前安排細佬去攞蛋糕,因為細佬去咗打機,好夜先返到屋企, 所以都差唔多7點先每人食咗一年CAKE(唔係幾好食), 食完一陣就一齊出門口去PIZZAHUT,我地6個人,但居然路線有3條...幾攪笑,去到PIZZAHUT...嘩...實在太多人喇, 要等成50張枱先到我地,所以最後去咗食"扒王之王",我個人認為唔係幾好食,個日真係食到好飽好飽。

5.12 食食食 PART I

由5/7起每日都想去做運動,但每日都有D事令到我唔可以去到做運動, 衫同鞋一早就帶咗返公司。

5/7 : 太耐喇...已經唔記得咗點解去唔到

5/8 : 大陸有同事來咗香港,所以同事話一齊去食餐飯,所以我地一行四人去咗APM意大利餐廳度食晚飯,我覺得好好味,仲打算遲D同屋企人去試吓, 但...又好肥間餐廳叫"Roma Roma",如果大家想去記得要book位,因為我地個日閒日去都幾full,上openrice search到架。

5/9 : 因為有同事出trip,我要幫佢地買機票,但佢地又攪錯目的地,所以等到成7點先收到最新版,我要等埋先走得,由於佢地10號就出發啦...真激死

好 快咁又到星期六啦,之前睇雜誌介紹香港邊度食麵好食, 就抄低咗D地址,星期六就同媽媽去荃灣'麵棧"食雜誌介紹既"綠茶白肉麵",味道就一般,麵就幾好食(啱我既口味),我地幾個人每人叫咗一碗麵,再叫咗 個"東坡肉""通菜"及"豆漿,整體味道都OK,但下次可能會試其他店,因為個度附近有好多舖頭仔食野,仲鬼死咁多人添。

5月4日 五月天

每逢星期五都要返學, 但今日我地3個人一齊偷懶唔返學, 因為Olivia同事有10張五月天演唱會既飛,問我地去唔去睇, 咁佢地兩個都去,我就咪一齊偷吓懶囉...hehe

咁 我地約咗係尖沙咀食咗飯先,我地去咗大家樂食, 咁我就同iris一齊食咗一個咖哩牛腩飯+肉醬意粉(肥死),食飽之後我地就出發啦, 由於唔洗錢,所以 我地係坐則面(三面台),我對五月天既歌一D都唔熟,只係近日係Roadshow聽過吓, 不過值得一讚既真係氣氛,係我睇咁多演唱會既最好一個, 佢地可以攪到大部份人一齊企起身,跳同唱,所以好正....不過始終我無聽開佢地既歌,所以未完場我地就走咗, 不過佢地既歌都幾好聽。

特別明謝...Olivia...唔係佢我地都無機會有免費飛

5月1日 東平洲,塔門之旅

終於都到放假, 今日約左一班人去東平洲玩,好好彩今日都好好天,太陽伯伯無偷懶,所以今日都好曬,我地一早就去到大學站集合,我地跟嗰個團有成50幾人,我地係其中7個。之後坐咗個幾鐘個船去到

第一個站係塔門,呢度好靚架,仲有好多人係度宿營添呀

行咗唔係好耐, 大概11點就食lunch啦,之後又再坐1個鐘船去到今次既重點景點...東平洲

見到呢個牌,我地就開始我地既旅程, 太若步行2小時左右,雖然今日行得有D辛苦,但都OK, 行完之後我地一齊去咗士多仔食咗1柸好好味既紅豆冰,之後我地又再搭咗2個幾鐘船回程啦,咁就玩完啦,開心既時間特別過得快。

之 後我地去咗沙田食晚飯, 原本諗住去南山谷架,但因為佢話只可以俾我地1.5小時,我怕我地唔夠,所以改咗去周記避風塘,原本諗住食蟹,但佢地又唔食, 而且我都覺得貴,最後都無食到,之前我未去過, 諗住去試吓,但呢間野我都要再諗諗洗唔洗再去食(又唔好食又貴),可能D菜太細碟,所以大家都好似食得唔係好飽咁,我就唔餓又唔飽咁囉, 佢地話去食糖水,我都叫左碗合桃杏仁露,上次食都OK架,但今次就覺得唔好食, 我仲食到頭暈暈添, 最後都食唔曬(仲有少少啦),之後我地就散啦,原因諗住搭西鐵既,但最後我都揀咗可以有位坐同有得瞓既巴士,但...巴士實在太快, 瞓得個一陣, 8:15就已經返到元朗啦。

總括來講,呢個行程都OK,因為塔門同東平洲真係幾靚,而且仲玩得好開心, 仲有呀...今日有人請我玩NDS,又真係幾好玩架wor