2015.05.23 家族旅行之日本南北遊 Day 8.3

去完台北3日返來成個人都散咗咁....明明無咩行程架......

下晝去左揾工agent度登記, 唔夠5點就返到屋企, 食件洪瑞珍之後去瞓一陣先, 要補眠.....

2015.05.23  湯布院 > 別府

4點幾係湯布院出發, 唔洗一個鐘就到別府, 係別府 I.C.一出就見到兩隻鬼迎接我地, 轉個灣就到今晚酒店, 架車停係門口落行李, 酒店職員會幫我地泊好架車, 入去CHECK-IN時剛好有個台灣留學生返工, 可以全程講國語真爽....係大堂辦好手續就帶我地上房, 仲要沖埋茶俾我地, 幾唔好意思呀....

又唔記得影相, 唯有係官網download返呢3張相, 酒店大堂都幾大架

入到房仲大, 仲有2細房仔, 一邊放多張枱, 另一邊用來放行李

呢間溫泉幾靚, 啲水又夠熱, 兩老都話咁多間溫泉旅館最好呢間添

本來想去附近溫泉區行下, 但酒店職員話5點就關門叫我地唔洗去, 咁只好安頓好後食埋頭先係湯布院買個條蛋卷, 兩老就去浸溫泉,我地幾個就去附近行下, 係酒店後門附近就有個幾好景點....話飲得既溫泉喎, 我唔敢飲呀

好得意....啲坑渠都出煙

呢間食台係利用溫泉水熱氣蒸熟啲食物, 後來我地都有試

蒸腳 附設足湯

就係將對腳放入呢2個窿入面蒸....都好熱, 玩唔到幾耐

浸埋個足湯先走人, 呢個地方好好玩, 聽日帶埋兩老再來一次

返到酒店就準備晚餐, 味道普普通通, 服務一流

個蕃薯同粟米超甜

呢個就麻麻.....呢餐都食得飽既, 只係唔係咁滿足

食飽就去浸下溫泉同煲劇...又玩完一日

 

報時：距離西歐鴨仔團之旅仲有---19日

報時 : 距離釜九櫻花6人行之旅仲有--199日

一返來就變曬字頭....好期待, 但去成11日,無理由帶11日衫架,但又無機會洗衫喎, 點算好呢??