2011.10.31 首爾紅葉遊 Day 3

２０１１．１０．３１

最終行程　：　首爾大公園 --> 明洞農家菜 --> 首爾塔 --> 明洞shopping --> 東大門一隻雞

對於今日既行程滿心期待, 因為網友話首爾大公園既紅葉係好靚

先係酒店附近食三文治先, 原本都想試吓好多台灣人推介既issca, 不過又見到d人話貴

呢間都係有個台灣網友試過覺得唔錯, 所以我地都係呢間, 呢間平好多

其實都只係普通三文治, 味道係唔錯既

都要坐半個鐘多少少, 又影吓相囉

今次帶多兩隻出國....haha

去到大公園站, 聞到好香, 所以又買來試吓

其實一出地鐵口就會見到公園入口, 好近...
呢個公園確係好大, 所以我建議大家唔好用腳行, 俾多少少錢搭吊車
吊車分兩段,我好聽話架, 網友話買曬兩段吊車入去, 果然去到第二後既紅葉係最靚

如果無買吊車既票, 就係係前方個度慢慢行入去喇

大公園分開動物圓及機動遊戲(直望白色支架)

呢度都仲係第一part吊車見到既風景

呢度開始進入第二part(即係動物園)

咁靚既風景, 佢地都要出動喇

 

 

 

仲見到松鼠添呀, 不過佢閃得太快

呢度既紅葉好靚, 只係我影得唔好

同場加插動物編

影夠相我地就搭返吊出, 離開第二part既地區, 去返第一part既園區
吊車如果係紅色既頂就係第二區, 藍色就係第一區

第一區都好靚, 可以影到好多相...不過相對人又會多少少囉

留到2點左右我地就走喇, 出返明洞lunch, 呢間又係網友介紹, 佢講得好清楚,係世宗酒店後面既內街
如果大家想知既, 就問我呀, 我download左網友影門口張相, 好易認

呢間農家菜, 前菜係要收錢既, 每人W5000, 咁就會擺到成枱都係, 味道仲唔錯添
我地就叫左一個雞煲(中間最大個煲)+蒸蛋(雞煲隔離黃黃地色)
呢個雞煲好辣, 不過又超好味, 我阿媽食到話剩係汁都可以食多碗飯呀
不過個蛋就唔太啱我地香港人食喇, 因為會覺得佢煮得老呀
剩係叫個雞煲都好夠食喇

食飽飽, 好滿足,就係樂天商場附近搭巴士上南山
因為上南山除左觀光覽車外, 我就剩係識巴士
覽車好似W7500/程, 巴士就W800/程
上次搭覽車好多人, 根本睇唔到咩風景

我無整到鎖呀, 不過覺得佢地咁整確係好得意

係南山HEA完一陣, 就落返明洞SHOPPING(主力係幫人買雪花秀)
順便見到呢間DOUNT店, 梗係要食喇, 呢間係日本食個陣, 我真係覺得超好味

買完雪花秀, 食完TEA, 就真正係明洞SHOPPING
SHOPPING中見到佢既代言照, 真係忍唔住要影返張


我仲買左野, 仲送埋呢個MINI版既人形俾我添

我同姐姐都買曬想買既野, 就返酒店附近揾食
今晚食陳玉華一隻雞, 原本都好擔心難揾, 不過照住觀光社既官網咁講照行
好易就揾到, 又唔洗點等位, 不過呢間野真係好爆
係呢度仲見到兩個好熱情既台灣人添, 同佢吹左幾句佢就閃人喇
呢煲雞呢...清清地, 味道唔錯既

我地食曬隻雞, 仲加左1SET麵條(必加)
食飽飽慢慢行返酒店, 又俾我地揾到條新路行返酒店添