3月26日 大件事

今日係最後一次上大陸(如無意外),上星期五Julia話唔做啦,所以今早大家同區生傾呢件事,我都講到好激動,因為 個衰人實在太可惡,Emily已經同老細講到佢做P/L&上大陸開會,但老細都係無講是否會採取任何行動.不過佢上到大陸又同我講,話會計部會好 似以前咁全部移上大陸做, 剩係留一個人係香港,大陸做主位,話個衰人始終會走,但唔知仲要等幾耐囉. 

尋晚 講開加人工,我問佢今年有無得加,佢話因為要將我既津貼加入底薪,可能會有少少沖擊,咁講咪即係唔打算加俾我囉,但我唔理啦,我都叫佢加少少俾我,舊年已 經加得少,唔可以因為呢個理由,唔加俾我架嗎?佢仲話今年整體最多都係得3%,唔係話加3%俾我呀...少少啦...好過無丫嗎