8.6 8號風球

今日真係打得成風喎,尋日仲同同事講緊點都要等到8點仲未打風先出門口返工,要同經理請2個鐘假,點知好早就宣佈咗打得成風,可以瞓晏D真係好喇,不過到下晝就開始悶悶地喇,所以一口氣寫咗好多篇,一直都想快D寫,但又想upload D相,所以咪咁耐囉。

依家身邊有好多朋友都玩FACEBOOK,係好耐之前,仲未有咁多人知道既時候,已經有朋友叫我開返個,唔知點解唔想開囉,豬仔&豬姐今日又叫我開喇

等我再諗吓先喇,成日對住部電腦都好悶架嗎,不如出來玩仲好喇

唔記得咗添,上星期日剛剛去咗Daisy屋企玩,佢地買咗套棋,好好玩架,上次去玩具x斗城行既時間都想買D呢類啱幾個朋友上來屋企或者同屋企人一齊玩,不過佢套棋都幾貴架。等我再SEARCH吓有咩可以買返屋企看門口先。