最終行程 : 北漢山 --> 仁寺洞 --> 樂天超市 --> 東大門燒肉
尋日瞓得幾好, 所以今朝起身, 個人醒曬
朝早去左食韓國壽司, 今日要食飽啲去行山
我地坐一個鐘車去到道峰山, 第一站係北漢山國家公園
呢度係韓國行山賞紅葉既熱點, 我怕唔識路, 所以專登安全星期日來
一出車就已經見到超多既人群, 不過真係一個外國人都見唔到
基本上跟住人群行都唔會錯, 但都要睇時間, 如果妳晏晝先到就另講
入口地標, 點都要係度影返張相既
行左2個幾鐘, 我地就去食lunch, 都係行頭先條路, 佢有2邊俾妳行, 方向係一樣, 只係d舖頭唔同
個天好藍呀...
揾食途中, 見到炒栗子, 媽媽梗係話要食, 買左一包, 細細粒, 都幾甜
今日lunch食韓國出名既豬手, 之前睇韓劇"童顏美女"都睇到好多講呢個既
不過就係因為食左佢, 我成個好人好似食滯
食完lunch就出仁寺洞, 本來來呢度係想揾買巴士飛聽日去南怡島既
點知揾來揾去都揾唔到, 唯有係附近行吓, 去試吓姐姐一直想試既韓式茶舍
我地就係試左呢間茶舍, 呢間都幾多人架
等緊茶之際, 又拎佢兩個出來影吓無聊相
我地叫左五味子茶, 薑茶同自製既八寶茶(中藥味, 最唔好飲)
頭先食lunch食滯左, 飲完呢柸五味子茶, 成個人舒服曬
行完仁寺洞就去樂天超市大手入貨, 入貨前梗係要tea一tea喇...
係韓國食普通燒肉真係好平, 每位都係$100左右
沒有留言:
張貼留言