11.10 新形象

回望過去一星期,好多日都去街,成個人都好攰,剩係去行街都行咗2,3日,要去睇姐妹裙,睇咗咁多都仲未攪掂,朋友仔就已經攪掂曬喇,好快就到架喇,都唔知點算好???

今日約咗朋友同姐姐一同去攪攪新形象......電髮, 今次去咗朋友介紹既髮型屋度整,價錢OK,服務都唔錯,咁今次就俾曬個髮型司攪,我剩係問咗佢一個問題,就係電完會唔會老D,佢就答我唔會架喇,咁我就唔 再理佢點整, 咁整呀整呀,出來個效果D朋友都話幾靚,咁其實我都覺得幾靚,但就好似唔係好襯我平時個LOOK喇。