11.13 姐妹裙

朋友既婚禮仲有1個月唔夠就到喇, 但總未買到要著既衫,有D緊張, 今晚再次約咗朋友一齊去旺角睇衫, 佢就已經買到衫喇, 咩都攪掂曬喇,但我就咩都未得, 原先一早諗住唔買D咁貴既, 都唔知仲可唔可以再著, 做姐妹既衫都會勁D,平時點著丫, 睇中咗2年衫, 一件就細咗少少, 一件直情唔試得, 成$600一件都唔試得,都唔知有無攪錯, 後來再行另一間shop, 呢度D衫明顯係專做姐妹裙, 睇吓睇吓都OK喇, 又不會太勁, 咁試咗2條,其中一條都幾OK, 普普通通但都幾隆重咁, 雖然價錢貴咗少少, 不過最後都決定做呢度做一條裙, 仲要10日就起貨, 等我攞埋條裙就可以睇埋鞋, 依家起碼攪掂一樣, 無咁擔心喇, 希望條裙仔會好靚喇。