都有一排無寫喇, 因為每日都簡簡單單咁過, 真係無咩值得寫低,近日煩憂著我既都應該係讀咩好,諗住報日文,但又唔知報咩好, 問咗幾個朋友都話應該報第3年既課程,但我又驚自己唔識, 仲有究竟應該報邊間學校呢真係煩死人喇!!
約咗多時既約會, 終於尋日都去咗,以前我地有7個人架,但因為有一年發生咗少少事,所以由7個變咗6個,
幾年後大家都慢慢忘記咗嗰件小事,所以再約埋一齊去咗朋友屋企, 原本打算係佢度BBQ, 但因為落雨所以出咗去燒,都OK架,
算係咁架喇,只係貴咗少少,成本100大元。
我地有個朋友出年年頭結婚,揾咗我地其中幾個做姐妹,我就要幫佢做伴娘, 都唔知點算好呀, 咁肥....,真係要再努力D減肥先得啦, 有個煩人已經好努力, 已經減咗成10幾磅喇, 都唔知係唔係人來架, 咁鬼快, 攪到我都有D壓力
沒有留言:
張貼留言