Day 1
機場 > 西門町 > 台北車站 - 光南大批發, 久大文具店, DAISO JAPAN > 馬辣火鍋 > 酒店
依家同姐姐都好鐘意去機場lounge食魚旦粉, 今次好趕...星期六等姐姐放工先入機場
必影既雲層相
依家CX去台灣既飛機餐只得個包,仲要唔好食, 好彩我一心諗住去台灣勁食,所以ORDER定生果餐
今次都係住返西門町東龍,又平又方便, 房間都唔差架
今日都無咩行程,去到台北車站都6點幾, 行一行文具舖就返酒店HEA一HEA
等食DINNER, 依舊去返"馬辣"
Day 2
酒店 > 永康街 - 醉的小品, 老張 > 信義區 - 食雪糕, 誠品, 三越 > 醐同炭火燒肉 > 酒店
酒店包埋簡單早餐, 都叫做即整架...起碼熱先
今日就真係無景點, 只有食
去台灣有兩樣野我次次都必食
第一樣就係牛肉麵, 如果台北就次次都食呢間
呢樣係姐姐必食既...仲要係永康街呢間添
今次叫左個冬荀, 佢地整成涼拌, 好甜好好食...
我地仲係超市買左返屋企添
永康街附近買手信. 有人話附近有間買薰雞好食,咪又買一隻, 經過間生果舖
幾平,又買啲返香港
去到市政府站見到網上好多人鑽既雪糕又買來試吓
都幾香朱古力味
之後就去行誠品買書同三越超市&買手信
晚餐就去食"醐同炭火燒肉"
樣樣都好好食, 只係貴左少少
我地坐BAR枱, 啲人見到我地燒得唔好,會幫我地燒
每燒完一樣野又換網, 我地試左燒山芋,又估唔到咁好食喎
食完燒肉就返酒店, 姐姐話去睇吓有無巴士搭返去喎, 揾左好耐都唔見有啱我地既車, 又行返轉頭
可能佢專登, 想行吓消化吓
經過咩都影吓
唔係行左一輛都食唔到宵夜喇...
第二樣必食既野就係芋圓
本身我芋頭同蕃薯都唔食,但就好鐘意食芋圓
酒店 > 雜誌瘋 > 阿宗麵線 > 襄陽路買麵包 > 台北車站胡椒包 > 機場
最後一日既行程
台灣好多人早餐都飲豆漿同食蛋餅
懶得去出名個間, 就去近近地呢間喇...
食完早餐就返上房又HEA一陣, 睇吓劇咁...
夠鐘CHECK OUT就去食阿宗麵線
食完就行去台北車站
途中去買麵包同胡椒包返香港
就搭車出機場LU
去到機場又食...麻油雞及牛肉麵
都食得過架
返香港呢程機又係食包, 如果香港都成日有咁藍既天空就好喇
今次去3日, 仲要晏機去晏機返
所以無咩時間, 我地2個人都係帶個細篋加多個旅行袋算..剛剛好
睇吓買左啲咩返來...幾似去街市呀
白苦瓜, 蕃石榴, 冬荀, 蘋果, 薰雞, 麵包, 糖, 茶包, 鹽, 肉乾肉鬆, 醉蛋, 醉腐乳, 書, 原子筆受記憶咭
咁就去左3日
其實點解今次咁趕都去3日呢....就係因為今年台灣政府攪左個活動
去3次就送1次
我地去埋今次就剛好3次, 可以免費換張機票
沒有留言:
張貼留言