2015.09.13 台北54小時尋食尋兔之旅 Day 2

又到星期五...
上星期尾去左澳門玩左3日2夜...好開心食左多野

2015.09.13  台北 >阜杭豆漿 > MIFFY60週年展 > 東區 > 邊爐 > 西門町

我地由酒店行去善導寺站食個早餐先, 途經呢個建築物, 上次行過都有影, 覺我佢幾有特色

沿途有樹蔭幾舒服

來到都預左要排隊, 今天算人多啦吧....

排左9個字,終於都排到啦...

排左咁耐, 梗係要買多少少食, 咁樣好似抵啲...
我地買左一厚一薄燒餅, 真係好好味

食飽飽就開始今日重點行程, 就係去華山1914既MIFFY展

同小朋友影下相先, 今次帶左沖繩菠蘿兔出遊

當我地決定去台北時都未知有展覽, 係我上網睇吓有咩熱點時先知, 時間仲要剛剛好, 今日係個展覽最後一日展期, 真LUCKY

姐姐真好, 佢唔係鐘意MIFFY都陪我去...度度都要影相, 係裡面不停講好得意呀...

原本想買TEE俾朋友做手信, 但質地實在太唔掂, 改買第二樣啦

影飽相就要去飽埋個肚先得, 今日去東區食魚生飯, 去到又係要排隊

上FB LIKE佢既既FANS PAGE就送一支波子汽水

我地只叫左一碗飯 + 玉子燒
呢間店呢期好似幾出名, 大概HK$1xx...
味道係唔錯, 但唔係真係好味到不得了既地步, 但就係抵食既

玉子燒
基本上去食日式菜都鐘意點食, 佢地又整我幾好味, 唔會太甜, 又夠Juicy

點解我地叫一碗飯呢....其實下一個景點就係去食下午茶
途經一間賣檸蜜店, 呢柸真係超好味, 好香檸檬香

又去左搭巴士去, 無無聊聊咩都影一餐

落車見到好大張東海poster, 又影下

途經鬆弛熊café.....唔係好多人咁喎

來到我想試個間鬆餅店, 要等位...around 半個鐘, 我地就係附近行下

就係為左食佢...確係好鬆軟, 飲品都唔錯架....

食完tea就去買拌手禮

知道糖村好耐, 但去咁多次台北都未買過, 年初係朋友家中試食過, 確係好幾味, 又唔痴牙, 自己來到買返少少返屋企食啦

無聊相一張, 經過見到佢個名實在太特別....識廣東話既朋友先會明白個笑點係邊

再去到下一間拌手禮店, 其實可以網購, 但反正我地無行程咪去食返件...

有理無理,每個客人入到舖頭, 店員就會請你飲柸荼同食件鳳梨酥

去台北點可能唔食麻辣鍋呢....每次都想下新野,網上太多台灣blogger都寫得太精彩, 要諗食邊間都好頭痛,最後我地揀左 [無老鍋]

無老鍋既賣點係佢個麻辣鍋湯頭可以飲,說實在的...紅白兩湯湯頭都好好味, 紅湯麻香辣度剛好, 白湯清甜 

我地點了兩盤肉加點菜...全部都好好味

食完, 店家會送白香果沙冰, 清清麻辣味, 真貼心

食完麻辣鍋就夜探西門町, 目的只有一個

就係來食佢, 不過今次無香菜, 只有九層塔, 味道差啲啲

台北真係離唔開食食食, 但確實好滿足

仲有大概一星期就出發啦, 但仲未決定到租唔租車, 原本去東京根本唔會考慮租車, 市區渣車超唔方便, 未試過渣車又想試下, 但落雪就唔想, 始終無經驗

釜九個TRIP一直都仲有2晚酒店未BOOK, 剛剛今日BOOK埋, 到時唔啱心水再改訂...起碼有地方住

報時：距離新春東京shopping之旅仲有---8日

報時 : 距離釜九櫻花6人行之旅仲有--64日