龍脊遊記

4月9日復活節假期既最後一日, 約咗亞珊同Ibie&Manda去龍脊行山, 這個地方原本係上次去行既,但因為天氣唔穩定,最後取消咗,個日終於都去行啦, 更氣幾好,我地個日約咗上午10點係筲箕灣地鐵站等, 之後我們一行四個人去食咗一個幾豐富既早餐, 就開始我們既旅程。

這張相就係剛剛起步無耐,佢地叫我影既, 原本我只係打算影個牌

途中風景真係唔錯, 行咗一陣就已經有居高臨下個feel

 

之後再行多一陣,就會見到石澳沙灘, 係唔係好正呢

 

呢個位置都應該係呢個行山路段中最高既山,有成284米架, 呢個位風同風景都係一絕,就係大風同靚

 

為咗大家知道有幾大風, 特意安排有個人,俾大家睇吓D風吹到個頭有幾亂, 呢張相已經係最細風,因為另一張,我有個朋友既頭髮簡直係...八爪魚咁...至於係邊個就唔好講啦....哈哈

 

已經行咗一大半既路程, 下面就係柴灣, 遠遠既對面就係將軍澳,我地就係度休息咗一段時間

 

呢隻蝴蝶跟我地行咗一小段路,所以同佢影咗張沙龍

最後我地行到去好大浪既大浪灣

, 個日都有幾多人係度玩浪,如果無見到政府個幾個垃圾桶,有無以為自己唔係香港呢

整體風景好靚,行得又唔辛苦(需時3個鐘),不過呢...