2015.10.06 西歐鴨仔團 Day 2

剛剛過完幾日復活節假期, 在家做左2日女工, 1日去左燒野食, 咁就病左啦...都係因為家中有人散播細菌, 仲要失埋聲, 今日已經係第三日講唔到野啦, 去睇醫生都係寫定張紙俾醫生睇, 本來叫佢開2星期藥俾我, 佢話一個星期咩都好啦, 我都真係希望如佢所說, 我唔想去旅行都病呀

2015.10.06 阿姆斯特丹 > 風車村, 木屐廠, 芝士廠 > 堤壩廣場,紅燈區, 中央火車站 > 科隆

瞓醒就去食早餐, 跟團都唔會太晏起身架啦, 今個團平均8點幾集合都唔算早啦, 其本上日日早餐都差唔多, 應該有既都有, 就係無咩熱食咁囉, 可能西人食唔到熱野掛....哈哈哈

我地第一站去風車村裡面既芝士廠, 都係簡單介紹下製作過程

同俾我地買下野咁囉, 我地無買到野喎, 本來都想買舊芝士返(圖中黃色一舊舊)來整芝士火鍋, 佢真係好平, 但真係太重....放棄吧

放棄購物後我地就出去影相, 今日天氣認真麻麻, 環境係幾好既, 領隊話呢度叫做有最多風車

再行埋去木屐廠, 又係叫講解下同俾大家買野, 好多年前姐姐來過, 買左對好細既木屐返來, 到最後都係當垃圾擺埋左一邊, 所以我都唔買啦, 廢事曬錢...又慳返

之後就出返市中心, 呢度好似係中央火車站, 歐洲式建築幾宏偉

我地加左個自費項目, 就係坐船仔, 本來都唔想坐, 但焗坐...
因為領隊話上落船唔同位置, 同埋全團自費活動一早就由領隊安排好曬, 所以大家睇落去會發現成鬼日都坐船仔

雖然坐船仔遊荷蘭係幾好, 但無得俾人揀就唔太好啦 

坐完船仔去左睇鑽石, 想買但無錢買, 唯有走去飲柸免費咖啡, 咁啱見到佢地喎, 不過一隻都無買到, 太貴同唔知擺邊

飲完咖啡就行去食LUNCH

望住堤壩廣場食中午飯

食中餐, 係外國地方都唔預好食架啦, 呢餐味道都幾唔錯, 但個老闆就最衰, 咁我地啲香港習慣左洗碗筷, 俾個老闆見到就鬧我地好洗喎, 話我地來到人地既地方, 要習慣下當地文化, 咁有團友見焗咪想開窗, 俾個老闆見到又鬧, 話依家天氣邊會熱, 叫我地唔好開窗, 最多開風扇俾我地.... 大家團友都忍佢...

就係呢間餐廳啦, 唔想做團餐就唔好接啦

之後領隊帶我地途經唐人街同紅燈區, 一早通知左我地唔可以影相, 睇下好啦....咁就叫做玩完荷蘭架啦, 搭車去德國酒店

今晚住呢間

跟團最好就係酒店唔會好細, 間房唔錯架

安頓好就落樓下食晚餐
蘑菇湯, 只飲到咸咸地味

主菜係雞胸, 又幾好味喎

食飽飽返房上下網, 睇陣劇就瞓啦, 依家出遊時點少得上網, 租蛋又太貴, 最後淘左張歐洲上網咭(不包瑞士), 其他國家全程都好順, 計落約$180, 用到11日都幾抵, 又唔洗拎多舊野出街

報時 : 距離釜九櫻花6人行之旅仲有--3日
個報時器可能係下一編BLOG已經無啦...有小小失落添
行程叫左度好曬, 係九州會自駕, 不過未租車...

希望天氣會好轉啦, 依家睇第一日陰天, 第二日落雨...我都想想睇櫻花同油菜花...