8.2 喝采

今日去睇音樂劇"喝采",係我第一次去睇呢類型既嘢,好期待呀

呢個劇係用咗"哥哥"&"陳百強"既歌串連成一個圍繞住3個年青人既成長故事

套劇既歌大部份都唔係我既年代,不過佢地實在太紅喇, 好多歌都真係耳熟能詳,仲要首首都好好聽,導演將佢地既歌編排亦好好,所以好連貫,有笑位,仲有感動位添

仲有呀,佢地三個主角真係唱得好好聽,開場既時候我仲以為放碟添,後來發現係唱現場,唔知係咪太好聽呢,攪到我有D亂,不過阿珊勁呀,聽到佢地有漏及遲入。

睇完呢個劇發現雖然唔係咩大明星或者歌星,不過佢地都有吸引人入場睇既動力,因為我地幾個已經買咗第二場既飛睇喇,又一次既期待。

8月既場次..............................

9月既場次

 

呢兩場都係去睇"渴采"時知道既,唔知睇完呢兩場後又會唔會再發現其他引我地去睇既呢. . .