11.4 最後的....

今晚同姐姐去咗德福睇"High School Musical 3",呢場戲真係得來不易呀...

話說兩個月前入左會,送咗三張飛, 咁之前用咗其中兩張去睇"武俠梁祝"後, 用剩既一張就一直都無機會用喇, 但11月5日到期,係咁既情況下唯有去睇呢套指到第三集既歌舞片...

原本打算星期一晚去睇既, 但去到戲院時就心知不妙喇..........過百人排隊買飛丫....真係人都癩, 我足足排咗40分鐘先到我,仲要第二晚先睇,仲要坐第三行,平時我地一定唔會睇...但為咗用埋張飛, 照睇喇

不過入到戲院,感覺又唔同喎, 雖然坐第三行,但又唔係話真係好前既, 套戲都唔錯,對於我唔算爛,都好幾睇添...總算好彩喇....

但我又真係唔明...點解每年聖誕節前既檔期,啲戲都係咁難揀既???