2015.05.20 札幌 > 福岡
今日好優閒, 佢地3個就8點出門口, 我地就可以hea到10點幾, 本來想係酒店食埋早餐, 我地個plan唔包既, 咪去問吓幾錢位, 要成yen1800, 我地決定放棄, 係酒店影多幾張相就走人lu...
連架電梯都做到好古舊
北海道真係人都少啲, 感覺好舒服
行去車站途中見到啲樹既樹葉生長得好得意, 可以我影得無咁好, 現場睇先清
日本人唔係好興係街食早餐, 所以選擇唔多, 揀左間cafe
媽媽要蛋沙律
爸爸要火腿蛋治, 我就要芝士蛋包, 我個芝蛋包真係好味到不得了, 佢熱一熱個包, 所以啲芝士溶溶地, 加埋隻蛋, 堅好味, 無誇張架, 好食到要買多一個同爸爸share, 食完早餐仲買多兩包咖啡豆返香港
食完早餐係地下街間超市行一陣, 12點車出機場, 去到機場就攞機票同寄埋行李先, 內陸機無餐食, 食埋lunch先上機, 阿媽話佢仲好飽, 所以叫左個拉麵set同阿爸share, 佢食個細飯就夠
我去唔到十勝食, 唯有揀左個十勝豚肉飯食吓, 佢又唔差喎, 個幾片豚肉真係好香
食飽就上機, 5點左右就到福岡, 本想搭的士, 最後都係搭地鐵去天神join返佢地, 同姐姐聯絡咗, 佢就係酒店等我地, 細佬2個就出去揾食, 返到酒店我地先食左係新千歲機場買既cheese cake, 呢個又係上次買過好好食, 入口溶化, 軟到不得了
今日其實都無咩行程, 但個人都好似好攰咁, 7點左右就出去天神附近食shabu shabu & shukiyaki, 舊年3月來個陣食過, 今次再食都覺得好味, 啲牛肉都好正架, 不過無影到相, 我地揀放題, 豬就4千yen左右, 牛就7千yen, 不過食唔到幾多, 如果下次再來可以揀返單點
今期日本family mart推介呢隻凍飲, 係有柸同味道冰柸, 中間通窿, 俾妳再加返落去, 好得意
今晚去睇戲, 終於都夾到時間睇啦, 都上左一排驚佢落晝
報時：距離台北54小時尋食尋兔之旅仲有---11日
報時：距離西歐鴨仔團之旅仲有---35日(唔知成團未??)
報時 : 距離釜九櫻花6人行之旅仲有--214日
我都有飲family mart個綠茶frap,好好味~
回覆刪除