今日係姐姐已生日,雖然我係屋企人應該慶舊曆既,但都已經習慣咗10幾年都會一班朋友出來食餐飯買份禮物仔一齊慶祝 吓,今次姐姐又揀咗之前去過既韓國菜館食,佢今次另外仲叫多一個朋友出來,原本約左7點既,不過佢地遲咗少少到,其中一個朋友好似餓鬼上身一樣係咁講:好 肚餓呀好肚餓呀,叫住嘢食住先喇,咁主人家未到,咁好難做架嗎

 咪叫住海鮮餅食住先喇,一日個餅未來,佢都不停叫,唔通佢又係肥妹鬼上身?

之後我地就去咗附近飲柸嘢,大家傾吓計咁,大家都傾得好開心添

聽日去剪頭髮,佢地個個都剪短咗,攪到我都心郁郁,想整個短+攣既,不過個結局係點,大家都知喇