2016.02 新春東京買物之旅 Day 1

終於完成12日釜九之旅, 一早寫既行程都差不多去曬, 搭飛機既日子都落下,回港個日仲要因為香港落大雨,我地班機要DELAY, 由於用里數換飛, 所以中間有一日係用左來搭飛機, 國泰機行李得20K,一直買野都好手緊, 最後成功在不超重下寄行李, 今日突然想出一編2月新年假時去左一轉東京先....西歐...下編啦....

原本無諗過新年去旅行,由於失業中,又去旅行實俾人鬧爆, 但媽媽又話想避年喎, 其實都無得避返來咪又係要去拜年....

由於出發前一個月先決定去,所以好遲先買PKG,我覺我有啲貴....張機票,我地坐JETSTAR都要5千幾一位....新年無計

出發啦....又係零晨機...因為廉航梗係無野食無水飲,我地食左宵夜再買多支水先上機, JETSTAR又幾好坐,啲位一啲都唔窄, 又唔似HKE咁講到明唔俾帶外來野食同飲品,可以隨意帶....GOOD

又影下張必影相先

捷星係T3落機, 之前追開有個BLOGGER曾經好詳細介紹過, 所以知道點出市區同有咩食, 由於零晨機無咩點瞓過, 所以坐機場巴士出池袋, 買定飯團等車時食...今次帶左小丸子....

其實出池袋都係70分鐘左右, 落左車都行左成10幾分鐘先去到酒店, 咁早都預左未有我提早CHECK-IN, 咁就寄存行李後就去姐姐講明要去既景點

東京去過好多次,每次都希望揾到啲未去過既地方睇吓...大家睇到係邊嗎?

咪川越囉, 姐姐要來主要係因為佢鐘意個韓星曾經去過呢度拍野...由川越站行去古街大概15分鐘, 我地途經一間我想試食既餐廳....都係因為睇開個BLOGGER食過想試...

我叫左2SET活貝拼盤

今次同行除左小丸子仲有梗腳阿兔同阿貓, 個北寄貝好正...又唔貴, 每SET先1099YEN, 每SET有4款各一隻

另外, 仲叫左其他野食

阿媽去日本成日都想食魚生, 呢間麻麻...

我地咪就係係呢間食LUNCH囉....

再向前行下, 來到古街....有好江戶時代風味

呢啲遊客區又點少得賣野既地方....有人已急不及待咁入左去睇野

見到呢隻糖就諗起我個舊同事好鐘意食呢啲, 咁佢又真係整得好靚

人地買野我就周圍影下相

出名景點之一 鐘樓

再行下...姐姐話想試下蕃薯味雪糕

行完川越就去入間OUTLET, 點知野就買唔到, 但就撞到朋友, 真有緣...

買唔到野唯有去食返多啲補數啦, 去左食鍋ぞう

打完邊爐就返酒店, 返酒店前梗係要去7仔行下....買到呢隻布甸, 之後幾日都有買來食

都好濃朱古力味...不過係最後一日買到隻仲好味...

我地邊爐前去左超市買到半額魚生...點忍到手呀, 買2盒宵夜啦

無計時器啦...有少少失落添, 但依家要全力揾工先.....