10.19 久利生回來

今日重陽節多咗一日假,屋企唔洗登山,亦唔會安排係呢D日子去探舅公,實在太多人,的士根本去唔到門口,所以尋日就安排咗今早去睇戲。

尋日有兩套新戲同時上映,打算睇其中一套,咁父母想去睇色戒,所以我就睇久利生喇,片長差唔多,唔洗等咁耐丫嗎,呢 套電視劇多年前都有追開,所以知佢有電影版都想去睇,咁啱有假,姐姐又話想睇,所以就決定去睇早場(平D),爸爸仲有長者優惠添,因為有月票,所以我地就 同平時返工一樣咁早起身,一齊去荃灣睇戲,套戲都幾好睇架,不過爸爸就話悶悶地,開頭仲瞓咗陣添,真攪笑,有個朋友都鍾意去戲院瞓覺架,佢地真係夾喇。

之後就去咗飲茶,原本諗住之後去屯門行街既,點知最後都係返咗屋企休息,咁坐吓坐吓就一日喇,放假既時間過得真係快。