今次屋企旅行準備左好耐, 因為要好早開始儲飛行里數
因為要細佬要睇吓啲假期先, 所以到2月個時先換得機票
CS話我地人多(6個人), JAL無放到咁多飛出來, 最後我地中間個程機分開2組, 問題唔大既, 只係俾幾舊水就有張機票仲想點呀!! 加上今次第一次可以自駕遊, 實在太Happy, 由於我係仲P仔關係, 今次全程細佬渣車(偷笑中...)
雖然唔洗渣車, 但要做領隊(其實次次都係我), 我又好鐘意編行程既, 由於全家人去旅行, 變左啲錢就夾埋咁計, 變相酒店唔想訂咁貴, 條數好似好大咁....
做好準備
呢度好似係50萬YEN(4個人用), 加上旅行買野我都盡量會用信用咭, 最後用剩唔少可以留下次用
我地又去左食Free breakfast, 今次去40號閘個邊, 覺得無咁多人同食物款式多啲
無聊影相中
我地搭0935班機, 去到札幌1530, 攪呢攪勞上得車已經1633, 我就覺得算快, 反正今日無行程, 只係札幌市食dinner, 唔急...
日本JR車箱真係貼心設計, 有個位俾妳擺車飛, 等啲系員驗飛都唔洗要叫醒妳...如果瞓左既話
我地只係札幌住一晚, 價錢決定一切, 揀左中島公園站酒店, 呢邊平少少, 由呢度行去薄野都係10分鐘左右, 唔太遠, 酒店明明話地鐵站出口行3分鐘, 我地行左都有7-8分鐘, 都唔揾唔到酒店喎, 去map睇吓....點知行到過曬龍, 行多一半有多, 我諗真係3分鐘到, 酒店四周環境唔錯
房內都唔錯架, 一舨日本酒店房, 我覺得幾好, 床夠大, 仲有張2人梳化添, 只係走廊細啲, 我地只得一個29吋篋, 開係無問題
係房休息一陣就行去狸小路附近食飯, 途中仲食左八爪魚丸同煨蕃薯...八爪魚丸就認真麻麻, 但個蕃薯就確好食, 但要800yen
今晚食呢間, 去到要排隊, 係樓梯中間開始排, 咪以為得前面6-8位人排緊, 舖頭入面仲有10幾人
呢度食湯咖哩, 北海道名物之一, 老爸又like就帶佢來試下
款式唔多架, 但豬牛雞羊菜都有得俾妳揀
我的湯咖哩雜菜+有味飯
一個字......................正
啲湯都得曬咁滯
食飽再去行下狸小路同附近,但無買野,廢事拎住咁多野行幾日, 反正最後一日返返來札幌, 到時先買
今晚只係酒店買左包一次分量洗衣粉...早知咁平就買多幾包
因為之後係九州買貴一倍
好耐無寫....啲字頭變曬啦
報時：距離台北54小時尋食尋兔之旅仲有---19日~
報時：距離西歐鴨仔團之旅仲有---43日 (唔知成團未??)
原來我地差不多時候去！湯咖哩真係咁正？辣嗎？
回覆刪除係喎, 仲要大家都係同屋企人去添
刪除正呀....可以自己揀辣度, 下次試下