9.9 運動日

星期日...通常我都會留係屋企休息吓,不過今日就約咗2條友仔去沙田跳健康舞,打算跳12點同1點2堂,咁我咪教鬧鍾10點起身,都提早2個鍾架喇,應該夠時間,但我係屋企食吓早餐喇,同爸爸傾吓計,好快就差唔多11點囉,咁我又遲咗少少出門口,唉...咁就慘喇,趕唔到11點鍾既巴士,仲要熱住咁係巴士站等咗15分鍾車添呀,去到既時候已經入緊人,無人同我登記,攪到我又唔可以去換衫先,白白咁係度等囉,不過好彩唔算full都跳到,第一堂可能我盡力咗少少,到跳第2堂既時候已經有D腳仔軟,不過都有跳曬,之後就同WPS返上水,途中經過化妝品公司,就入咗入買咗個捷毛鉗,因為原本嗰個唔知去咗邊(不過後來已經知道係俾隔離房既小偷攞咗去用,無還)。