除夕夜

今年仲有一個多小時就過完啦,好快就會進入07年,好快就來3字頭,近幾年既時間都過得好快, 轉眼間就過完,好似咩都無做過,可以係依家間公司耐左,每年每月每日都係咁過,所以特別過得快。

今日lunch同心誠D同學去左朗豪坊食buffet,因為1/2係olivia生日,今日係同佢慶祝,都幾多野食。

原本諗住夜晚去街玩,但點知最後都無離開過YL...唉

聽日唔去街先得,因為要溫吓書,因為今個星期五就要考試啦...死得(全部都唔識)。

今日亞臭B來左YL玩,BB仔每次見都唔同。阿B既亞媽叫我要改吓D唔好既口頭蟬,都唔知點改,講左咁多年,好難改架嗎,不過我都會試吓既,都無壞。

新年願望 : 全家人都健康快樂同埋自己要再瘦D。讀書:記性好D。工作順利同心想事成。好多呀...樣樣都可以實現就好啦

咁你地又有咩願望呀?

考試啦

尋晚返日文班時,發現依家D野好深, 好多都唔識, 真係死得,下星期仲要考試,都唔知好唔好再俾錢讀下一個COURSE,真係要諗吓從新再讀依家個LEVEL好定上一級好...真係煩。

明天就大除夕,真係好想去街,但又唔知去邊度玩會有氣氛.......

悶既日子來臨啦

因為地震攪到近日都無得上網,呢兩日好似好忙呀。

日文班原來下星期就要考試啦,但好似今個course好似都無學到D咩就讀完。

好想今年大除夕揾D野玩,想過一個有氣氛的除夕,但問左幾個friend有咩攪作,大部份都話無諗過,唔知係唔係老咗,又唔想同人係度街度迫,但又唔知有咩好去處。

有無人有好提議呢?

PS : for 臭B :  算啦,總有機會俾妳抽到獎既,我都唔係年年抽到大獎。

人生第一次

唉....真係辛苦呀,尋晚公司Christmas Party,我平時都算飲得,都唔知點解居然飲醉左,仲要同事送我返屋企,真係醜死鬼。

每年都有抽獎,本來都唔係幾開心架啦,因為我抽到第8獎,同頭獎仲有好遠,但總經理抽完之後,將佢個份再攞出來俾所有女同事再抽,真係抽到我,所以我有兩份,加埋曬仲勁過份頭獎,真係好開心。

但尋晚醉左,應該都成12點幾先瞓,但今朝未夠7點又要起身返工呀,仲要9點鐘去到太古城幫個同事返租。

因為近排都有好多其他野做,攪到account個邊仲有好多單仲未入,今日明明係冬至,公司下晝係休息,但我要OT到成7點...依家世界真係難撈。

天氣大變

由尋晚開始天大變, 就來凍死人啦,可能星期日個日日瞓到太晏啦,尋晚成2點幾先去瞓都凍到瞓左成個鍾先肿到,用左好多方法都瞓唔著,都唔知有無攪錯,D冬天衫都仲未攞出來, 就已經凍成咁...好彩都唔會凍好耐姐。聽日又要返大陸啦...今個星期真係好忙呀.都分唔夠時間用,HK同大陸都好多野未做。睇怕都唔洗指意星期五可以 早走。

唔識攪呀

今日勁呀...我瞓左14個鐘呀,攪到成12點幾都未瞓。

For Irene : 真係幫妳唔到啦,我都係一個電子產品既白痴,問錯左人啦...妳

我依家攪緊個電話,我download左d新歌入部電話度,但都唔知點解都play唔到,攪到有少少煩,又唔識....唉。都話左啦,新科技都唔係幾啱我架啦。

我今日同cherry去左整頭髮(colour),攪到成9點幾先ok,都幾好睇。

但我今晚磅重,重左少少,唔得啦,又要開始先得啦。

仲有呀,我想問吓各路朋友,我寫blog個陣,想分類,但唔識, 有無人可以教吓我咁呢?

忙死人啦...

今日天都未光就起身,又要上大陸啦,好攰呀,近日都瞓得好少,坐左個幾鐘頭車,終於到公司,剛返到公司都未夠30分鐘,就要去開會,個會長到死,由上午9點開到下晏3點,真係似馬拉松,有D又聽唔明,又無翻譯...唉。

不過都好彩,開完個會叫有D成績,起碼老細知道有咩問題,希望可以慢慢解決到,唔好剩係聽另外D人講咩都OKOK咁。

今晚有人請食飯...叫做有D安慰。

第一次

Hello...各位

今日係我第一次寫blog,都唔知寫咩, 原本我只係想去睇吓個fd個blog有無update,點知係都要setup左先睇到,所以無計啦,我近日都好忙,上星期六細佬剛剛結完婚,終於都完左 啦,辛苦左好多日,之後連續兩日都好似攰到死左咁。好彩唔係自己,唔係可能仲辛苦。