遲來的利是

4月20日

終於都等到星期五啦,返埋今日可以放2日假,好開心

由於今個月好窮想快D出糧,不過今日大陸有個日本人落來香港寫字樓,佢要去銀行攪D野,所以上咗來一陣, 點知就係咁樣上一上來, 我地就收到一封利是($100), 佢一上到來就行咗去同事身邊, 問同事我地一共有幾多人, 咁佢原本就攞咗$500出來,後來又再攞多$500出來俾個同事, 同事好快手咁全部封好,佢仲講話唔好意思,新年到依家都無機會落來,所以咁遲先俾我地,好開心呀,依家都農曆三月,仲有利是收,大部份人過咗都唔會俾架 啦。

依家我逢星期五晚返學(英文),都唔知點解個Miss好攪野架,都已經返咗8堂,雖然我都有偷懶,但其 他同事都有, 唔係得我一個, 佢就剩係唔記得我個名(全班20人),佢上次自己都話咗唔知點解記唔到,但會盡力記,但今次又唔記得,佢係咁講唔好意思,我個名其實都好易記丫,點解呢唔通外國人唔用呢個名既?